సీన్ ఇంప్రూవ్ చేద్దామన్నాడు. సాంగ్ షూట్లో స్క్రిప్ట్లో లేకపోయినా నా కో-స్టార్ పదేపదే ముద్దుపెట్టుకున్నాడు. కెమెరా ఆన్లో ఉండటంతో ఏమీ చేయలేక నిస్సహాయంగా ఉండిపోయా. ఆ సంఘటన తలచుకుంటే ఇప్పటికీ ఏడుపొస్తుంది అని నటి ప్రియా బాపట్ కన్నీళ్లు పెట్టుకున్నారు.
రొమాంటిక్ సీన్ల పేరుతో కొందరు హీరోలు శృతి మించుతారు. స్క్రిప్ట్లో లేనివి కూడా చేస్తారు. ముఖ్యంగా ముద్దు, కౌగిలింత సీన్లలో అతిగా ప్రవర్తించి ఇబ్బంది పెడతారని 'మున్నాభాయ్ ఎంబీబీఎస్' నటి ప్రియా బాపట్ అన్నారు. తన సహనటుడు ఒకరు ఇలాగే పదేపదే ముద్దులు పెట్టాడని ఆమె ఆవేదన వ్యక్తం చేశారు.
26
క్కడా కిస్సింగ్ సీన్ లేదు
ఫిలింఫేర్ ఇంటర్వ్యూలో నటి ప్రియా కొన్ని షాకింగ్ విషయాలు బయటపెట్టారు. ఒక పాటను చిత్రీకరిస్తున్నప్పుడు, స్క్రిప్ట్ మొత్తం చదివానని, అందులో ఎక్కడా కిస్సింగ్ సీన్ లేదు. కానీ, సీన్ను ఇంప్రొవైజ్ చేస్తున్నాననే నెపంతో ఆ నటుడు తనను బలవంతంగా, పదేపదే ముద్దు పెట్టుకున్నాడని ప్రియా చెప్పారు.
36
కన్నీళ్లు తుడుచుకుని నటించాల్సి వచ్చింది
ఈ సంఘటన నా కెరీర్ ప్రారంభంలోనే జరిగింది. నేను అతడిని అడ్డుకోలేకపోయాను, నెట్టేయలేకపోయాను. బాధ, అవమానం నన్ను కుంగదీశాయి. అయినా డైరెక్టర్ కట్ చెప్పలేదు. స్క్రిప్ట్లో లేని ఆ రొమాన్స్ చేస్తుంటే, నన్ను కౌగిలించుకుని ముద్దుపెడుతుంటే.. కన్నీళ్లు తుడుచుకుని నటించాల్సి వచ్చింది అని ప్రియా చెప్పారు.
భోపాల్లో పాట షూటింగ్ జరుగుతోంది. నటీనటులు, సిబ్బంది అందరికీ ఒకే హోటల్లో వేర్వేరు గదులు ఇచ్చారు. ఆ సహనటుడు ప్రతిరోజూ రాత్రి డిన్నర్కి తన గదికి రమ్మని పిలిచేవాడు. నేను చాలాసార్లు వద్దని చెప్పాను. చివరికి, అతనే నా గదికి వచ్చి తలుపు తట్టాడు. దీంతో నాకు మరింత భయమేసింది అని ప్రియా తెలిపారు.
56
వెంటనే నా భర్తకు చెప్పాను
అతను తలుపు తట్టగానే నేను అలర్ట్ అయ్యాను. రేపు కలుద్దాం అని చెప్పి అతడి నుంచి తప్పించుకున్నాను. వెంటనే నా భర్తకు ఫోన్ చేసి ఈ వేధింపుల గురించి చెప్పాను. ఆయన ముంబై నుంచి నేరుగా భోపాల్ వచ్చారు. ఆ తర్వాత మూడు రోజులు నాతోనే ఉన్నారు. దాంతో ఆ నటుడి ప్రవర్తన మారింది అని ప్రియా వివరించారు.
66
కెరీర్పై ఎన్నో కలలతో వస్తారు
సినిమా, రాజకీయ నేపథ్యం లేకుండా చాలా మంది ఇండస్ట్రీకి వస్తారు. ప్రతిభ ఉన్న నటీమణులను ప్రారంభంలోనే ఇలాంటి పనులు చేసి వలలో వేసుకుంటారు. వాళ్లు ఇల్లు వదిలి, కెరీర్పై ఎన్నో కలలతో వస్తారు. మొదట్లో సహకరిస్తూ పోయి, చివరికి నరకాన్ని అనుభవిస్తారు అని ప్రియా ఆవేదన వ్యక్తం చేశారు.
