పవన్‌ కళ్యాణ్‌తో గ్యాప్‌ పై అలీ సంచలన వ్యాఖ్యలు.. క్రియేట్‌ చేశారంటూ షాక్‌.. తొలి లవ్‌ స్టోరీ రివీల్‌..

టాలీవుడ్‌లో మంచి స్నేహితులుగా ఉన్న పవన్‌ కళ్యాణ్‌, అలీ మధ్య గత కొన్ని రోజులుగా గ్యాప్‌ వచ్చిన విషయం తెలిసిందే. తాజాగా దీనిపై కమెడియన్‌ అలీ ఓపెన్‌ అయ్యారు. అసలు విషయాన్ని వెల్లడించారు.  

పవన్‌ కళ్యాణ్‌(Pawan Kalyan), అలీ (Ali) టాలీవుడ్‌లో మంచి స్నేహితులు. పవన్‌ ప్రతి సినిమాలోనూ అలీ ఉండేంత అనుబంధం వీరి సొంతం. అయితే గత ఏపీ ఎలక్షన్లలో వీరిద్దరి మధ్య గ్యాప్‌ వచ్చిన విషయం తెలిసిందే. తాజాగా దీనిపై అలీ స్పందించారు.పవన్‌ కళ్యాణ్‌తో విభేదాలపై కమెడీయన్‌ అలీ మొదటిసారి ఓపెన్‌ అయ్యారు. అసలు గ్యాప్‌కి కారణమేంటో తెలిపారు. 

అలీ.. ఈటీవీలో `అలీతో సరదాగా` (Alitho Saradaga) షోకి హోస్ట్ గా చేస్తున్న విషయం తెలిసిందే. ఎంతో మంది సెలబ్రిటీలను ఇంటర్వ్యూ చేశారు అలీ. అనేక ఆసక్తికర విషయాలను రాబట్టారు. కానీ ఈ సారి అలీనే ఆ ప్రశ్నలు ఎదుర్కొన్నారు. ఆయన్న యాంకర్‌ సుమ(Suma) ప్రశ్నించడం విశేషం. సుమ యాంకర్‌గా అలీ గెస్ట్ గా ఈ వారం ఎపిసోడ్‌ని చిత్రీకరించారు. తాజాగా దీనికి సంబంధించిన ప్రోమో విడుదలైంది. 

ఇందులో పవన్‌తో గ్యాప్‌ గురించి ప్రశ్నించింది సుమ. గ్యాప్‌కి కారణమేంటి? ఎలా వచ్చిందని ఆమె ప్రశ్నించగా, ఆశ్చర్యపరిచే ఆన్సర్‌ ఆయన్నుంచి వచ్చింది. ఇన్నాళ్లు జనాల్లో ఉన్న అభిప్రాయాన్ని బ్రేక్‌ చేస్తూ షాకింగ్‌ ఆన్సర్‌ ఇచ్చారు అలీ. గ్యాప్‌ నిజానికి తమ మధ్యలేదని తెలిపారు. అయితే ఆ గ్యాప్‌ క్రియేట్‌ చేయబడిందని సంచలన వ్యాఖ్యలు చేశారు. దీనికి సంబంధించిన అసలు విషయాలను అలీ వెల్లడించారు. 

అయితే పూర్తి ఎపిసోడ్‌లో ఆ విషయాలను అలీ తెలియజేయనున్నారని చెప్పొచ్చు. ప్రోమోలో ఆ విషయాలను చూపించి హైప్‌ క్రియేట్‌ చేశారు. పూర్తి ఎపిసోడ్‌లో పవన్‌తో విభేదాలపై క్లారిటీ వచ్చే అవకాశం ఉందని తెలుస్తుంది. అయితే అలీ ఏం చెప్పబోతున్నారనేది ఆసక్తికరంగా మారింది. వీరిద్దరి మధ్య గ్యాప్‌ ఎవరు క్రియేట్‌ చేశారనేది మరింత ఇంట్రెస్ట్ ని క్రియేట్‌ చేస్తుంది. 

గత ఏపీ ఎన్నికల్లో అలీ వైసీపీ పార్టీలో చేరారు. పవన్‌ స్నేహితుడై ఉండి, తనతో ఉండకుండా వేరే పార్టీలోకి వెళ్లడంతో పవన్‌ కూడా పలు కామెంట్లు చేశారు. ఆ తర్వాత వైసీపీ చేరిన అలీ కూడా పవన్‌పై కొన్ని కామెంట్లు చేశారు. ఏపీ అభివృద్ధి విషయంలోనూ పవన్‌ వ్యాఖ్యలను ఆయన ఖండించారు. ఈ నేపథ్యంలో ఇవి వీరిద్దరి మధ్య గ్యాప్‌ని పెంచుతూ వచ్చాయనే ప్రచారం జరిగింది. ఈనేపథ్యంలో దీనిపై అలీ వివరణ ఇవ్వడం ఆసక్తికరంగా మారింది. అయితే ఆయన ఏం చెప్పారనేది మరింత ఇంట్రెస్ట్ ని క్రియేట్‌ చేస్తుంది. ఈ షో సోమవారం ప్రసారం కానుంది. 

మరోవైపు ఈ సందర్భంగా తన పెళ్లికి ముందు తనలవ్‌ స్టోరీని పంచుకున్నారు అలీ. పెళ్లికి ముందు ఏవైనా లవ్‌ స్టోరీస్‌ ఉన్నాయా? అని ప్రశ్నించగా, సిగ్గులు మొగ్గేశాడు అలీ. ఓ రోజు తమ పక్కింటి అమ్మాయి వర్షంలో తడుస్తూ వస్తుందని, ఆమెని చూసిన అలీ, తన చెల్లితో గొడుగు ఇచ్చి పంపించారట. ఆ తర్వాత ఆమె వర్షం లేకపోయినా ఆ గొడుగు పట్టుకుని తన ఇంటి ముందు నుంచి వెళ్లేదని చెప్పారు. మరి ఆ తర్వాత ఏం జరిగిందనేది కూడా సస్పెన్స్ లో పెట్టారు అలీ. మరోవైపు సుమ, అలీ మధ్య జరిగిన కన్వర్జేషన్‌, పంచ్ లు, సెటైర్లు నవ్వులు పూయించాయి.