నిండుగా చీరకట్టి మెరిసిపోతున్న భూమికా చావ్లా.. తల్లిని గుర్తుచేసుకుంటూ ఎమోషనల్ అయిన సీనియర్ నటి

సీనియర్ నటి భూమికా చావ్లా (Bhumika Chawla)  చీరకట్టులో రాయల్ లుక్ ను సొంతం చేసుకుంది.  నిండుగా శారీలో దర్శనమిచ్చి  కట్టిపడేసింది. అలాగే తన తల్లిని గుర్తు చేసుకుంటూ కాస్తా ఎమోషనల్ అయ్యింది.   

కొన్నేళ్లు స్టార్ హీరోయిన్ భూమిక చావ్లా టాలీవుడ్ లో వెలుగొందింది. బడా హీరోల సరసన నటించి మెప్పించింది. తన అద్భుతమైన పెర్ఫామెన్స్ తోనూ సెపరేట్ ఫ్యాన్ బేస్ ను సందపాదించుకుంది. ప్రస్తుతం ఈ ముద్దుగుమ్మ సెకండ్ ఇన్నింగ్స్ ను ప్రారంభించింది. 

భూమికా చావ్లా న్యూ ఢిల్లీలోని పంజాబీ ఫ్యామిలీలో 1978 ఆగస్టు 21న జన్మించింది. తండ్రి రిటైర్డ్ ఆర్మీ ఆఫీసర్. అందుకే ఈ ముద్దుగుమ్మ కేరీర్ కూడా చాలా పద్ధతిగా సాగింది. ప్రస్తుతం ముంబైలోనే సెటిల్ అయ్యింది. 2007లో భూమికా తన బాయ్ ఫ్రెండ్, యోగా టీచర్ ను పెళ్లి చేసుకుంది. 

ఇదిలా ఉంటే.. భూమికా ప్రస్తుతం సెకండ్ ఇన్నింగ్స్ లో వరుస చిత్రాలతో అలరిస్తోంది. స్టార్స్ సినిమాల్లో కీలక పాత్రలు పోషిస్తూ అలరిస్తోంది. ఈ క్రమంలో చావ్లా సోషల్ మీడియాలోనూ చాలా యాక్టివ్ గా కనిపిస్తూ అభిమానులకు టచ్ లో ఉంటోంది. తన వ్యక్తిగత విషయాలను పంచుకుంటోంది. 

తాజాగా భూమికా చావ్లా నిండుగా చీరకట్టి దర్శనమిచ్చింది.  రాయల్ లుక్ లో మిస్మమ్మ మెరిసిపోతోంది. తెలుగుదనం ఉట్టిపడేలా కనిపిస్తోంది. ట్రెడిషనల్ లుక్ కు ఫ్యాన్స్ ఫిదా అవుతున్నారు. ఆమెను కామెంట్ల రూపంలో పొగుడుతూ ఆకాశానికి ఎత్తుతున్నారు.

ఇదిలా ఉంటే.. భూమికా తన తల్లిని గుర్తుచేసుకుంటూ ఎమోషనల్ కామెంట్స్ చేసింది. చిన్న నోట్ రాసుకొచ్చింది. ‘నా తల్లికి చీరకట్టు అంటే చాలా ఇష్టం. చీరలో స్త్రీ చాలా అందంగా, మనోహరంగా కనిపిస్తుందని ఆమె నమ్ముతుంది. కొన్నేళ్లు ఆమె రోజూ చీరలే ధరించే వారు. ఆమె మా నాన్నతో కలిసి ఆర్మీ పార్టీలకూ వెళ్లినా చీరకట్టులోనే వెళ్లేది. మా నాన్న చెప్పేవారు. అమ్మ అందంగా చీరకట్టుకునేదని. మమ్మీ ఇది నీ కోసమే. ప్రతిరోజూ, నేను నిన్ను చాలా మిస్ అవుతున్నాను. 

భూమికా చావ్లా తల్లిని తలుచుకుంటూ ఎమోషనల్ అయ్యింది. తల్లిపై తనకున్న ప్రేమను నిండుగా చీరకట్టి చాటుకుంది. భారతీయ సంప్రదాయాలను గౌరవించడం పట్ల అభినందనలు అందుకుంటోంది. ఇక చివరిగా వెండితెరపై ‘కిసి కా బాయ్ కిసి కా జాన్’ మూవీలో మెరిసింది. హిందీలో సల్మాన్ ఖాన్ హీరోగా ఈ ఏడాది ఏప్రిల్ 21లో ప్రేక్షకుల ముందుకు వచ్చింది.