‘ఖుషి’ OTT రైట్స్ ఎవరికి, ఎంతకు అమ్మారు? ఎప్పుడు ఓటిటిలో వస్తుంది

 విజయ్ దేవరకొండ  ‘డియర్ కామ్రేడ్’, ‘వరల్డ్ ఫేమర్ లవర్’, ‘లైగర్’.. హ్యాట్రిక్ డిజాస్టర్స్ తరువాత చేస్తున్న ‘ఖుషి’తో హిట్ కొట్టాలనే కసితో వచ్చారు.

Kushi movie OTT

విజయ్ దేవరకొండ, సమంత  కాంబినేషన్ లో రూపొందిన  ఖుషీ మూవీ ఈ రోజు రిలీజ్ అవుతోంది. ఇప్పటికే యుఎస్ లో ప్రివ్యూలు పడిపోయాయి. సినిమాకు మంచి టాక్ నడుస్తోంది. నానితో చేసిన  టక్ జగదీష్ సినిమా డిజాస్టర్ తరువాత శివ నిర్వాణ.. ‘ఖుషి’ చేసేందుకు ఫ్లాప్స్‌లో ఉన్న అటు సమంత, విజయ్ దేవరకొండల్ని ఒప్పించారు. అంతకు ముందు నిన్నుకోరి, మజిలీ వంటి హిట్ చిత్రాలను తీశారు శివ నిర్వాణ రొమాంటిక్ గా నడిచే ఎమోషన్ సీన్స్ ని బాగా డీల్ చేస్తాడని పేరు తెచ్చుకున్నారు. దాంతో సినిమాపై మంచి బజ్ ఉంది. 

  ఓ సినిమా రిలీజ్ అవుతోందంటే ఓటిటి రిలీజ్ ఎప్పుడనేది ఎప్పుడూ హాట్ టాపిక్కే. ఈ సినిమా ఓటిటి రైట్స్ ని  Netflix తీసుకుంది.  సినిమా రిలీజ్  అయ్యిన నెల తర్వాత అంటే  అక్టోబర్ మొదటి వారంలో డిజిటిల్ రిలీజ్ ఉండే అవకాసం ఉంది.  అందుతున్న సమాచారం మేరకు Netflix ఈ రైట్స్ ని భారీ రేటు పెట్టి తీసుకుంది. లైగర్ సినిమా ఫెయిల్యూర్ అయినా విజయ్ దేవరకొండకు దేశ వ్యాప్తంగా మార్కెట్ ఏర్పడింది. దాంతో 27 కోట్ల నుంచి 30 కోట్ల లోపల డీల్ క్లోజ్ అయ్యిందని వినికిడి. 

ఇక ఈ చిత్రం శాటిలైట్ రైట్స్ ని మా టీవి వారు 20 కోట్లకు తీసుకున్నారు. వీటిన్నటితో పాటు  హిందీ శాటిలైట్ రైట్స్ , యూట్యూబ్ రైట్స్,  ఆడియో రైట్స్ అన్నీ కలిపి నాన్ థియేటర్ రెవిన్యూ దాదాపు 90 కోట్ల దాకా వచ్చిందని ట్రేడ్ లో వినపడుతోంది. ఇది నిజమే అయితే చాలా పెద్ద మొత్తం. వీటితోనే నిర్మాత సేవ్ అయ్యిపోతారు.

దానికి తోడు ఖుషీ నుంచి ఇప్పటి వరకూ వచ్చిన సాంగ్స్ అన్నీ సూపర్ హిట్ అయ్యాయి. ఖుషి సినిమాకు హేషమ్ అబ్దుల్ వాహబ్ సంగీతం అందించారు. పాటలతోనే ఈ చిత్రానికి మంచి ప్రమోషన్లు జరిగాయి. ఖుషి సినిమాకు ప్రీ-రిలీజ్ ఈవెంట్‍ను కూడా చిత్ర యూనిట్ నిర్వహించలేదు. దానికి బదులుగా గ్రాండ్‍గా ఓ మ్యూజిక్ కాన్సెర్ట్ జరిపింది.టైటిల్ సాంగ్ సహా నా రోజా నువ్వే, ఆరాధ్య సాంగ్స్ ఎక్కడ చూసినా వినిపిస్తున్నాయి. దీంతో ఈ మూవీ  పై ఆసక్తి పెరిగింది.  

 తెలుగుతో పాటు హిందీ, తమిళం, కన్నడ, మలయాళం భాషల్లో ఖుషి రిలీజ్ కానుంది. ఈ చిత్రానికి దేశవ్యాప్తంగా బుకింగ్స్ భారీ స్థాయిలో జరుగుతున్నాయి. విజయ్ దేవరకొండ గత చిత్రం లైగర్ పాన్ ఇండియా రేంజ్‍లో ఫ్లాఫ్ అయినా.. దాని ఎఫెక్ట్ ఖుషి చిత్రంపై పడినట్టు కనిపించడం లేదు. ఖుషి సినిమాకు బుకింగ్స్ భారీ స్థాయిలో జరుగుతున్నాయి.  

  అన్నిచోట్లా టికెట్ల అడ్వాన్స్ బుకింగ్‍లు జోరుగా సాగుతున్నాయి. తెలుగు రాష్ట్రాల్లో ఫస్ట్ డే కొన్ని షోలు ఇప్పటికే హౌస్ ఫుల్ అయ్యాయి. హిందీలోనూ ఖుషికి మంచి బుకింగ్స్ జరుగుతున్నాయి. నార్త్‌లోనూ ఈ సినిమాపై మంచి బజ్ కనిపిస్తోంది. 

కర్ణాటక, తమిళనాడులోనూ బుకింగ్స్ ఊహించిన దాటి కంటే ఎక్కువగా అవుతున్నాయని తెలుస్తోంది. దీంతో ఖుషి మూవీ తొలి రోజు మంచి కలెక్షన్లను సాధించడం ఖాయంగా కనిపిస్తోంది. పాటిజివ్ టాక్ వస్తే ఖుషి సినిమా భారీ కలెక్షన్లను సాధించే అవకాశాలు ఎక్కువగా ఉన్నాయి.

టికెట్స్ బుకింగ్స్ ప్లాట్‍ఫామ్ ‘బుక్‍ మై షో’లో ఖుషి సినిమా టాప్‍లో ట్రెండ్ అవుతోంది. ఈ చిత్రానికి ఇప్పటి వరకు2 లక్షల పైగా ఇంట్రెస్ట్స్ వచ్చాయి. నేషనల్ వైడ్‍గా ప్రస్తుతం ఖుషి బజ్ నెలకొంది. శివ నిర్వాణ డైరెక్ట్ చేసిన ఈ ఖుషీ మూవీని మైత్రీ మూవీ మేకర్స్ నిర్మిస్తోంది.

సామ్ ఈ సినిమా షూటింగ్ పూర్తవగానే సినిమాల నుంచి బ్రేక్ తీసుకున్న విషయం తెలిసిందే. తన ఆరోగ్యంపై దృష్టి సారించడానికి ఏడాది పాటు షూటింగ్ లకు దూరంగా ఉండనున్నట్లు ఆమె వెల్లడించింది.
ప్రస్తుతం ఆమె తన చికిత్స కొనసాగిస్తూనే ఆధ్యాత్మిక యాత్రలో ఉంది. యోగా, ధ్యానం, ఐస్ బాత్ లాంటివి చేస్తూ, ప్రకృతి ఒడిలో సేదదీరుతున్న ఫొటోలను ఆమె తన ఇన్‌స్టాగ్రామ్ లో షేర్ చేస్తోంది.సమంత దశాబ్దానికి పైగా ఇండస్ట్రీలో యాక్టివ్ గా ఉంటూ  వరుస చిత్రాలతో అలరిస్తోంది. బడా హీరోల సరసన నటించి మెప్పించింది. సినీరంగంలో తనకంటూ స్పెషల్ ఇమేజ్ ను సొంతం చేసుకుంది. భారీ స్థాయిలో ఫ్యాన్ బేస్ కూడా దక్కించుకుంది.