ఉక్కులాంటి బాడీతో అఖిల్ ఊరమాస్ లుక్.. 2022పై ఇంట్రెస్టింగ్ కామెంట్స్.. ఏమంటున్నాడంటే?

2022కు వీడ్కోలు చెబుతూ అక్కినేని అఖిల్ (Akhil Akkineni) ఇంట్రెస్టింగ్ కామెంట్స్ చేశారు. న్యూ ఇయర్ లో నయా జోష్ తో రాబోతున్నట్టు తెలుపుతూ.. సిక్స్ ప్యాక్ తో ఊరమాస్ లుక్ లోని  ఫొటోలను అభిమానులతో పంచుకున్నారు.   

అక్కినేని యంగ్ హీరో అఖిల్ (Akhil) సాలిడ్ హిట్ ను సొంతం చేసుకునేందుకు సిద్ధం అవుతున్నారు. చివరిగా ‘మోస్ట్ ఎలిజిబుల్ బ్యాచిలర్’తో డీసెంట్ హిట్ ను అందుకున్నారు. మాస్ అండ్ యాక్షన్ ఫిల్మ్ తో హిట్ కొట్టేందుకు ఎప్పటి నుంచే ఎదురుచూస్తున్నారు. 

2020లోనే యాక్షన్ అండ్ స్పై థ్రిల్లర్ ఫిల్మ్  ‘ఏజెంట్’(Agent)ను అనౌన్స్ చేసిన విషయం తెలిసిందే. మాస్ డైరెక్టర్ సురేందర్ రెడ్డి చిత్రానికి దర్శకత్వం వహిస్తున్నారు. ఏకే ఎంటర్ టైన్ మెంట్స్ బ్యానర్ పై రాంబ్రహ్మం సుంకర నిర్మిస్తున్నారు. 2022లోనే రిలీజ్ కావాల్సిన ఈ చిత్రం ఆల్యసమవుతూ వస్తోంది.

ఎట్టకేళకు ఈ ఏడాది సమ్మర్ లో విడుదల చేయబోతున్నట్టు  మేకర్స్ అనౌన్స్ చేశారు. న్యూ ఇయర్ స్పెషల్ గా ఓ యాక్షన్ ప్యాక్డ్ మేకింగ్ వీడియోను విడుదల చేసి సినిమాపై ఆసక్తి ని పెంచారు. ఈ సందర్భంగా అఖిల్ కూడా 2022కు వీడ్కోలు పలుకుతూ ఆసక్తికరమైన కామెంట్స్ చేశారు. ఈ సందర్బంగా ఇస్టాలో మాస్ లుక్ లోని పిక్స్ ను కూడా షేర్ చేశారు. 

అఖిల్ పోస్ట్ పెడుతూ.. ‘నా ఊహకు అందనంతగా మానసికంగా, శారీరకంగా నన్ను పరీక్షించిన 2022కు నేను వీడ్కోలు పలుకుతున్నాను. చాలా ముఖ్యమైన విషయం ఏమిటంటే, ఈ ఏడాది గందరగోళంగా ఉన్నా ప్రశాంతంగా ఎలా ఉండాలో నేర్పించినందుకు 2022కి ధన్యవాదాలు.

2023లో వెళ్తున్నాం. ‘ఏజెంట్’తో నేను మీముందుకు రావడానికి సిద్ధంగా ఉన్నాను. ఈ సందర్భంగా మీ అందరికి నూతన సంవత్సర శుభాకాంక్షలు తెలుపుతున్నాను. Agent లోడింగ్ అవుతుందం’టూ నోట్ లో పేర్కొన్నారు. గతేడాదే ఈ చిత్రం విడుదల కావాల్సి ఉంది. పలు కారణాలతో వాయిదా పడుతూ వచ్చింది.

2022లోనే ఈ యాక్షన్ అండ్ స్పైథ్రిల్లర్ తో సాలిడ్ హిట్ అందుకోవాలని భావించాడు అఖిల్. కానీ అఖిల్ కాలుకు గాయం కావడం, కరోనా పరిస్థితులతో కుదరలేదు. మరోవైపు ఈ సినిమా కోసం ఫిజికల్ గా చాలా కష్టపడ్డాడు. శరీరాన్ని ఉక్కులా మార్చేశాడు. అఖిల్ మేకోవర్ స్టన్నింగ్ గా అనిపిస్తోంది. తాజాగా సిక్స్ ప్యాక్ చూపిస్తూ అక్కినేని యంగ్ హీరో పోస్ట్ చేసిన పిక్స్ నెట్టింట వైరల్ అవుతున్నాయి.  

ఇక ఈ చిత్రంలో అఖిల్ సరసన హీరోయిన్ సాక్షి వైద్య నటిస్తోంది. మలయాళ స్టార్ యాక్టర్ మమ్ముట్టీ పవర్ ఫుల్ రోల్ పోషిస్తున్నారు. ఏకే ఎంటర్ టైన్ మెంట్ బ్యానర్ పై తెలుగులో రూపుదిద్దుకుంటున్న ఈ చిత్రం హిందీ, తమిళం, మలయాళం మరియు కన్నడలోనూ డబ్డ్ వెర్షన్‌ లో 2023 సమ్మర్ లో విడుదల కానుంది. హిప్ హాప్ తమిజా సంగీతం అందిస్తున్నారు.