అల్లరి నరేష్ బలమే కామెడీ. తన తండ్రి ఈవీవీ సత్యనారాయణ అండదండలతో.. తన కామెడీ టైమింగ్ తో టాలీవుడ్ లో అల్లరి నరేష్ మంచి క్రేజ్ సొంతం చేసుకున్నాడు.
అల్లరి నరేష్ బలమే కామెడీ. తన తండ్రి ఈవీవీ సత్యనారాయణ అండదండలతో.. తన కామెడీ టైమింగ్ తో టాలీవుడ్ లో అల్లరి నరేష్ మంచి క్రేజ్ సొంతం చేసుకున్నాడు. ఒకప్పుడు రాజేంద్ర ప్రసాద్ తరహాలో కామెడీ చిత్రాలతో అల్లరి నరేష్ దూసుకుపోయాడు. కానీ ఆ తర్వాత అల్లరి నరేష్ కి సరైన హిట్ దక్కలేదు.
దీనితో అల్లరి నరేష్ మహర్షి లాంటి చిత్రాల్లో ఎమోషనల్ క్యారెక్టర్ రోల్స్ చేశారు. ఇటీవల తిరిగి హీరోగా చిత్రాలు చేస్తున్నాడు కానీ.. అల్లరి నరేష్ నుంచి ఫ్యాన్స్ ఆశించే కామెడీ చిత్రం మాత్రం రావడం లేదు. ఎట్టకేలకు అల్లరి నరేష్ ఆ కోరిక తీర్చబోతున్నాడు.
అల్లరి నరేష్ నటించిన 'ఆ ఒక్కటీ అడక్కు' చిత్రం మే 3 న గ్రాండ్ రిలీజ్ కి రెడీ అవుతోంది. పెళ్లి కాని వ్యక్తి మ్యాట్రిమోనీ సంస్థల చుట్టూ తిరుగుతూ ఎదుర్కొనే ఇబ్బందులని ఫన్నీగా చూపించబోతున్నారు. ఇప్పటికే విడుదలైన ట్రైలర్ ఆకట్టుకుంది. ఈ చిత్రంలో ఫరియా అబ్దుల్లా హీరోయిన్ గా నటిస్తోంది.
ఈ చిత్రం కోసం అల్లరి నరేష్ జోరుగా ప్రచార కార్యక్రమాలు నిర్వహిస్తున్నాడు. లేటెస్ట్ ఇంటర్వ్యూలో తన ఫ్యామిలీ విశేషాలని కూడా అల్లరి నరేష్ వివరించాడు. ఈ క్రమంలో తన సోదరుడు ఆర్యన్ రాజేష్ తో కలసి నటించడంపై అల్లరి నరేష్ సంచలన వ్యాఖ్యలు చేశాడు. మీ బ్రదర్ ఆర్యన్ తో కలసి నటించే ఆలోచన ఉందా అని అడగగా.. ఇప్పట్లో లేదని నరేష్ తేల్చి చెప్పాడు. దానికి కారణం కూడా వివరించారు.
గతంలో మేమిద్దరం కలసి నటించి పెద్ద తప్పు చేశాం. అల్లరి నరేష్, ఆర్యన్ రాజేష్ కలసి నటించిన చిత్రం నువ్వంటే నాకిష్టం. అల్లరి నరేష్ నాన్న గారు ఈవీవీ సత్యనారాయణ దర్శకత్వంలోనే ఈ చిత్రం తెరకెక్కింది. నేను, రాజేష్ ఆ చిత్రంలో కలసి నటించడం వల్ల తప్పు జరిగింది. ఆ మూవీలో మేమిద్దరం ఒకే అమ్మాయిని ప్రేమిస్తాం.
అల్లరి నరేష్ లేఎలా చిత్రంలో మేమిద్దరం అన్నదమ్ములం కాదు. కానీ అల్లరి నరేష్, ఆర్యన్ ఇద్దరూ రియల్ లైఫ్ లో బ్రదర్స్ అనే విషయం ఆడియన్స్ కి తెలుసు. ఆ మూవీలో మేమిద్దరం ఒకే అమ్మాయిని ప్రేమించినప్పటికీ ఆడియన్స్ జీర్ణించుకోలేకపోయారు. బ్రదర్స్ ఒకే అమ్మాయితో ప్రేమలో పడడం ఏంటి అని ఛీ కొట్టారు. ఫలితంగా మూవీ ఫ్లాప్ అయింది అని అల్లరి నరేష్ పేర్కొన్నాడు. టెస్ట్ ఫోటో గ్యాలరీ
అలాంటి తప్పు రిపీట్ కాకుండా చూడాలి. బ్రదర్ సెంటిమెంట్ తో మంచి కథవస్తే అప్పుడు ఆలోచిస్తాం అని అల్లరి నరేష్ తెలిపాడు. నాన్నగారి గుర్తుగా తన కుమార్తెకి కూడా ఇవికా అని పేరు పెట్టినట్లు అల్లరి నరేష్ తెలిపాడు. మా ఇంట్లో మొత్తం గడ్డాలు మీసాలే.. నాకు కూతురు జన్మించడం చాలా సంతోషంగా ఉందని అల్లరి నరేష్ పేర్కొన్నాడు.