400 సినిమాలు, 3 పెళ్లిళ్లు, 6 గురు పిల్లలు, 100 కోట్ల ఆస్తి ఉన్న స్టార్ నటుడు ఎవరో తెలుసా?

ఓ స్టార్ కమెడియన్, దాదాపు 400 సినిమాల్లో నటించాడు. ముఖంలో హావభావాలతోనే నవ్విస్తాడు, తెరపై కనిపిస్తే ఛాలు నవ్వుల పండ పండినట్టే. కాని ఆ నవ్వుల వెనుక మాత్రం  ఎన్నో కష్టాలు, మరెన్నో నిద్రలేనిరాత్రులు. ఎంతో మంది నటులకు రోల్ మోడల్ గా నిలిచిన ఆ స్టార్ నటుడు ఎవరో తెలుసా?   

ఆ నటుడు ఎవరో కాదు  జగదీప్. ఆయన అసలు పేరు సయ్యద్ ఇష్తియాక్ అహ్మద్ జాఫ్రీ. స్క్రీన్‌పై ఆయనకు చాలా పేర్లు ఉన్నాయి. ఇండస్ట్రీలో మాత్రం  జగదీప్‌గా, సూర్మా భోపాలీగా ఫేమస్ అయ్యారు. జగదీప్ అసలు పేరు మాత్రం చాలా తక్కువ మందికి తెలుసు. ఇక ఆయనకామెడీ టైమింగ్ అంటే పడిపడి నవ్వుకుంటారు జనాలు.  

అద్భుతమైన కామెడీ టైమింగ్, కళ్లతోనే నవ్వించగల టాలెంట్ ఆయన సొంతం.  బాలీవుడ్ ప్రేక్షకుల మనసుల్లో చెరగని ముద్ర వేసిన ఈ నటుడు ఎన్నో కష్టాలు పడి ఇండస్ట్రీలో స్టార్ గా ఎదిగాడు. హిందీ సినిమా ప్రేక్షకుల గుండెల్లో ప్రత్యేక కమెడియన్‌గా నిలిపాయి. అయితే, ఈ స్టార్‌డమ్ వెనుక ఎన్నో కష్టాలు, కన్నీళ్లు ఉన్నాయి.

1939  లో పుట్టిన జగదీప్ చిన్నవయస్సులోనే  తండ్రిని కోల్పోయాడు.దాంతో కుటుంబ భారం తనపై పడింది. చదువుకోవల్సిన వయస్సులో ముంబాయికి వలస వచ్చి.. చిన్న చిన్నపనులు చేసుకుంటూ క కుటుంబాన్నిపోషించాడు జగదీప్.

నటనపై ఇష్టంతో ఇండస్ట్రీలో చిన్న చిన్న ప్రయత్నాలు చేయగా.. అతనని త్వరగానే అదృష్టం వరించింది. బీ.ఆర్. చోప్రా తీసిన 'అఫ్సానా' సినిమాలో  బాల నటుడిగా అవకాశం వచ్చింది. ఆ సినిమాకు జగదీప్ అందుకున్న రెమ్యునరేషన్ ఎంతో తెలుసా? అక్షరాలా 6 రూపాయలు. ఇక వరుసగా సినిమా అవకాశాలు వచ్చాయి జగదీప్ కు . దో బీఘా జమీన్', 'హమ్ పంఛీ ఏక్ డాల్ కే, హమ్ పంఛీ ఏక్ డాల్ కే' లాంటి సినిమాలు నటుడిగా జగదీప్ ను నిలబెట్టాయి. 

హమ్ పంఛీ ఏక్ డాల్ కే' సినిమాలో జగదీప్ నటకునటనకు అప్పటి ప్రధాని నెహ్రూ మెచ్చి ఓ పెన్ను బహుమతిగా ఇచ్చారంటే అతని ప్రతిభ ఏంటో అర్థం చేసుకోవచ్చు. దాదాపు 70 ఏళ్లపాటు నటుడిగా కొనసాగిన అరుదైన రికార్డ్ జగదీప్ సొంతం.

ఆ 70 ఏళ్లలో దాదాపు 400 సినిమాల్లో నటించారు జగదీప్. ఒక సినిమాను డైరెక్ట్ చేశారు కూడా. జగదీప్ కు మూడు పెళ్లిళ్లు జరిగాయి. మొదటిగా నసీమ్ బేగంను చేసుకోగా వీరికి  హుస్సేన్ జాఫ్రీ, షకీరా షఫీ, సురైయా జాఫ్రీ అనే ముగ్గరు పిల్లలు కలిగారు. ఇక రెండో భార్య  సుఘ్రా బేగం వీరికి జావేద్ జాఫ్రీ, నావేద్ జాఫ్రీ అనే ఇద్దరు పిల్లలు ఉన్నారు.

ఇక మూడో భార్య  నజీమా వీరికి ఏకైక సంతానం ముస్కాన్.   వీరిలో జావేద్, నావేద్‌లు 'బూగీ వూగీ' షోతో, సినిమాలతో మంచి గుర్తింపు తెచ్చుకున్నారు.70 ఏళ్ళ సినిమా ఇండస్ట్రీకి సేవ చేసిన జగదీప్ 81 ఏళ్ళ వయస్సులో.. అనారోగ్య  సమస్యలతో జగదీప్ 2020, జులై 8న ముంబైలో కన్నుమూశారు.  ఆయన ఆస్తి 100 కోట్లు ఉంటుందని అంచనా.