సెన్సేషనల్ డైరెక్టర్ సందీప్ రెడ్డి వంగ ‘యానిమల్’ మూవీతో బాలీవుడ్ లో హంగామా చేయబోతున్నారు. ఇప్పటికే ఈసినిమాపై భారీ అంచనాలు ఉండగా.. తాజాగా సందీప్ రెడ్డి చేసిన కామెంట్స్.. రన్బీర్ కపూర్ లుక్ తో మరింత హైప్ క్రియేట్ అయ్యింది.
‘అర్జున్ రెడ్డి’తో సెన్సేషన్ క్రియేట్ చేసిన దర్శకుడు సందీప్ రెడ్డి వంగ (Sandeep Reddy Vanga).. బాలీవుడ్ లోనూ తన సత్తా చూపించబోతున్నారు. ‘అర్జున్ రెడ్డి’, దీనికి హిందీ రీమేక్ గా వచ్చిన ‘కబీర్ సింగ్’తో సందీప్ క్రేజ్ తారా స్థాయికి చేరింది.
సందీప్ రెడ్డి డైరెక్షన్, హీరోలను కొత్తగా చూపించే ఆయన స్కిల్ కు సౌత్ ఆడియెన్స్ తో పాటు నార్త్ ఆడియెన్స్ కూడా ఫిదా అయ్యారు. దీంతో స్టార్ హీరోలు సైతం సందీప్ డైరెక్షన్ లో నటించేందుకు సిద్ధంగా ఉన్నారు. దీంతో బ్యాక్ టు బ్యాక్ సినిమాలను ప్రేక్షకుల ముందుకు తీసుకురానున్నారని తెలుస్తోంది.
ప్రస్తుతం డైరెక్ట్ హిందీ ఫిల్మ్ ‘యానిమల్’ (Animal)ను డైరెక్ట్ చేస్తున్నారు సందీప్ రెడ్డి. బాలీవుడ్ స్టార్ హీరో రన్బీర్ కపూర్ (Ranbir Kapoor) ప్రధాన పాత్రలో నటిస్తున్నారు. నేషనల్ క్రష్, స్టార్ హీరోయిన్ రష్మిక మందన్న (Rashmika Mandanna) రన్బీర్ కు జంటగా నటిస్తోంది.
ఈ చిత్రంపై ఇప్పటికే భారీ అంచనాలు నెలకొన్నాయి. ‘అర్జున్ రెడ్డి’తో తనదైన మార్క్ దర్శకత్వాన్ని చూపించిన సందీప్.. ‘యానిమల్’తో మరోసారి సెన్సేషన్ క్రియేట్ చేయబోతున్నారని తెలుస్తోంది. ఈసందర్భంగా సందీప్ రెడ్డి చిత్రంపై చేసిన కామెంట్స్ మరింత హైప్ ను క్రియేట్ చేశాయి.
సందీప్ మాట్లాడుతూ... అందరూ ‘అర్జున్ రెడ్డి’ మరియు ‘కబీర్ సింగ్’తో వైలెంట్ చూపించానని అంటున్నారు. కానీ ‘యానిమల్’తోనే అసలైన వైలెంట్ ఎంటో చూపిస్తానని అన్నారు. ఇప్పటికే చిత్రం నుంచి రన్బీర్ కపూర్ రగ్డ్ లుక్ రివీల్ కావడం.. సందీప్ ఇలా హాట్ కామెంట్స్ చేయడం సినిమాపై ఆసక్తిని పెంచుతున్నాయి.
ఇప్పటికే ‘యానిమల్’ పలు షెడ్యూళ్లకు సంబంధించిన షూటింగ్ ను పూర్తి చేసుకున్న విషయం తెలిసిందే. ప్రస్తుతమూ చిత్రీకరణ శరవేగంగా కొనసాగుతోంది. యాక్షన్ మరియు రొమాంటిక్ సబ్టెక్ట్ ను కలిసి వైలెంట్ ప్రాజెక్ట్ గా ‘యానిమల్’ను వచ్చే ఏడాది ప్రేక్షకుల ముందుకు తీసుకురాబోతున్నారు. ఈ చిత్రం తర్వాత సందీప్ ప్రభాస్ తో ‘స్పిరిట్’ను తెరకెక్కించనున్నారు.