ఎలక్ట్రిక్ స్కూటర్ల ఆవిష్కరణలో సంచలనం Ola Electric దీపావళికి ఓ అద్భుతమైన ఆఫర్ తీసుకొచ్చింది. Ola S1 X 2KWh ఎలక్ట్రిక్ స్కూటర్‌పై ఆకర్షణీయమైన డిస్కౌంట్ ఆఫర్ ను ప్రకటించింది. ఆ వివరాలు ఇక్కడ పూర్తిగా తెలుసుకుందాం.
దీపావళి పండుగ సందర్భంగా అందిస్తున్న డిస్కౌంట్ ఆఫర్ గురించి Ola Electric ప్రత్యేక ప్రకటన చేసింది. అన్ని రకాల కస్టమర్లకు రూ.5,000 డిస్కౌంట్ ఇస్తోంది. అంతేకాకుండా ఎంపిక చేసిన కొందరు కస్టమర్లకు రూ.25,000 వరకు అదనపు డిస్కౌంట్ అందుబాటులో ఉంటుందని కంపెనీ ధృవీకరించింది. ఇది స్టాక్ అయిపోయే వరకు మాత్రమే అందుబాటులో ఉంటుంది. ఇది పరిమిత కాల ఆఫర్ మాత్రమేనని, ధరలో మార్పు కాదని నొక్కి చెప్పింది.
ప్రముఖ ఎలక్ట్రిక్ వాహన తయారీ సంస్థ Ola Electric తన Ola S1 X 2KWh ఎలక్ట్రిక్ స్కూటర్‌పై డిస్కౌంట్ ఆఫర్‌ను స్పష్టం చేసింది. ప్రకటించిన డిస్కౌంట్లకు సంబంధించిన Ola Electricపై ఆరోపణలు వచ్చాయి. ఈ నేపథ్యంలో Ola స్టాక్ 3% పడిపోయిందని మీడియా కథనాలు సూచిస్తున్నాయి. దీనికి ఓలా కంపెనీ ప్రతిస్పందించింది. డిస్కౌంట్ పరిమిత కాలం పండుగ ఆఫర్ అని, స్కూటర్ అధికారిక ధర మారలేదని Ola Electric ఓ ప్రకటనలో తెలిపింది.
బాంబే స్టాక్ ఎక్స్ఛేంజ్ (BSE)కి రాసిన లేఖలో Ola Electric డిస్కౌంట్‌ను వివరించింది. పండుగ సమయంలో అన్ని రకాల కస్టమర్లకు రూ.5,000 డిస్కౌంట్ ఇస్తున్నట్లు కంపెనీ ధృవీకరించింది. ఎంపిక చేసిన కొందరు కస్టమర్లకు రూ.25,000 వరకు అదనపు డిస్కౌంట్ అందుబాటులో ఉంటుందని తెలిపింది. స్టాక్ అయిపోయే వరకు మాత్రమే ఈ ఆఫర్ అందుబాటులో ఉంటుందని, ఓలా స్కూటర్ కొనుక్కోవాలనుకున్న వారు ఈ అవకాశాన్ని ఉపయోగించుకోవాలని కోరింది.
Ola స్కూటర్లు దేశవ్యాప్తంగా చాలా పాపులర్ అయ్యాయి. స్టయిలిస్ట్, న్యూ లుకింగ్ ఫేస్ తో ఓలా తీసుకొచ్చిన ఎలక్ట్రిక్ స్కూటర్లు వినియోగదారులకు చాలా ఆకర్షిస్తున్నాయి. ముఖ్యంగా వాటి లుక్ కోసమే చాలా మంది ఈ స్కూటర్లు కొంటున్నారంటే ఆశ్చర్యపోనవసరం లేదు. ఓలా ఎలక్ట్రిక్ స్కూటర్ కంపెనీ ఇప్పటికే అనేక ఆఫర్లు ఇచ్చి ప్రజల ఫేవరేట్ గా మారిపోయింది. ఇప్పుడు దీపావళి సందర్భంగా మరి కొన్ని ఆఫర్లతో వినియోగదారులను ఆకట్టుకోవడానికి ప్రయత్నిస్తోంది.
Ola S1 X 2KWh రూ.49,999కి మార్కెట్ లో విక్రయిస్తున్నారు. ఈ ధరలో మార్పుల గురించి ఆటోమోటివ్ రీసెర్చ్ అసోసియేషన్ ఆఫ్ ఇండియా (ARAI) ఓలా కంపెనీని ప్రశ్నించింది. స్కూటర్ ధర మారలేదని Ola స్పందించింది. ధరను రూ.25,000 డిస్కౌంట్ ఆఫర్ గణనీయంగా తగ్గిస్తుందని, కానీ ఇది పరిమిత స్టాక్‌కు ఉన్నంత వరకేనని ARAIకి రిప్లై ఇచ్చింది. దీంతో ఓలా స్కూటర్ ధరల మార్పుపై స్పష్టత వచ్చినట్లు అయ్యింది.
ఓలా స్కూటర్ ధరలో మార్పు లేదని, ప్రకటించిన గరిష్ట డిస్కౌంట్ రూ.25 వేలు మాత్రమే వర్తింపజేసినట్లుగా ఓలా రుజువు చూపింది. అక్టోబర్ 6, 2024 నాటి ఇన్‌వాయిస్‌ను Ola అందించింది. అదనపు డాక్యుమెంటేషన్ కూడా ARAIకి సమర్పించింది. వాటిని పరిశీలించిన అధికారులు ఓలా స్కూటర్ల ధరల్లో మార్పులు లేవని గుర్తించారు.
స్టాక్ ఎక్స్ఛేంజ్‌కు తన ప్రతిస్పందనలో, తన వాటా ధరలో ఇటీవలి మార్పుకు ఎటువంటి బహిర్గతం కాని కారణాలు లేవని Ola హామీ ఇచ్చింది. SEBI నిబంధనలకు పారదర్శకత, కట్టుబడి ఉండటాన్ని ధృవీకరించింది.