`అఖండ 2ః తాండవం` టీజర్‌.. శివుడిగా బాలయ్య విశ్వరూపం, ఇండియన్‌ బాక్సాఫీసుకి పూనకాలే

నందమూరి బాలకృష్ణ ప్రస్తుతం `అఖండ 2`లో నటిస్తున్నారు. ఈ చిత్రం నుంచి టీజర్‌ విడుదలయ్యింది. ఇందులో శివుడిగా బాలయ్య రెచ్చిపోయారు. తాండవం చేస్తుండటం విశేషం.

`అఖండ` తర్వాత బాలయ్య, బోయపాటి కాంబినేషన్‌లో సినిమా

బాలకృష్ణ, బోయపాటి శ్రీను కాంబినేషన్‌లో వచ్చిన `అఖండ` భారీ విజయాన్ని సాధించింది. ఆ తర్వాత బాలయ్య తన విజయ పరంపర కొనసాగిస్తూనే ఉన్నారు. ఈ క్రమంలో ఇప్పుడు బాలయ్య, బోయపాటి కలిసి `అఖండ 2ః తాండవం` చిత్రాన్ని రూపొందిస్తున్నారు. ఈ మూవీ నుంచి అదిరిపోయే టీజర్‌ని విడుదల చేసింది యూనిట్‌.

బాలయ్య బర్త్ డే గిఫ్ట్ గా `అఖండ 2ః తాండవం` టీజర్‌

మంగళవారం(జూన్ 10) బాలకృష్ణ పుట్టిన రోజు. ఈ సందర్భాన్ని పురస్కరించుకుని బాలయ్య అభిమానులకు ముందుగానే ట్రీట్‌ ఇచ్చారు బోయపాటి. `అఖండ 2` నుంచి అదిరిపోయే టీజర్‌ ని విడుదల చేశారు. ఇందులో శివుడి అవతారంలో బాలయ్య విశ్వరూపం చూపించారు. విడుదలైన టీజర్‌ పూనకాలు తెప్పించేలా ఉంది.

శివుడి గెటప్‌లో రెచ్చిపోయిన బాలయ్య

`నా శివుడి అనుమతి లేనిదే ఆ యముడైనా కన్నెత్తి చూడడు. నువ్వు చూస్తావా?. అమాయకుల ప్రాణాలు తీస్తావా?` అంటూ బాలయ్య చెప్పే పవర్‌ ఫుల్‌ డైలాగ్‌ తో టీజర్ సాగింది. ఇందులో బాలయ్య రెచ్చిపోయారు. సీన్లకి తగ్గట్టుగా ఆయన చెప్పే డైలాగ్‌లో గూస్‌ బంప్స్ తెప్పిస్తున్నాయి.  కానీ బీజీఎం అంతగా ఎక్కేలా లేదు. థమన్‌ రేంజ్‌లో కనిపించలేదు. 

పూనకాలు తెప్పించేలా `అఖండ 2` టీజర్‌

టీజర్‌లో బాలయ్య యాక్షన్‌ వేరే లెవల్‌లో ఉంది. కాశ్మీర్ మంచు కొండల నేపథ్యంలో టీజర్‌ సాగింది. అందులో శివుడి గెటప్‌లో బాలయ్య ఎంట్రీ ఇచ్చారు. త్రిశూలం పట్టుకుని అచ్చం ఆ పరమశివుడిని తలపించేలా ఉన్నారు. పవర్‌ ఫుల్‌ ఎంట్రీతో వాహ్‌ అనిపించారు. అంతేకాదు అమాయకుల ప్రాణాలు తీస్తావా అంటూ విలన్లను ఒక్క దెబ్బతో మట్టికరిపించారు. 

దసరా కానుకగా `అఖండ 2ః తాండవం` సినిమా

బాలయ్యి విజృంభించిన తీరు నెక్ట్స్ లెవల్‌లో ఉంది. ఈ మూవీ `అఖండ`ని మించి ఉందని టీజర్ చూస్తుంటే అర్థమవుతుంది. టీజరే ఇలా ఉంటే, సినిమా ఇంకా ఏ రేంజ్‌లో ఉంటుందో అర్థం చేసుకోవచ్చు. బాలయ్య, బోయపాటి కాంబినేషన్‌ ఎప్పుడూ డిజప్పాయింట్‌ చేయలేదు. ఇప్పుడు కూడా డిజప్పాయింట్‌ చేయబోదని అర్థమవుతుంది. 

ఇక ఈ మూవీని పాన్‌ ఇండియా లెవల్‌లో రిలీజ్‌కి ప్లాన్‌ చేస్తున్నారు. కనెక్ట్ అయితే మాత్రం బాలయ్య కెరీర్‌లోనే సంచలనాత్మక మూవీగా నిలవబోతుందని చెప్పొచ్చు. రామ్‌ ఆచంట, గోపీ ఆచంట నిర్మించిన ఈ మూవీ దసరా కానుకగా సెప్టెంబర్‌ 25న ఆడియెన్స్ ముందుకు రాబోతుంది.