సుమన్ ఓ ఇంటర్వ్యూలో తన కెరీర్ గురించి ఆసక్తికర వ్యాఖ్యలు చేశారు. చిరంజీవితో పోటీలో వెనుకబడి పోవడానికి కారణాలు బయటపెట్టారు. ఆ వివరాలు ఈ కథనంలో తెలుసుకోండి.
నటుడు సుమన్ పుట్టింది తెలుగు రాష్ట్రాల్లో కాదు. చెన్నైలో జన్మించారు. వాళ్ళ ఫ్యామిలీ కర్నాటకి చెందిన వాళ్ళు. అయినప్పటికీ సుమన్ తెలుగులో పాపులర్ నటుడిగా ఎదిగారు. 100కు పైగా చిత్రాల్లో హీరోగా నటించారు. అనేక సినిమాల్లో క్యారెక్టర్ రోల్స్ చేశారు. సుమన్ గురించిన విషయాలు తరచుగా సోషల్ మీడియాలో వైరల్ అవుతూనే ఉంటాయి.
25
సుమన్, చిరంజీవి పోటీ
సుమన్ తాను ఎదుర్కొన్న ఓ వివాదం వల్ల కెరీర్ లో వెనుకబడిపోయారు. సుమన్ జైలు జీవితం అనుభవించిన సంగతి తెలిసిందే. కొన్ని నెలలు సుమన్ జైల్లో ఉండడం వల్ల సినిమా అవకాశాలు తగ్గిపోయాయి. అప్పట్లో సుమన్, చిరంజీవి మధ్య తీవ్రమైన పోటీ ఉండేది. కానీ చిరంజీవి అగ్ర హీరోగా ఎదిగారు. సుమన్ మాత్రం వెనుకబడ్డారు. దీని గురించి సుమన్ ఓ ఇంటర్వ్యూలో మాట్లాడారు.
35
అదే నా సక్సెస్
చాలా మంది నా స్నేహితులు ఉన్నావు ఉండాల్సిన స్థానం ఇది కాదు.. ఎక్కడో ఉండి ఉండాలి అని అంటుంటారు. నేను అది ఒప్పుకోను. ఎందుకంటే నేను ఇండస్ట్రీకి అసలు సంబంధం లేని ఫ్యామిలీ నుంచి వచ్చాను. మొదట తమిళవాళ్లు నన్ను నటుడిని చేశారు. తెలుగు రాకపోయినా ఆ తర్వాత ఇక్కడ కూడానా నాకు ఛాన్సులు వచ్చాయి. 100 సినిమాల్లో హీరోగా నటించాను. ఇంతకు మించిన సక్సెస్ ఏముంటుంది ?
కొందరు చిరంజీవితో పోల్చుతుంటారు. ఎన్టీఆర్, ఏఎన్నార్.. ఎన్టీఆర్, కృష్ణ పోటీ ముగిసిపోతున్న రోజులో చిరంజీవి గారు వచ్చారు. అప్పుడే నేను కూడా ఎంటర్ అయ్యాను. అందరూ చిరంజీవి, సుమన్ మధ్య పోటీ అన్నారు. నేను జీవితంలో దెబ్బలు తిన్న మాట వాస్తవమే. ఇండస్ట్రీకి చెందిన ఫ్యామిలీ కాకపోవడంతో ఇక్కడ ఎలా ఉండాలి ఏం మాట్లాడాలి అనేది నాకు తెలియదు. తెలియకుండా నోరు జారడం వల్ల ఎదురు దెబ్బలు తగిలాయి.
55
ఇండియాలోనే చిరంజీవి బెస్ట్ డ్యాన్సర్
కానీ చిరంజీవి గారి విషయంలో ఒక వాస్తవం అందరం అంగీకరించాలి. ఏదైనా సినిమాలో ఫైట్స్ తో పాటు డ్యాన్స్ కూడా బాగా చేయాలి అంటే అందరికీ కనపడే ఆప్షన్ చిరంజీవి. కాబట్టి ఆయనకు ఛాన్సులు పెరిగాయి. చిరంజీవి గారు బెస్ట్ డ్యాన్సర్. అందులో ఎలాంటి అనుమానం లేదు. ఇండియాలోనే డ్యాన్స్ లో బెస్ట్ ఫుట్ వర్క్ ఉన్న డ్యాన్సర్ చిరంజీవి గారు. అందుకే ఆయన నంబర్ 1 అయ్యారు అని సుమన్ తెలిపారు.
