మహీంద్రా కార్లపై రూ.లక్షల్లో డిస్కౌంట్లు! ఇంత తక్కువకు ఎందుకు అమ్ముతున్నట్లు?
మార్కెట్లో మహీంద్రా కార్లు సందడి చేస్తున్నాయి. కంపెనీ యాజమాన్యం భారీ డిస్కౌంట్స్ ప్రకటించడంతో వాటిని కొనేందుకు వినియోగదారులు ఉత్సాహం చూపిస్తున్నారు. మహీంద్రా కి చెందిన దాదాపు అన్ని మోడల్స్ పై రూ.లక్షల్లో తగ్గింపు ప్రకటించారు. ఇది వినియోగదారులకు కలిసొచ్చే అంశం. మీ బడ్జెట్ బట్టి మీకు నచ్చిన మోడల్ ను ఈ దీపావళికి హ్యాపీగా ఇంటికి తీసుకెళ్లండి. మహీంద్రా కంపెనీ ఏఏ మోడల్స్ పై ఎంతెంత డిస్సౌంట్స్ ఇస్తోందో పూర్తి వివరాలు ఇక్కడ తెలుసుకోండి.
దసరా ఇలా ముగిసిందో లేదో అప్పుడే దీపావళిపై కంపెనీలు దృష్టి పెట్టాయి. వినియోగదారులను ఆకట్టుకోవడానికి దసరాకే భారీ ఆఫర్లు ప్రకటించాయి. దసరా ముగిసిన తర్వాత దీపావళికి కూడా కస్టమర్లను ఆకట్టుకోవడానికి కార్లు, బైకులు, సెల్ ఫోన్లు, ఎలక్ట్రానిక్ వస్తువుల తయారు చేసే కంపెనీలు ప్రత్యేక తగ్గింపు ధరలతో సందడి చేస్తున్నాయి. ఇందులో ముఖ్యంగా మహీంద్రా కంపెనీ తన కార్ల మోడల్స్ పై భారీ డిస్కౌంట్స్ అందిస్తున్నాయి. అవేంటో ఇక్కడ పూర్తి వివరాలు తెలుసుకుందాం.
మహీంద్రా XUV 700, స్కార్పియో క్లాసిక్, స్కార్పియో N, బొలెరో, XUV 400 EV కార్లు దీపావళికి ఆకర్షణీయమైన ఆఫర్లతో అందుబాటులో ఉన్నాయి. కొత్త మోడళ్లను మహీంద్రా ప్రతి కొన్ని నెలలకు విడుదల చేస్తోంది. బొలెరో, బొలెరో నియో, XUV 700, స్కార్పియో N వంటి కొన్ని మోడళ్లలో 2023, 2024 ప్రారంభంలో అమ్ముడుపోనివి ఈ పండుగ సీజన్లో భారీ డిస్కౌంట్లతో అందుబాటులో ఉన్నాయి.