'సంక్రాంతికి వస్తున్నాం' చిత్రానికి దూరంగా నరేష్.. కారణం ఇదే

విక్టరీ వెంకటేష్ నటించిన తాజా చిత్రం సంక్రాంతికి వస్తున్నాం బాక్సాఫీస్ వద్ద విధ్వంసం సృష్టిస్తోంది. ఒక ఫ్యామిలీ ఎంటర్టైన్మెంట్ జోనర్ లో తెరకెక్కిన చిత్రం 200 కోట్లకి పైగా వసూళ్లు సాధించడం ఇదే తొలిసారి. 

Naresh

విక్టరీ వెంకటేష్ నటించిన తాజా చిత్రం సంక్రాంతికి వస్తున్నాం బాక్సాఫీస్ వద్ద విధ్వంసం సృష్టిస్తోంది. ఒక ఫ్యామిలీ ఎంటర్టైన్మెంట్ జోనర్ లో తెరకెక్కిన చిత్రం 200 కోట్లకి పైగా వసూళ్లు సాధించడం ఇదే తొలిసారి. సంక్రాంతికి విడుదలైన ఈ చిత్రం టాలీవుడ్ బాక్సాఫీస్ కి అసలైన పండగ కళ తీసుకువచ్చింది. 

సంక్రాంతికి వస్తున్నాం చిత్ర యూనిట్ తెలుగు రాష్ట్రాల్లో తిరుగుతూ ప్రేక్షకులతో సక్సెస్ ని పంచుకుంటున్నారు. రీసెంట్ గా భీమవరంలో సక్సెస్ సెలెబ్రేషన్స్ నిర్వహించారు. ఎక్కడికి వెళ్లినా వెంకటేష్, మీనాక్షి చౌదరి, ఐశ్వర్య రాజేష్ హైలైట్ అవుతున్నారు. బుల్లిరాజు చేస్తున్న సందడి అంతా ఇంతా కాదు. అయితే సంక్రాంతికి వస్తున్నాం చిత్ర సక్సెస్ ఈవెంట్స్ లో నరేష్ మిస్ అవుతున్నారు. అసలు ఆయన ప్రచార కార్యక్రమాలకు, ఈ చిత్రానికి దూరంగా ఉంటున్నారు. 

ఈ చిత్రంలో నరేష్ సీఎంగా కీలక పాత్రలో నటించిన సంగతి తెలిసిందే. గతంలో నరేష్ తన ప్రతి చిత్ర ప్రచార కార్యక్రమానికి హాజరయ్యేవారు. దీని గురించి నరేష్ ఓ ఇంటర్వ్యూలో స్పందించారు. సంక్రాంతికి వస్తున్నాం చిత్రానికి పబ్లిసిటీ అవసరం లేదు. ఆ మూవీకి అదే పబ్లిసిటీ. ఇంత పెద్ద సక్సెస్ అవుతుందని నేను ఊహించా అని నరేష్ అన్నారు. 

తాను ప్రస్తుతం 9 చిత్రాల షూటింగ్స్ తో బిజీగా ఉన్నాను అని తెలిపారు. అందువల్లే ఏ చిత్రాల ప్రమోషన్స్ కి హాజరు కాలేకపోతున్నట్లు తెలిపారు. నెలలో 28 రోజులు బిజీగా ఉంటున్నానని.. ఇంత బిజీగా ఉన్నా సినిమాలే తనకి ఎనర్జీ అని నరేష్ పేర్కొన్నారు.