దశాబ్దాలుగా భారతీయుల భరోసా మారుతి కారు అనే చెప్పాలి. ఎందుకంటే ప్రపంచంలో ఎన్ని బ్రాండ్లు ఉన్నప్పటికీ అత్యధికంగా అమ్ముడయ్యే బ్రాండ్ ఏదైనా ఉందంటే అది మారుతి సుజుకి అని చెప్పవచ్చు. మారుతి కారు భారతీయుల మధ్యతరగతి వర్గానికి అందుబాటులో ఉన్న కారు కావడం విశేషం. అందుకే ఈ కారును కొనుగోలు చేసేందుకు ఎక్కువ మంది ఆసక్తి చూపిస్తుంటారు.
ప్రతి నెల విడుదల అయ్యే ఆటోమొబైల్ కార్ల విక్రయాల సంఖ్యను గమనిస్తే, మారుతి కార్లకు సంబంధించిన మోడల్స్ టాప్ ఫైవ్ సెల్లింగ్ కార్లలో ఉంటాయి. అయితే ఇటీవల మార్కెట్లోకి రీఎంట్రీ ఇచ్చినటువంటి ఆల్టో కే టెన్ మోడల్ కూడా చక్కటి సేల్స్ సాధిస్తోంది. అది తక్కువ ధరలోనే అత్యధిక మైలేజీతో ఈ కారు భారతీయుల మన్ననలు పొందుతోంది.
తమ జీవితంలో మొదటి కారును కొనుగోలు చేయాలనుకునే అనేక మంది అనుకుంటారు. అలాంటి వారికి సరసమైన ధరలో లభించే మారుతీ కార్లు వారి కలలను నెరవేరుస్తున్నాయి. ఇది సామాన్యుల మొదటి ఎంపికగా మారింది. జనవరిలో దేశంలో విక్రయించిన కార్లలో మారుతినే అగ్రస్థానంలో నిలిచింది.
మారుతీ సుజుకి ఆల్టో కారు చాలా సంవత్సరాలుగా దేశంలోని సామాన్యుల కారుగా మిగిలిపోయింది. జనవరిలో మారుతి ఆల్టో మొత్తం 21,411 యూనిట్లను విక్రయించింది. ఆల్టో ఇండియన్ మార్కెట్లో ఆల్టో 800, ఆల్టో కె10 అనే రెండు మోడళ్ల రూపంలో అందుబాటులో ఉంది. ఆల్టో 800 ప్రారంభ ధర రూ.3.53 లక్షల నుండి, ఆల్టో కె10 ధర రూ.3.99 లక్షల నుండి ప్రారంభమవుతుంది.
మారుతి సుజుకి గత ఏడాది మాత్రమే సరికొత్త ఆల్టో కె10ని భారత మార్కెట్లో విడుదల చేసింది. దీని టాప్ మోడల్ ధర రూ. 5.95 లక్షల (ఎక్స్-షోరూమ్) వరకు ఉంది. ఇది Std (O), LXi, VXi, VXi+ ఎంపికతో 4 వేరియంట్‌లలో అందుబాటులో ఉంది. మీరు ఈ చిన్న కారు హ్యాచ్‌బ్యాక్‌ను మెటాలిక్ సిజ్లింగ్ రెడ్, మెటాలిక్ సిల్కీ సిల్వర్, మెటాలిక్ గ్రానైట్ గ్రే, మెటాలిక్ స్పీడీ బ్లూ, ప్రీమియం ఎర్త్ గోల్డ్, సాలిడ్ వైట్‌లలో 6 కలర్ ఆప్షన్‌లలో కొగుగోలు చేసే చాన్స్ ఉంది. ఇప్పుడు కంపెనీ దీన్ని బ్లాక్ కలర్‌లో అందుబాటులోకి తెస్తోంది.
కారులోని లగ్జరీ ఫీచర్స్ ఇవే..
ఈ సరసమైన కారు 7-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్‌ను చూడవచ్చు. ఇది Apple CarPlay, Android Autoకి మద్దతు ఇస్తుంది. ఇది కాకుండా, కారు కీలెస్ ఎంట్రీ, డిజిటలైజ్డ్ ఇన్స్ట్రుమెంట్ క్లస్టర్‌ను చూడవచ్చు. హ్యాచ్‌బ్యాక్ స్టీరింగ్-మౌంటెడ్ కంట్రోల్స్, మాన్యువల్‌గా సర్దుబాటు చేయగల ORVMలను కూడా ఇందులో గమనించవచ్చు. ఇక సెక్యూరిటీ విషయానికి వస్తే డ్యూయల్ ఎయిర్‌బ్యాగ్‌లు, EBDతో కూడిన ABS, వెనుక పార్కింగ్ సెన్సార్లు ఉన్నాయి. మారుతి ఆల్టో కె10కి భారత మార్కెట్లో ఎలాంటి పోటీ లేదు. అయితే, దీని ధర విషయంలో మాత్రం రెనాల్ట్ క్విడ్‌తో పోటీపడుతోంది. మార్కెట్లోని పలు లగ్జరీ బైకుల ధర కన్నా కూడా ఆల్టో కె 10 ధర తక్కువగా ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి