యంగ్ సెన్సేషన్ శ్రీలీలా పేరు టాలీవుడ్ లో మారుమోగుతున్న విషయం తెలిసిందే. భారీ చిత్రాల్లో నటిస్తూ అందరి ప్రశంసలు పొందుతోంది. అయితే, శ్రీలీలా శేఖర్ మాస్టర్ కు సారీ చెబుతూ మూడు పేజీల లేఖ రాయాల్సి వచ్చిందంట. ఆ విషయాన్ని తాజాగా వెల్లడించింది.
టాలీవుడ్ క్రేజీ హీరోయిన్ శ్రీలీలా (Sreeleela) ప్రస్తుతం బడా హీరోల సరసన నటిస్తూ ఫుల్ బిజీగా ఉంది. ఏడెనిమిది సినిమాలు చేస్తూ తెలుగు చిత్ర పరిశ్రమలో సెన్సేషన్ గా మారింది. ఇక ఒక్కో సినిమా రిలీజ్ కు సిద్ధమవుతోంది. ప్రస్తుతం ‘స్కంద’ ప్రమోషన్స్ లో యంగ్ బ్యూటీ సందడి చేస్తోంది.
రీసెంట్ గా హైదరాబాద్ లోని హైటెక్ సిటీ శిల్పా కళా వేదికలో ఈ చిత్ర ప్రీరిలీజ్ ఈవెంట్ గ్రాండ్ గా జరిగింది. కార్యక్రమానికి శ్రీలీలా బ్యూటీఫుల్ లుక్ లో హాజరై ఆకట్టుకుంది. అలాగే వేదికపై అభిమానుల కోసం పాట పాడి ఉత్సాహపరిచింది. ఇప్పటి వరకు డాన్స్ తో అదరగొట్టిన ఈ ముద్దుగుమ్మ మొదటిసారి సాంగ్ పాడి అలరించింది.
ఇదిలా ఉంటే.. శ్రీలీలా గురించి ఇంట్రెస్టింగ్ న్యూస్ నెట్టింట వైరల్ గా మారింది. స్టార్ కొరియోగ్రాఫర్ శేఖర్ మాస్టర్ కు సారీ చెబుతూ మూడు పేజీల లేఖ రాసిందని తెలుస్తోంది. ఈ విషయాన్ని తాజాగా శ్రీలీలానే ‘స్కంద’ ప్రమోషన్స్ లో భాగంగా షేర్ చేసుకుందని తెలుస్తోంది. ఈ మేరకు వార్త వైరల్ అవుతోంది.
ఓ సినిమా చిత్రీకరణ సమయంలో శేఖర్ మాస్టర్ కొరియోగ్రఫీలో డాన్స్ షూట్ జరుగుతోంది. ఆ సాంగ్ కోసం ఎన్నో సార్లు రీహార్సల్స్ చేసినట్టు తెలిపింది. అయినా సెట్స్ లో 30 రీటేకులు తీసుకోవాల్సి వచ్చిందంట. తనకు ఎక్కువ టేక్స్ తీసుకోవడం ఇష్టం ఉండదని, కానీ ఆరోజు ఆ రేంజ్ టేక్ లు తీసుకోవడం చాలా బాధనిపించిందని చెప్పుకొచ్చింది.
దీంతో షూటింగ్ అయ్యి ఇంటికెళ్లాక.. శేఖర్ మాస్టర్ కు సారీ చెబుతూ మూడు పేజీల లేఖను రాసిందంట. శేఖర్ మాస్టర్ తిరిగి ఫోన్ చేసి తన తప్పేం లేదని, బాధపడొద్దని చెప్పారంట. ఎక్కవ మంది డ్యాన్సర్స్ ఉండటం.. బ్యాక్ గ్రౌండ్ లో సరిగ్గా స్టెప్పులు వేయకపోవడంతో రీటేక్స్ చేయాల్సి వచ్చిందని తెలిపారంట. దాంతో శ్రీలీలా మనస్సు కుదుట పడిందని చెప్పింది.ఇక శ్రీలీలా తన నాలుగేళ్ల వయస్సు నుంచే భారతనాట్యం, డాన్స్ పరంగా శిక్షణ పొందింది. కాళ్లకు బొబ్బలు వచ్చినా డాన్స్ క్లాసులకు వెళ్లేదని ఓ షోలో చెప్పిన విషయం తెలిసిందే.
సినిమాల్లోకి రావడానికి కారణం కూడా చెప్పింది. తన ప్రతి పుట్టిన రోజు ఫొటోషూట్లు చేస్తూ ఉంటుందంట. అలాగే ఓ సారి ఫ్యామిలీ ఫ్రెండ్ భువన గౌడతో ఫొటోషూట్ చేయడం.. ఆ ఫొటో సోషల్ మీడియా ద్వారా కన్నడ డైరెక్టర్ కు చేరి తొలి ఆఫర్ వచ్చిందంట. స్కూల్ డేల్ లోనే సినిమాల్లోకి వచ్చినట్టు తెలిపింది. అలాగే.. శ్రీలీలా తల్లి గైనకాలజిస్టు కావడంతో ఇక యష్ భార్య రాధికకు రెండుసార్లు డెలివరీ చేసిందంట. దాంతో ఆమె డెలివరీ సమయంలో శ్రీలీలా ఎక్కువగా ఆస్పత్రిలోనే ఉండేదంట. అలా రాధికను అక్క పిలుస్తూ వారితో బాగా పరిచయం ఏర్పడిందని చెప్పింది. అలాగే యష్ ను బావా అని పిలుస్తుందంట.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి