టాలీవుడ్ కామెడీ హీరోగా వెలుగు వెలిగిన నటుడు రాజేంద్ర ప్రసాద్. టాలీవుడ్ లో కామెడీ చిత్రాలంటే ముందుగా గుర్తుకు వచ్చేది రాజేంద్ర ప్రసాద్ అనే చెప్పొచ్చు.జేంద్ర ప్రసాద్ కి ఇండస్ట్రీలో క్రమశిక్షణ కలిగిన నటుడు అని గుర్తింపు ఉంది.
టాలీవుడ్ కామెడీ హీరోగా వెలుగు వెలిగిన నటుడు రాజేంద్ర ప్రసాద్. టాలీవుడ్ లో కామెడీ చిత్రాలంటే ముందుగా గుర్తుకు వచ్చేది రాజేంద్ర ప్రసాద్ అనే చెప్పొచ్చు. వేగంగా సినిమాలు చేస్తూ వరుస హిట్లు కొట్టారు. రాజేంద్ర ప్రసాద్ తన కెరీర్ లో ఎన్నో సూపర్ హిట్ చిత్రాల్లో నటించారు.
రాజేంద్ర ప్రసాద్ కి ఇండస్ట్రీలో క్రమశిక్షణ కలిగిన నటుడు అని గుర్తింపు ఉంది. అయితే రాజేంద్ర ప్రసాద్ గురించి కూడా అప్పట్లో కొన్ని రూమర్స్ వచ్చాయి. రాజేంద్ర ప్రసాద్ అప్పట్లో ఒక హీరోయిన్ పై మనసు పడ్డారని.. ఆమెని పెళ్లి కూడా చేసుకోవాలనుకున్నారని రూమర్స్ వచ్చాయి. ఆ హీరోయిన్ ఎవరో కాదు. 80, 90 దశకాల్లో రాణించిన రజిని.
నటి రజిని చాలా మంది స్టార్ హీరోలతో హీరోయిన్ గా నటించింది. రాజేంద్ర ప్రసాద్ తో ఆమె ఎక్కువ చిత్రాల్లో నటించింది. భలే మొగుడు, ఆహనా పెళ్ళంట, గుండమ్మగారి కృష్ణులు, చలాకి మొగుడు చాదస్తపు పెళ్ళాం, చిక్కడు దొరకడు లాంటి చిత్రాల్లో వీళ్ళిద్దరూ జంటగా నటించారు. వేర్వేరు ఇంటర్వ్యూలలో రజిని, రాజేంద్ర ప్రసాద్ ఇద్దరూ తమ మధ్య వచ్చిన రూమర్స్ గురించి స్పందించారు.
లెజెండ్రీ హీరో మూవీలోని సీన్లు పెట్టి బ్లాక్ బస్టర్ కొట్టిన స్టార్ డైరెక్టర్..పెద్ద రచ్చ అయింది..
రాజేంద్ర ప్రసాద్ మాట్లాడుతూ.. తాను రజినీని పెళ్లి చేసుకోబోతున్నట్లు అప్పట్లో పత్రికల్లో వార్తలు వచ్చిన మాట వాస్తవమే. కానీ నాకు ఆ ఉద్దేశం ఎప్పుడూ లేదు. మేమిద్దరం ఎక్కువ చిత్రాల్లో కలసి నటించాం. అందువల్లే అలాంటి రూమర్స్ వచ్చాయి. అయితే నాకు రజినీ పై ప్రత్యేకమైన అభిమానం మాత్రం ఉంది అని రాజేంద్ర ప్రసాద్ అన్నారు. నాకు మనసులో వేరే ఉద్దేశం ఉంటే ఇప్పుడు ఇంత ప్రశాంతంగా ఉండేవాడిని కాదు అని అన్నారు.
రజిని కూడా దీనిపై స్పందించారు. రాజేంద్ర ప్రసాద్ గారికి నా పై ప్రత్యేకమైన అభిమానం ఉంది. దానికి కారణం ఉంది అని రజిని అన్నారు. నేను హెల్త్ విషయంలో జాగ్రత్తగా ఉంటాను. అందంగా కనిపిస్తాను. అది ఆయనకి ఇష్టం. అసలు నేను ఏం తింటాను, ఎలాంటి డైట్ తీసుకుంటాను అని ఆయన నన్ను ఫాలో అయ్యేవారు.
అదే విధంగా అప్పట్లో కొంతమంది స్టార్ హీరోయిన్లు రాజేంద్ర ప్రసాద్ తో నటించం అని చెప్పేవారు. ఎందుకంటే ఆయన కామెడీ హీరో అని అవమానించేవారు. ఆ టైంలో నన్ను హీరోయిన్ గా నటించమని అడిగారు. అప్పుడు నేను నాకు చిన్న హీరో, పెద్ద హీరో అనే తేడా లేదు.. కథ నచ్చితే ఎవరితో అయినా నటిస్తా అని చెప్పా. అది రాజేంద్ర ప్రసాద్ కి బాగా నచ్చింది. అందువల్లే నేనంటే ఆయనకి అభిమానం అని రజిని తెలిపారు. తమ ఎఫైర్ గురించి వచ్చిన వార్తలు మాత్రం నిజం కాదు అని అన్నారు.