అదిరిపోయే ఫీచర్స్‌తో మోటరోలా ఎడ్జ్ 60 ప్రో వచ్చేసింది: ధర, ఫీచర్స్ ఇవిగో

Motorola Edge 60 Pro: మార్కెట్ లో క్లిక్ అయిన ఎడ్జ్ ఫోన్లలో మోటరోలా కంపెనీకి చెందిన మోడల్స్ టాప్ లో ఉంటున్నాయి. అందుకే మోటరోలా ఇప్పుడు మరో ఎడ్జ్ ఫోన్ ను మార్కెట్ లోకి తీసుకొచ్చింది. మోటరోలా ఎడ్జ్ 60 ప్రో పేరుతో రిలీజ్ అయిన ఈ ఫోన్ ఫీచర్లు, ధర తెలుసుకుందాం రండి.   

భారతదేశంలో ఈ వారంలో కొత్త ఫోన్ మోటరోలా ఎడ్జ్ 60 ప్రో విడుదలైంది. మీడియాటెక్ డైమెన్సిటీ చిప్‌సెట్ ఈ కొత్త ఫోన్‌కు పవర్ జనరేటర్ లా పనిచేస్తుంది. ఇందులో ట్రిపుల్ కెమెరా సెటప్, ఆండ్రాయిడ్ 15 ఆధారంగా హలో యూజర్ ఇంటర్‌ఫేస్ కూడా ఉంది. ఇది ఫాస్ట్ ఛార్జింగ్ బ్యాటరీ, పోల్డ్ డిస్‌ప్లేను కలిగి ఉంది.

మోటరోలా ఎడ్జ్ 60 ప్రో: డిజైన్, డిస్‌ప్లే

ఎడ్జ్ 60 ప్రోలో లేటెస్ట్ అప్డేట్స్ ఎన్నో ఉన్నాయి. ఇది 6.7 అంగుళాల, 1.5K, క్వాడ్-కర్వ్డ్ పోల్డ్ స్క్రీన్‌ను కలిగి ఉంది. ఇది 120 Hz రిఫ్రెష్ రేట్, 4,500 nits మాక్సిమం బ్రైట్ నెస్ ను కలిగి ఉంది. ఈ గాడ్జెట్ బరువు దాదాపు 186 గ్రాములు. దీన్ని రక్షించడానికి స్క్రీన్ కార్నింగ్ గొరిల్లా గ్లాస్ 7i ను ఏర్పాటు చేశారు. ఈ ఫోన్ కి మోటరోలా నాలుగు సంవత్సరాల భద్రతా ప్యాచ్‌లు, మూడు OS అప్‌గ్రేడ్‌లతో అందిస్తోంది.

మోటరోలా ఎడ్జ్ 60 ప్రో: ప్రాసెసర్

ఈ ఎడ్జ్ ఫోన్ 256 GB స్టోరేజ్, 12GB వరకు RAM కెపాసిటీని కలిగి ఉంది. ఇది మీడియాటెక్ డైమెన్సిటీ 8350 ఎక్స్‌ట్రీమ్ ప్రాసెసర్ ద్వారా శక్తిని పొందుతుంది.  

మోటరోలా ఎడ్జ్ 60 ప్రో: కెమెరా

మోటరోలా కంపెనీ ఈ ఫోన్ లో ఇమేజింగ్ కోసం ట్రిపుల్ కెమెరా సెటప్ చేసింది. ఇందులో 10MP టెలిఫోటో లెన్స్, 50MP అల్ట్రా-వైడ్ యాంగిల్ లెన్స్, OISతో 50MP సెన్సార్ ఉన్నాయి. ఫోన్ ముందు భాగంలో 50MP కెమెరా కూడా ఉంది.

మోటరోలా ఎడ్జ్ 60 ప్రో: బ్యాటరీ

ఇతర పాత వెర్షన్‌ల మాదిరిగానే 6,000mAh బ్యాటరీని కలిగి ఉంది. 15W వైర్‌లెస్ ఛార్జింగ్, 90W కేబుల్ ఫాస్ట్ ఛార్జింగ్ రెండింటినీ సపోర్ట్ చేస్తుంది. మెరుగైన భద్రత కోసం ఇన్-డిస్‌ప్లే ఫింగర్‌ప్రింట్ సెన్సార్‌తో పని చేస్తుంది. 

మోటరోలా ఎడ్జ్ 60 ప్రో: ధర 

మోటరోలా ఎడ్జ్ 60 ప్రో బేసిక్ ఎడిషన్ 8GB + 256GB ధర రూ.29,999గా ఉంది. 12GB + 256GB వెర్షన్ ధర రూ.33,999. స్మార్ట్‌ఫోన్ మొదటి అమ్మకం మే 7న మధ్యాహ్నం 12 గంటలకు ఈ కామర్స్ ప్లాట్‌ఫారమ్ ఫ్లిప్‌కార్ట్‌లో జరుగుతుంది. ప్రస్తుతం భారతదేశంలో ప్రీ ఆర్డర్‌ బుకింగ్స్ జరుగుతున్నాయి. 

ఈ ఫోన్ పాంటోన్ డాజ్లింగ్ బ్లూ, పాంటోన్ స్పార్క్లింగ్ గ్రేప్, పాంటోన్ షాడోతో సహా వివిధ రంగుల్లో లభిస్తుంది.