Safest Family Cars: రూ.7 లక్షల కంటే తక్కువకే లభించే బెస్ట్ సేఫ్టీ కార్లు ఇవే..

Safest Family Cars: మీ కుటుంబం మొత్తం ప్రయాణించడానికి సురక్షితమైన, బెస్ట్ ఫీచర్స్ ఉన్న కారు కొనాలనుకుంటే రూ.7 లక్షల లోపు లభించే కొన్ని కార్ల గురించి ఇక్కడ వివరాలు ఉన్నాయి.  

ఈ రోజుల్లో కార్లలో భద్రత కల్పించే లక్షణాలు ఇప్పుడు చాలా ముఖ్యమైనవి. ఇప్పుడు మార్కెట్లోకి వస్తున్న దాదాపు అన్ని కార్లు 6 ఎయిర్‌బ్యాగ్‌లు, ABS + EBDతో ప్రామాణిక లక్షణాలుగా వస్తున్నాయి. నిజానికి కార్లలో పూర్తి భద్రతను అందించాలని తయారీదారులపై ప్రభుత్వం ఒత్తిడి చేస్తుండటం వల్ల ఇవన్నీ జరుగుతున్నాయి. మీ కారు కొనే బడ్జెట్ రూ.7 లక్షల వరకు ఉంటే మీకు, మీ అవసరాలకు తగ్గట్టుగా ఉండే కార్ల వివరాలు ఇక్కడ ఉన్నాయి. అవేంటో చూద్దాం రండి. 

Tata Tiago

టాటా టియాగో తక్కువ బడ్జెట్‌లో దొరికే బెస్ట్ కారు. భద్రతలో 4 స్టార్ రేటింగ్ పొందింది. ఇది బలమైన హ్యాచ్‌బ్యాక్ కారు. కొత్త టియాగో 3 సిలిండర్, 1.2 లీటర్ పెట్రోల్ ఇంజిన్‌తో 5 స్పీడ్ మాన్యువల్, AMT గేర్‌బాక్స్‌లతో లభిస్తుంది. ఈ కారులో 7.0 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ ఉంది.

ఇది ఆండ్రాయిడ్ ఆటో, ఆపిల్ కార్‌ప్లేకు మద్దతు ఇస్తుంది. దీనితో పాటు ఆటోమేటిక్ క్లైమేట్ కంట్రోల్, డ్యూయల్ ఫ్రంట్ ఎయిర్‌బ్యాగ్‌లు, రియర్ పార్కింగ్ సెన్సార్, EBDతో కూడిన ABS ఉన్నాయి. ఈ కారులో 1.2 లీటర్ పెట్రోల్ ఇంజిన్ ఉంది. టియాగో ఎక్స్ షోరూమ్ ధర రూ.4.99 లక్షల నుండి ప్రారంభమవుతుంది.

Tata Punch

టాటా పంచ్ 7 లక్షల లోపు లభించే బెస్ట్ కారు. ఈ వాహనం ఎక్స్ షోరూమ్ ధర రూ.6.13 లక్షల నుండి ప్రారంభమవుతుంది. తక్కువ బడ్జెట్‌లో వచ్చే పంచ్, భద్రతలో అగ్రస్థానంలో ఉంది. భద్రత కోసం 5 స్టార్ రేటింగ్ కూడా పొందింది. పంచ్ 1.2 లీటర్ పెట్రోల్ ఇంజిన్‌ను కలిగి ఉంది. ఇది 86 PS శక్తిని, 113 Nm టార్క్‌ను ఉత్పత్తి చేస్తుంది. ఈ ఇంజిన్‌లో 5 స్పీడ్ మాన్యువల్ గేర్‌బాక్స్ ఉంది.

ఈ కారు లీటరుకు 18.82 కి.మీ మైలేజీని ఇస్తుంది. భద్రత కోసం 2 ఎయిర్‌బ్యాగ్‌లు, EBDతో కూడిన ABS వసతి ఉంది. 

Nissan Magnite

నిస్సాన్ మాగ్నైట్ దాని డిజైన్‌తో కస్టమర్లను ఆకర్షిస్తోంది. దీని ధర రూ.5.12 లక్షల నుండి ప్రారంభమవుతుంది. ఇది భద్రతలో 4 స్టార్ రేటింగ్ పొందింది. 5 మంది కూర్చోవడానికి సరిపడా స్థలం ఇందులో ఉంది. మాగ్నైట్‌లో రెండు పెట్రోల్ ఇంజిన్ ఎంపికలు ఉన్నాయి. వీటిలో 1.0 లీటర్ టర్బో పెట్రోల్ ఇంజిన్, 1.0 లీటర్ నేచురల్లీ ఆస్పిరేటెడ్ పెట్రోల్ ఇంజిన్ ఉన్నాయి. ఈ ఇంజిన్లు 6 స్పీడ్ MT లేదా CVT గేర్‌బాక్స్‌లతో వస్తాయి. కొత్త మాగ్నైట్ మీకు 20 kmpl వరకు మైలేజీని అందిస్తుంది. భద్రత కోసం ఇందులో 6 ఎయిర్‌బ్యాగ్‌లు, EBDతో కూడిన ABS వసతి ఉంది.

మంచి మైలేజీ కార్లు

Hyundai Exter

హ్యుందాయ్ ఎక్స్‌టర్ ధర రూ.6.12 లక్షల నుండి ప్రారంభమవుతుంది. ఇది భద్రతలో 4 స్టార్ రేటింగ్ పొందింది. డిజైన్, ఫీచర్ల పరంగా ఇది బెస్ట్ కారు అని చెప్పొచ్చు. ఇందులో 5 మంది కూర్చోవడానికి స్థలం ఉంది.

హ్యుందాయ్ ఎక్స్‌టర్‌లో 1.2 లీటర్ 4 సిలిండర్ పెట్రోల్ ఇంజిన్ ఉంది. ఇది 83PS శక్తిని, 114 Nm టార్క్‌ను ఉత్పత్తి చేస్తుంది. ఇందులో 5 స్పీడ్ మాన్యువల్ గేర్‌బాక్స్ ఉంది. ఈ కారు లీటరుకు 19 కి.మీ వరకు మైలేజీని ఇస్తుంది. భద్రత కోసం 6 ఎయిర్‌బ్యాగ్‌లు, EBDతో కూడిన ABS వసతి ఉంది.