1970 నుండి జాకీ చాన్ సినిమాల్లో నటిస్తున్నాడు, సుమారు ఇప్పటివరకు 100కి పైగా చిత్రాలలో నటించాడు. అతను ఒక రియల్ హీరో అంతేకాదు ఒక తెలివైన వ్యక్తి కూడా. అతను అత్యంత భారీ సంపదకు యజమాని, కానీ అతని గురించి చాలా మందికి తెలియదు ఎందుకంటే సాధారణంగా ఎక్కువ డబ్బు ఉన్నవారు కొంత అహంకారంతో ఉంటారు కానీ జాకీ చాన్ లో ఇలాంటివి అస్సలు కనిపించవు. మీకు అతని గురించి తెలియని కొన్ని ప్రత్యేక విషయాలు ఆశ్చర్యపరుస్తాయి...
జాకీ చాన్ కి సుమారు 900 కోట్ల రూపాయలకు విలువైన ఆస్తిలు ఉన్నాయి, కానీ జాకీ చాన్ కొడుకు అతని సంపాదనలో ఒక్క పైసా కూడా ఆశించలేదు. నిజానికి జాకీ చాన్ తన సంపాదనను తన కొడుకుకు ఇవ్వాలి అని కోరుకున్నాడు. తన కొడుకు డబ్బు సంపాదించగలిగితే డబ్బు గురించి తెలిసోస్తుందని లేదంటే అతను డబ్బును వృధా చేస్తాడని చెప్పాడు.
ప్రపంచంలోనే అతిపెద్ద మొబిలైజర్లలో జాకీ చాన్ ఒకరు అని చెబుతుంటారు. తన ఆస్తులన్నీ స్వచ్ఛంద సేవా సంస్థల్లో పెట్టుబడులుగా పెడతానని ప్రతిజ్ఞ చేశారు. అతను ప్రపంచవ్యాప్తంగా పేదల కోసం అనేక ఆసుపత్రులు, స్కూల్స్ లను కూడా ప్రారంభించాడు. యునిసెఫ్ వంటి సామాజిక సంస్థలతో కూడా అనుభంధం ఉంది. జాకీ చాన్ ఎప్పటికప్పుడు స్వచ్ఛంద కార్యక్రమాలు చేస్తూ, అవసరమైనవారి కోసం డొనేషన్లు సమకూరుస్తుంటాడు.
జాకీ చాన్ కి పురాతన చారిత్రక వాటిని భద్రపర్చడం చాలా ఇష్టం. 2000 సంవత్సరాల క్రితం పాత నిర్మాణం తలుపుల వంటితో అనేక చారిత్రక వస్తువులు అతని వద్ద ఉన్నాయని చెబుతారు. అంతేకాకుండా వారికి ప్రపంచవ్యాప్తంగా అనేక విలాసవంతమైన ఇళ్ళు ఉన్నాయి. ఇందులో హాంకాంగ్, సింగపూర్, ఆస్ట్రేలియా, యుఎస్ సహా అనేక ఇతర దేశాలలో కూడా ఉన్నాయి.
సాధారణంగా ధనవంతులకు చాలా మంది బాడీగార్డ్లు, డ్రైవర్లు ఉంటారు, కానీ జాకీ చాన్ బాడీగార్డ్లను లేదా డ్రైవర్లను ఇష్టపడరు. అతను ఎక్కడికి వెళ్ళినా తన కారులో స్వయంగా నడుపుకుంటే వెళ్తాడు ఇంకా కారును కూడా పార్కింగ్ చేస్తాడు.
జాకీ చాన్ భారతీయ సినిమాలు, పాటలను ఇష్టపడతాడు. అమీర్ ఖాన్ నటించిన 'త్రీ ఇడియట్స్' చిత్రం ఆయనకు ఎంతో ఇష్టం. కొన్నేళ్ల క్రితం ఒక ఇంటర్వ్యూలో మాట్లాడుతూ, ఈ మధ్య కాలంలో బాలీవుడ్ చాలా మెరుగుపడింది అయితే చాలా మందికి బాలీవుడ్ గురించి తెలియదు, ఎందుకంటే భారతీయ చిత్రాల ప్రమోషన్ మరింతగా చేస్తే బాగుంటుంది అని తెలిపారు.
జాకీ చాన్ భారతీయ సినిమాలను మాత్రమే కాకుండా, భారతీయ ఆహారం మిరపకాయలను కూడా ఇష్టపడతాడు. తనకు భారతీయ ఆహారం అంటే చాలా ఇష్టమని కూడా చెప్పారు. అతను నెలకు రెండు లేదా మూడు సార్లు భారతీయ రెస్టారెంట్లను సందర్శిస్తాడు. అతనికి పాపడ్, చికెన్ కర్రీ ఇంకా బిర్యానీలను ఎక్కువగా ఇష్టపడతారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి