అనుపమా ట్రెడిషనల్ లుక్.. మెరిసిపోతున్న ఆభరణాలు ధరించి మంత్రముగ్ధులను చేస్తున్న మలబార్ అందం..

యంగ్ బ్యూటీ అనుపమా పరమేశ్వరన్ (Anupama  Parameswaran)  ట్రెడిషనల్ లుక్ లో మంత్రముగ్ధులను చేస్తోంది. బ్యూటీఫుల్ ఆభరణాలు ధరించిన కుర్ర హీరోయిన్ రెట్టింపు అందాన్ని సొంతం చేసుకుంది.   

టాలీవుడ్ యంగ్ హీరోయిన్ గా అనుపమా పరమేశ్వర్ దూసుకుపోతోంది. వరుస ఆఫర్లను అందుకుంటూ ప్రేక్షకులను అలరిస్తోంది. మరోవైపు తన ఖాతాలో వరుసగా హిట్లను జమ చేసుకుంటోంది. గతేడాది ‘కార్తీకేయ2’, ‘18 పేజెస్’ చిత్రాలతో అలరించిన విషయం తెలిసిందే.

ప్రస్తుతం కూడా అనుపమా చేతిలో క్రేజీ ప్రాజెక్ట్స్ ఉన్నారు. దీంతో అటు షూటింగ్స్ లలో ఫుల్ బిజీగా ఉంటుంది. ఈక్రమంలో అనుపమా సోషల్ మీడియాలోనూ తన అభిమానులను అలరిస్తోంది. బ్యాక్ టు బ్యాక్ పోస్టులతో ఆకట్టుకుంటోంది. 

సినిమా అప్డేట్స్ అందిస్తూనే మరోవైపు అదిరిపోయే ఫొటోషూట్లతో అందాల విందు చేస్తోంది. ఇటీవల రెచ్చిపోయి స్కిన్ షో చేస్తోంది. రకరకాలుగా పోజులిస్తూ కుర్రాళ్లను ఉక్కిరిబిక్కిరి చేస్తోంది. యంగ్ బ్యూటీ స్టన్నింగ్ పోజులకు నెటిజన్లు సైతం ఫిదా అవుతున్నారు. 

మొన్నటి వరకు గ్లామర్ షోతో రచ్చరచ్చ చేసిన అనుపమా.. తాజాగా ట్రెడిషనల్ లుక్ లో మెరిసి ఫ్యాన్స్ ను మంత్రముగ్ధులను చేసింది. ఆకర్షణీయమైన ఆభరణాలను ధరించిన అనుపమా రాయల్ లుక్ ను సొంతం చేసుకుంది. అందుకు సంబంధించిన ఓ వీడియోను అభిమానులతో పంచుకుంది.

గ్లామర్ షోతో  కుర్ర హృదయాలను కొల్లగొట్టిన అనుపమా ఇలా ట్రెడిషనల్ వేర్ లోనూ దర్శనమిచ్చి కట్టిపడేస్తోంది. చూపుతిప్పుకోని అందంతో, బరువైన నగలను ధరించి చూపు తిప్పుకోనివ్వడం లేదు. శ్రీరామ నవమి రోజున మలయాళ బ్యూటీ ఇలా మెరవడంతో ఫ్యాన్స్ ఖుషీ అవుతున్నారు. 

అనుపమాకు సోషల్ మీడియాలో గట్టి ఫ్యాన్ ఫాలోయింగ్ ఉంది. అభిమానులను ఖుషీ చేసేందుకు ఇలా బ్యాక్ టు బ్యాక్ పోస్టులు పెడుతూనే ఉంటుంది. తన ఫొటోషూట్లు, వ్యక్తిగత విషయాలతో ఆకట్టుకుంటుంది. ప్రస్తుతం అనుపమా ‘సైరెన్’, ‘డీజే టిల్లు స్వ్కేర్’, మరో మలయాళ చిత్రంలోనూ నటిస్తోంది.