Pooja Hegde Latest Pics : బ్లాక్ అండ్ వైట్ ఫొటోలతో మైండ్ బ్లాక్ చేస్తున్న పూజా హెగ్దే.. గ్లామర్ షోతో మైస్మరైజ్

టాలీవుడ్ స్టార్ హీరోయిన్ పూజా హెగ్దే (Pooja Hegde) ట్రెండీ వేర్ లో మైమరిపిస్తోంది. బ్లాక్ అండ్ వైట్ ఫొటోలతో మైండ్ బ్లాక్ చేస్తోంది. ‘రాధే శ్యామ్’ మూవీ ప్రమోషన్స్ లో భాగంగా లేటెస్ట్ ఫొటోషూట్ లో పాల్గొంది. ఆ ఫొటోలను తాజాగా ఇన్ స్టాలో అభిమానులతో పంచుకుంది.  

రూ.400 కోట్లతో నిర్మించిన భారీ బడ్జెట్ పాన్ ఇండియన్ మూవీ ‘రాధే శ్యామ్’ (Radhe Shyam). పిరియాడికల్ లవ్ స్టోరీ ఆధారంగా తెరకెక్కిన ఈ మూవీలో పాన్ ఇండియా స్టార్ ప్రభాస్ (Prabhas), గ్లామర్ బ్యూటీ పూజా హెగ్దే (Pooja Hegde) జంటగా నటించారు. రాధా కృష్ణ కుమార్ దర్శకత్వం వహించారు. 

తెలుగు ఆడియెన్స్ తోపాటు ఇండియా మొత్తం ఎదురుచూస్తున్న మోస్ట్ అవైయిటెడ్ మూవీల్లో రాధే శ్యామ్ చిత్రం ఒకటి. కరోనా, ఇతర కారణాలతో వాయిదా పుడుతూ వస్తున్న మూవీ ఎట్టకేళ్లకు మూడు రోజుల్లో ప్రపంచ వ్యాప్తంగా రిలీజ్ కానుంది. ఈ సందర్భంగా మూవీ ప్రమోషన్స్ ను గట్టిగానే చేస్తున్నారు. 

పది రోజుల నుంచి వరుసగా మూవీకి సంబంధించిన ఏదోక అప్డేట్ ను ఫ్యాన్స్ అందిస్తున్నారు. ప్రమోషన్స్ లో భాగంగా ఇటీవల ముంబయిలో రిలీజ్ ట్రైలర్ ఈవెంట్ ను నిర్వహించారు. ఈవెంట్ లో ప్రభాస్ తో పాటు పూజా హెగ్దే కూడా హాజరై అట్రాక్ట్ గా నిలిచారు. ఈ కార్యక్రమం అనంతరం ప్రభాస్, పూజా హెగ్దే ప్రమోషన్స్ లో మరింత చురుకుగా పాల్గొంటున్నారు. 

ప్రభాస్, పూజా ట్రెండీ వేర్ లలో స్టైలిష్ లుక్ లో దర్శనిమిస్తూ ఫ్యాన్స్ ను ఫిదా చేస్తున్నారు. మీడియాతో ఇంటరాక్ట్ అవుతూ మూవీకి సంబంధించిన అప్డేట్ ను అందిస్తున్నారు. చిత్రంలోని ఆసక్తికర సన్నివేశాల గురించి చెబుతూ సినిమాపై అంచనాలను పెంచేస్తున్నారు. 

మరోవైపు పూజా హెగ్దే కూడా తనదైన శైలిలో ‘రాధే శ్యామ్’ ప్రమోషన్స్ లో భాగస్వామ్యం అవుతోంది. మరోవైపు ప్రమోషన్స్ కోసం ట్రెండీ అవుట్ ఫిట్ లో ఫొటోషూట్లు నిర్వహిస్తోంది. గ్లామర్ ఫొటోలను సోషల్ మీడియాలో పోస్ట్ చేస్తూ నెటిజన్లను తనవైపు ఆకర్షిస్తోంది. తాజాగా కొన్ని ఫొటోలను తన అభిమానులతో పంచుకుంది పూజా..

ఈ  ఫొటోల్లో పూజా వైట్ అండ్ వైట్ వేర్ లో అదరగొట్టింది. వైట్ ప్యాంట్, స్లీవ్ లెస్ టాప్ లో గ్లామర్ తో అట్రాక్ట్ చేస్తోంది. కొన్ని ఫొటోలను బ్లాక్ అండ్ వైట్ లో, మరికొన్ని ఫొటోలను కలర్ మోడ్ లో పోస్ట్ చేసింది. ‘బ్లాక్ అండ్ వైట్ లేదా కలర్, మీరు ఏది ఎంచుకుంటారు?’ అంటూ క్యాప్షన్ కూడా ఇచ్చింది. ఏదేమైనా తన అందానికి నెటిజన్లు ఫిదా అవుతున్నారు. 

తన నటించిన రాధే శ్యామ్ మూవీ మార్చి 11న ప్రపంచ వ్యాప్తంగా తెలుగు, తమిళం, హిందీ, మలయాళం, కన్నడలో రిలీజ్ కానుంది.  తమిళ మూవీతోనే సినీ రంగంలోకి అడుగెట్టిన పూజా పదేండ్ల తర్వాత మళ్లీ ‘బీస్ట్’ తమిళ మూవీతో రీఎంట్రీ ఇచ్చింది. ప్రస్తుతం ఈ మూవీపైనా పాజిటివ్ వైబ్స్ ఉండగా.. ఏప్రిల్ 14న రిలీజ్ చేయనున్నారు.