సుబ్బరాజు భార్య బ్యాగ్రౌండ్ ఏంటో తెలుసా... ఏం చేస్తుంది.. ఎక్కడ ఉంటుంది..?

నాకు పెళ్ళే వద్దంటూ.. సడెన్ గా లేట్ వయస్సులో పెళ్లి చేసుకున్నాడు సుబ్బరాజు. అందరికి షాక్ ఇచ్చాడు. ఇంతకీ సుబ్బరాజును పెళ్ళాడిన అమ్మాయి ఎవరు..? ఏం చేస్తుంది..? వీరిది ప్రేమ పెళ్ళా.. లేక పెద్దలు కుదిర్చిన పెళ్ళా..? 

వద్దు వద్దంటూనే పెళ్ళి చేసుకున్నాడు నటుడు సుబ్బరాజు. 50 ఏళ్లకు చాలా దగ్గరలో ఉన్న ఈ స్టార్ యాక్టర్ సడెన్ గా పెళ్లి చేసుకున్నాను అంటూ సోషల్ మీడియాలో పోస్ట్ పెట్టాడు. 47 ఏళ్ళ వయస్సులో పెళ్ళి చేసుకున్నాడేంటి.. ఇన్నాళ్లు ఎందుకు ఆగాడు అంటూ చాలామంది కామెంట్లు చేశారు. కాని సుబ్బరాజు పెళ్ళి మాత్రం చాలామందికి షాక్ ఇచ్చిందనే చెప్పాలి. 

గతంలో అతను ఇచ్చిన ఇంటర్వ్యూలలో పెళ్లెప్పుడు అంటే.. అసలు పెళ్ళి ఎందుకు చేసుకోవాలి.. పెళ్ళి చేసుకోకపోతే బ్రతకలేమా.. పెళ్ళి అవసరమా అని చెప్పిన సుబ్బరాజు.. తాజాగా పెళ్ళాడి చూపించాడు. సోషల్ మీడియాలో ప్రకటించి.. మీ ఆశీర్వాదాలు అంటూ చిన్న కామెంట్ కూడా పెట్టాడు. ఇక పోతే ప్రస్తుతం సుబ్బరాజు పెళ్ళి హాట్ టాపిక్ అవుతోంది. ఇంతకీ సుబ్బరాజు చేసుకున్న అమ్మాయి ఎవరు..? ఆమె వయస్సు ఎంత..? వీరిది ప్రేమ పెళ్లా..? ఇలా రకరకాల అనుమానాలు వెల్లడిస్తున్నారు నెటిజన్లు. 

అయితే సుబ్బరాజు పెళ్ళాడిన అమ్మాయి పేరు స్రవంతి. ఆమె ఒక డాక్టర్. యూఎస్ లో ఉంటుందట. అక్కడ డెంటిస్ట్ గా చేస్తుందట. వీరి పెళ్ళి కూడా యూఎస్ లోనే చాలా సింపుల్ గా జరిగిపోయిందట. చూస్తుంటే పెద్ద వయస్సు ఏం లేనట్టు కనిపిస్తుంది. సుబ్బరాజుకంటే చాలా చిన్నవయస్సే అని టాక్. అయితే వీరు చాలా కాలంగా ప్రేమించుకుంటున్నారు.. అనుకుని అండస్ట్రాండ్ తోనే లేట్ గా పెళ్లి చేసుకున్నారని కొంత మంది వాదన. 

నిజానిజాలు తెలియవు కాని.. సోషల్ మీడియాలో మాత్రం ఈ టాక్ గట్టిగా నడుస్తోంది. ఇక అనుకోకుండా నటుడు అయ్యాడు సుబ్బరాజు. అవ్వడానికి క్యారెక్టర్ ఆర్టిస్ట్ కాని.. ఆయన హీరోలకేమి తీసిపోడు. మంచి ఫిజిక్ తో హ్యాండ్సమ్ గా ఉంటాడు సుబ్బరాజు. అంతెందుకు 50 ఏళ్ళు దగ్గరకు వస్తున్నా.. ఇప్పటికీ 30 ఏళ్ళ కుర్రాడిలానే కనిస్తుంటాడు. 

సుబ్బరాజు ఏపిలోనీ బీమవరంలో జన్మించాడు. అక్కడే ఆయన మ్యాథమెటిక్స్ లో డిగ్రీ పూర్తి చేశారు. ఆ తర్వాత హైదరబాద్ కు వచ్చి కంప్యూటర్ కోర్స్ లో జాయిన్ అయ్యాడు. కొన్నాళ్ల పాటు హైదరాబాద్ లోని డెల్ కంప్యూటర్స్ లోనూ వర్క్ చేశాడు. ఆ జాబ్ తోనే యాక్సిడెంటల్ గా సినిమాల్లోకి వచ్చాడు. 

అసలు అతనికి సినిమాల్లోకి రావాలని లేదట. దర్శకుడు కృష్ణ వంశీ ఆఫీస్ లో కంప్యూటర్ బాగుచేయడానికి వచ్చాడట సుబ్బరాజు. ఇక అప్పుడు అతని ఫిజిక్, ఫీచర్స్ బాగుండటంతో.. సినిమాల్లో చేస్తావా అని కృష్ణ వంశీ అడిగాడట. ఆయన ఆఫర్ ను కాదనలేక ఖడ్గం సినిమాలో ఓ పాత్ర చేశాడట సుబ్బరాజు. ఇక అందులో అతని నటన నచ్చి వెంటనే పూరీ జగన్నాథ్ కూడా సుబ్బరాజుకు అవకాశాలు ఇవ్వడం స్టార్ట్ చేశాడు. 

అమ్మా నాన్న ఓ తమిళ అమ్మాయి తో సుబ్బరాజుకు బ్రేక్ వచ్చింది. ఇక వరుసగా విలన్ పాత్రలు చేస్తూ వచ్చాడు. దేశముదురు, ఆర్య, పోకిరి.. నమో వెంకటేష, దూకుడు, శ్రీమంతుడు ఇలావరుసగా సినిమాలు చేసుకుంటూ వచ్చాడు సుబ్బరాజు.  ఇలా అన్ని సినిమాల్లో వేసింది విలన్ పాత్రలే కాని..హీరోల గ్లామర్ కు మనోడేమితీసిపోడు. 

సినీ ఇండస్ట్రీలో స్టార్ కాస్ట్ తో పాటు.. క్యారెక్టర్ ఆర్టిస్టులు, సపోర్టింగ్ యాక్టర్స్ కు కూడా మంచి డిమాండ్ ఉంది. అందులోనూ పాత్రకు తగ్గట్టుగా నటించే సత్తా ఉన్న నటులకు మరింత మార్కెట్ ఉంది. అలాంటి జాబితాలో క్యారెక్టర్ ఆర్టిస్ట్ సుబ్బరాజు పేరు ముందు వరుసలో ఉంటుంది.