మీ మొబైల్‌లో ఈ ఒక్క సెట్టింగ్‌ ఆన్ చేసుకోకపోతే మీ పర్సనల్‌ డేటా(personal data), అకౌంట్‌ డీటెయిల్స్‌(account details), యూజర్‌ నేమ్స్‌(user names), పాస్వర్డ్‌(passwords) వేరే వాళ్లు తెలుసుకొనే అవకాశం ఉంటుంది. వెంటనే వాటి గురించి తెలుసుకోండి. జాగ్రత్త పడండి.
మనమందరం మొబైల్ ఉపయోగిస్తాం. అది అందరికీ ఇప్పుడు నిత్యావసర వస్తువు కూడా.. మనకు సంబంధించిన ప్రతి ఇన్ఫర్‌మేషన్‌ అందులోనే ఉంటుంది. పర్సనల్‌ ఫొటోస్‌, వీడియోలు, అడ్రస్సులు, మరికొన్ని రహస్య సమాచారాలు కూడా మొబైల్‌లోనే దాచుకుంటాం. మరి మన వ్యక్తిగత సమాచారం అంతా ఎవరికీ తెలియకుండా ఉందంటారా?
ఏదైనా యాప్‌ను మీ ఫోన్‌లో ఇన్‌స్టాల్‌ చేసేటప్పుడు అది కొన్ని పర్మీషన్స్‌ అడుగుతుంది. కాంటాక్ట్స్‌, మెస్సేజస్‌ యాక్సిస్‌ చేయడానికి పర్మీషన్‌ అడుగుతుంది. ఫొటోస్‌, వీడియోస్‌ చూడటానికి పర్మీషన్‌ అడుగుతుంది. వాటన్నింటికీ allow క్లిక్ చేయకపోతే ఆ యాప్‌ ఇన్‌స్టాల్‌ కాదు. దీంతో తెలిసో, తెలియకో అన్నింటికీ allow ఆప్షన్‌ క్లిక్ చేసేస్తాం. ఇక్కడే మన పర్సనల్‌ డాటా అంతా ఇతరుల చేతికి వెళ్లిపోతోంది.
మొబైల్ కొన్నప్పుడే డీఫాల్ట్‌గా కొన్ని సెట్టింగులు ఆన్ అయి ఉంటాయి. మీరు కొన్న మొబైల్ కంపెనీ ఇలా కొన్ని డీఫాల్ట్‌గా సెట్‌ చేస్తుంది. అలాంటి చాలా ఆప్షన్స్ మనకి మంచే చేసినా కొన్ని ఆప్షన్స్ మాత్రం మన డాటా మొత్తాన్ని యాక్సిస్‌ చేసే విధంగా ఆన్ అయి ఉంటాయి.
మీ accounts, passwords, personal data సేఫ్‌ గా ఉండాలంటే మీరేం చేయాలంటే..
మీ ఫోన్‌ లో settings ఓపెన్‌ చేయండి.
అందులో googleను క్లిక్ చేయండి
అందులో autofill ఆప్షన్‌ను క్లిక్ చేయండి
తర్వాత autofill with googleను నొక్కండి
వచ్చిన ఆప్షన్స్‌లో preferencesను క్లిక్ చేయండి
తర్వాత మొదట కనిపిస్తున్న రెండు buttonsను ఆన్ చేయాలి
రెండు బటన్స్‌లో ఏమున్నాయి..
preferencesలో ‘authenticate with screen lock or biometrics before filling in payment methods’
‘authenticate with biometrics before filling in passwords’ అని రెండు ఆప్షన్స్ ఉంటాయి. ఆ రెండింటి ముందు ఉన్న బటన్స్ ఆన్ చేయాలి. వీటి అర్థం ఏమిటంటే మీ మొబైల్ లో ఏదైనా పేమెంట్‌ కు సంబంధించిన లాక్ ఓపెన్‌ చేయాలన్నా, స్క్రీన్‌ లాక్ తీయాలన్నా మీ బయోమెట్రిక్‌ తప్పనిసరి చేయడం అన్నమాట. ఈ రెండు బటన్స్ ఆన్ చేసిన తర్వాత మీ బయోమెట్రిక్‌ లేకుండా మీ మొబైల్ లో మీ యూజర్‌ నేమ్‌, పాస్వర్డ్‌ ఇచ్చినా ఓపెన్‌ కావు.
దీని వల్ల ఉపయోగం ఏంటి..
ఇలా అథెండికేషన్‌ చేసి ఉంటే ఎప్పుడైనా మీకు తెలిసిన వారే మీ మొబైల్ యాక్సిస్‌ చేయాలని ప్రయత్నిస్తే బయోమెట్రిక్‌ను కచ్చితంగా అడుగుతుంది. మిమ్మల్ని మోసం చేయాలని ఎవరైనా ప్రయత్నించినా ఫలించదు. ఇంకోటి ఏంటంటే ఈ కాలంలో మొబైల్‌లో డేటాను ఈజీగా యాక్సస్‌ చేసేస్తున్నారు. అలా మీ యూజర్‌ నేమ్స్‌, పాస్వర్డ్‌ సంపాదించినా మీ బయోమెట్రిక్‌ లేకుండా వారు ఏమీ చేయలేదు. మీ వ్యక్తిగత సమాచారం అంతా భద్రంగా ఉంటుంది. సైబర్‌ నేరాలు జరగడానికి ఆస్కారం తక్కువగా ఉంటుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి