RRR, బాహుబలి ఎలా హిట్ అయ్యాయో తెలియదు.. శాకుంతలం ఎందుకు ఫ్లాపో అర్థం కావడం లేదు: నటి మధుబాల

రోజా, జెంటిల్ మాన్ చిత్రాల నటి మధుబాల అప్పుడప్పుడూ తెలుగు ప్రేక్షకులని పలకరిస్తున్నారు. రీసెంట్ గా మధుబాల శాకుంతలం చిత్రంలో కీలక పాత్రలో నటించారు. సమంత లీడ్ రోల్ నటించిన ఈ చిత్రం ఇటీవల విడుదలై పరాజయాన్ని మూటగట్టుకుంది. గుణశేఖర్ దర్శకత్వంలో తెరకెక్కిన ఈ చిత్రం ఆడియన్స్ కి ఏమాత్రం ఎక్కలేదు. 

ఈ మూవీలో మధుబాల శకుంతల తల్లిగా అప్సరస మేనక పాత్రలో నటించారు. శాకుంతలం చిత్రం ఫెయిల్యూర్ పై తొలిసారి ఆమె స్పందించారు. ఓ ఇంటర్వ్యూలో మధుబాల చేసిన వ్యాఖ్యలు వైరల్ అవుతున్నారు. 'శాకుంతలం' చిత్రం ఎందుకు ఫ్లాప్ అయిందో అర్థం కావడం లేదు. ఆ చిత్రం సరిగా ఆడలేదని తెలిసి చాలా బాధపడ్డా. 

ఎందుకంటే నిర్మాతలు, దర్శకుడు, టెక్నీషియన్స్, నటీనటులు అందరూ ఎంతో కష్టపడ్డారు. చేయాల్సిందంతా చేశారు. ప్రీ ప్రొడక్షన్ నుంచి రిలీజ్ వరకు దర్శకుడు, నిర్మాతలు ఉన్న ప్రతి చిన్న అవకాశాన్ని ప్రయత్నించారు. ఈ చిత్రం కోసం వాళ్ళ బెస్ట్ అందించారు. విజువల్ ట్రీట్ అందించేందుకు సిజి వర్క్ కోసం 6 నెలలు కష్టపడ్డారు. వాళ్ళు దేనిని గ్రాంటెడ్ గా తీసుకోలేదు. 

ఈ చిత్రం కోసం ఏ ఒక్కరూ వత్తిడితో పనిచేయలేదు. టెక్నీషియన్లను అవసరమైన ఫ్రీడమ్ ఇచ్చారు. అయినప్పటికీ బాక్సాఫీస్ వద్ద ఈ మూవీ ఎందుకు క్లిక్ కాలేదో అర్థం కావడం లేదు. మరోవైపు బాహుబలి, ఆర్ఆర్ఆర్ లాంటి చిత్రాలకు ప్రేక్షకుల నుంచి విశేష స్పందన లభించింది. అసలు ఆ చిత్రాలు ఎందుకు హిట్ అయ్యాయో తెలియదు. ఆ చిత్రాల విజయాలకు కారణాలు ఏంటో ఎవ్వరూ చెప్పలేరు అని మధుబాల ఆసక్తికర చేశారు. 

ఆర్ఆర్ఆర్, బాహుబలి తరహాలోనే శాకుంతలం చిత్రం కంప్లీట్ గా సౌత్ ఇండియన్ ఫ్లేవర్ లో తెరకెక్కింది. పైగా ఇది పురాణాలకు చెందిన కథ. అయినప్పటికీ ఈ చిత్రం వర్కౌట్ కాలేదు. ఈ లాజిక్ ఏంటో తెలియడం లేదు అని మధుబాల నిట్టూరుస్తూ మాట్లాడారు. 

శాకుంతలం చిత్ర ఈ రిజల్ట్ ని తాను ఊహించలేదని ఆమె ఆవేదన వ్యక్తం చేశారు. దర్శకుడు గుణశేఖర్ ఎంతో ప్రతిష్టాత్మకంగా ఈ చిత్రాన్ని రూపొందించారు. సమంత తొలిసారి పౌరాణిక చిత్రంలో నటించడంతో బాక్సాఫీస్ వద్ద ఈ చితం మ్యాజిక్ చేస్తుందని అంచనాలు కూడా వినిపించాయి. కానీ కథ కథనం నెమ్మదిగా సాగడం, విఎఫెక్స్ సరిగా లేకపోవడం లాంటి కారణాలతో ఈ చిత్రం బోల్తా కొట్టింది.