మెగా ఫ్యామిలీ నుంచి ఇప్పటికే దాదాపు 10 మంది హీరోలు వెండితెరను ఏలేస్తున్నారు. వాళ్లలో కొంత మంది స్టార్ ఇమేజ్‌ అందుకోగా మరికొందరు హీరోలుగా ప్రూవ్ చేసుకునేందుకు తంటాలు పడుతున్నారు. తాజాగా మరో యంగ్ హీరో తొలి చిత్రం సెట్స్ మీద ఉండగా ఇంకో హీరో తెరంగేట్రానికి రెడీ అవుతున్నాడు.
undefined
అయితే ఈ లిస్ట్ పవర్ స్టార్ వారసుడు అకీరా నందన్‌ పేరు కూడా వినిపిస్తోంది. ఇప్పటికే ఓ సినిమాలో నటించిన అకీరా పూర్తిస్థాయి తెరంగేట్రం కోసం అభిమానులు ఆసక్తిగా ఎదురుచూస్తున్నారు. ఆరడుగుల పైనే ఎత్తున అకీరా ప్రస్తుతం చదువు మీదే దృష్టి పెట్టాడు. కానీ మెగా ఫ్యామిలీ నేపథ్యం కావటంతో అకీరా ప్రస్తావన వచ్చిన ప్రతీ సారి ఎంట్రీ ఎప్పుడూ అన్న చర్చ జరుగుతోంది.
undefined
అయితే తాజాగా ఇండస్ట్రీ విషయంలో అకీరా అభిప్రాయల గురించి తల్లి రేణూ దేశాయ్ ఆసక్తికర వ్యాఖ్యలు చేసింది. అకీరా ఫేవరెట్ హీరో ఎవరో కూడా బయట పెట్టింది. ప్రస్తుతం ఉన్న హీరోలో అకీరాకు అడివి శేష్ అంటే చాలా ఇష్టమట. ముఖ్యంగా ఎవరు సినిమా తరువాత అకీరాకు శేష్ అంటే ఇష్టం మరింతగా పెరిగిపోయిందట.
undefined
అప్పటి నుంచి అడివి శేష్, అకీరాలు ఇద్దరు స్నేహితులుగా మారిపోయినట్టుగా రేణు దేశాయ్ వెల్లడించారు. అయితే మెగా వారుసుడైన అకీరాకు మెగా హీరోలు కాకుండా ఓ యంగ్ హీరో, అది కూడా సొంత టాలెంట్‌తో ఎదిగిన ఓ యంగ్ హీరో ఫేవరెట్ కావటం పట్ల అభిమానులు ఆశ్చర్యం వ్యక్తం చేస్తున్నారు.
undefined
ఇక మెగా ష్యామిలీ నుంచి మెగా మేనల్లుడు సాయి ధరమ్‌ తేజ్‌ తమ్ముడు వైష్ణవ్ తేజ్‌ త్వరలోనే హీరోగా ఎంట్రీ ఇచ్చేందుకు రెడీ అవుతున్నాడు. ఇప్పటికే వైష్ణవ్ హీరోగా తెరకెక్కుతున్న ఉప్పెన సినిమా షూటింగ్ చివరి దశకు చేరుకుంది. లాక్‌ డౌన్‌ కారణంగా ఈ సినిమా రిలీజ్ ఆలస్యమైంది.
undefined