టాలీవుడ్ లో నటి హేమ క్యారెక్టర్ ఆర్టిస్ట్ గా మంచి గుర్తింపు సొంతం చేసుకుంది. దశాబ్దాల కాలం నుంచి హేమ టాలీవుడ్ లో కీలకమైన నటిగా రాణిస్తోంది. అక్క, వదిన, అత్త, సవతి తల్లి తరహా పాత్రల్లో హేమ ఒదిగిపోయి నటిస్తుంది.
టాలీవుడ్ లో నటి హేమ క్యారెక్టర్ ఆర్టిస్ట్ గా మంచి గుర్తింపు సొంతం చేసుకుంది. దశాబ్దాల కాలం నుంచి హేమ టాలీవుడ్ లో కీలకమైన నటిగా రాణిస్తోంది. అక్క, వదిన, అత్త, సవతి తల్లి తరహా పాత్రల్లో హేమ ఒదిగిపోయి నటిస్తుంది. ఇక హేమ నిత్యం వార్తల్లో నిలవడం కూడా చూస్తూనే ఉన్నాం.
తాజాగా ఓ ఇంటర్వ్యూలో హేమ తన ఫ్యామిలీ, ఇతర విషయాల గురించి ఆసక్తికర వ్యాఖ్యలు చేసింది. ఫ్యామిలీ సపోర్ట్, సొంత కష్టంతో నేను ఈ స్థాయికి వచ్చాను. లవ్ మ్యారేజ్ చేసుకున్నాను. పెళ్లి తర్వాత మా ఆయన ఇంట్లో వాళ్ళు వద్దని చెప్పడంతో చాలా కాలం సినిమాల్లో నటించలేదు. ఆ తర్వాత నెమ్మదిగా సినిమాల్లో నటించడం ప్రారంభించాను. నా భర్త సంపాదనని జాగ్రత్తగా సేవ్ చేసేదాన్ని. ఆ డబ్భుతోనే అప్పట్లో ఇల్లు కొన్నాం అని హేమ పేర్కొంది.
ఇక డాషింగ్ డైరెక్టర్ పూరి జగన్నాధ్ తో తనకున్న అనుభందాన్ని రివీల్ చేసింది హేమ. పూరి నా ఫ్యామిలీ మెంబర్ లాంటోడు అని పేర్కొంది. మేము ఇల్లు తీసుకున్న తర్వాత ఆ కింది పోర్షన్ లో పూరి జగన్నాధ్ రెంట్ కి దిగారు. అప్పుడే పూరితో పరిచయం ఏర్పడింది. పూరి డైరెక్టర్ కాకముందు నుంచి నాకు తెలుసు. పూరికి డబ్బు అవసరమైనప్పుడు సాయం చేసేదాన్ని. పోపు డబ్బాల్లో దాచుకున్న డబ్బుని పూరికి ఇచ్చేదాన్ని అని హేమ పేర్కొన్నారు.
ఇక పూరి లవ్ ఎఫైర్, మ్యారేజ్ పై హేమ సంచలన వ్యాఖ్యలు చేసింది. పూరి జగన్నాధ్ తన భార్య లావణ్యని లేపుకొచ్చారు. ఆ టైంలో పూరికి దగ్గరుండి పెళ్లి చేసింది మేమే. పూరి పెళ్ళికి పెద్ద దిక్కుగా వ్యవహరించా. పూరి భార్య లావణ్య నా భర్తని డాడీ అని పిలుస్తూ ఉంటుంది.
లావణ్యని పూరి జగన్నాధ్ మొదట చూపించింది నాకే అని హేమ తెలిపింది. హేమ టాలీవుడ్ లో జరిగే కార్యక్రమాల్లో బాగా చురుకుగా ఉంటుంది. హేమ ఏ ఇంటర్వ్యూలో పాల్గొన్నా దైర్యంగా తన అభిప్రాయాలని వెల్లడిస్తూ ఉంటుంది.
క్యారెక్టర్ ఆర్టిస్ట్ గా హేమకి ఇప్పటికి మంచి డిమాండ్ ఉంది. వివాదాల్లో చిక్కుకున్న సమయంలో కూడా హేమ ధైర్యంగా మాట్లాడడం చూస్తూనే ఉన్నాం.