అంబానీ బ్రదర్స్ ఆస్తుల గురించి తెలుసు... మరి వాళ్ల తల్లి కోకిలాబెన్ ఆస్తులెన్నో తెలుసా?

అంబానీ కుటుంబాన్ని ప్రపంచంలోనే అత్యంత ధనవంతుల కుటుంబంగా మార్చడంలో ధీరూభాయ్ తో పాటు ఆయన భార్య కోకిలాబెన్ కీలక పాత్ర పోషించారు. అయితే ధీరూభాయ్ మరణం తర్వాత కోకిలాబెన్ ఎవరితో నివసిస్తున్నారు? ఆమె ఆస్తుల విలువెంతో తెలుసుకుందాం. 

ధీరూభాయ్ అంబానీ రిలయన్స్‌ను ప్రపంచంలోనే అతిపెద్ద కంపెనీగా నిర్మించారు. ఆయన భార్య కోకిలాబెన్  భర్త వ్యాపారానికి మద్దతు ఇవ్వడమే కాకుండా పిల్లలను కూడా బాగా చూసుకున్నారు. ఇప్పుడు వీరి పెద్దకొడుకు ముఖేష్ అంబానీ ప్రపంచంలోనే అత్యంత ధనవంతుడు.

ధీరూభాయ్ అంబానీ మరణం తర్వాత అంబానీ ఆస్తి పంపకం జరిగింది. ముఖేష్ అంబానీ, అనిల్ అంబానీ సోదరులిద్దరు తండ్రి ఆస్తి పంచుకున్నారు. మరి ఆస్తి పంపకం తర్వాత కోకిలాబెన్ అంబానీ ఎవరితో నివసిస్తున్నారు? ఈ ప్రశ్నకు సమాధానం దొరికింది. కోకిలాబెన్ అంబానీ తన పెద్ద కుమారుడు ముఖేష్ అంబానీతో నివసిస్తున్నారు.

ముఖేష్ అంబానీ యొక్క ఆంటిలియా ఇంట్లో కోకిలాబెన్ అంబానీ నివసిస్తున్నారు. ముఖేష్ అంబానీ, ఇద్దరు పిల్లలు, వారి కుటుంబంతో పాటు తల్లి 27వ అంతస్తులో నివసిస్తున్నారు. అందరికీ ప్రత్యేక ఇళ్ళు ఉన్నాయి. వీటిలో కోకిలాబెన్ ముఖేష్ అంబానీ ఇంట్లో ఉంటున్నారు.

కోకిలాబెన్ అంబానీ దాదాపు 20 వేల కోట్ల రూపాయల ఆస్తిని కలిగివున్నారు. ఆమెవద్ద రిలయన్స్ కంపెనీలో 1,57,41,322 షేర్లు ఉన్నాయి. అంటే కంపెనీ మొత్తం షేర్లలో 0.24% షేర్లు కోకిలాబెన్ వద్ద ఉన్నాయి. దీనితో పాటు ఇతర ఆస్తులు కూడా ఆమెకు ఉన్నాయి. బ్యాంక్ బ్యాలెన్స్‌తో సహా 20,000 కోట్ల రూపాయలకు పైగా ఆస్తులు కోకిలాబెన్ కు ఉన్నాయి.

90 ఏళ్ల కోకిలాబెన్ స్వస్థలం గుజరాత్‌లోని జామ్‌నగర్. ఆమె జామ్‌నగర్‌లోని ద్వారకాధీష్ ఆలయం, రాజస్థాన్‌లోని నాథ్‌ద్వారా ఆలయాలను దర్శిస్తుంటారు. అంబానీ కుటుంబ కార్యక్రమాల్లో కోకిలాబెన్ పాల్గొంటారు. ఇటీవల అనంత్ అంబానీ వివాహంలో కోకిలాబెన్ చురుగ్గా పాల్గొన్నారు.

ధీరూభాయ్ అంబానీ 69 ఏళ్ల వయసులో మరణించారు. తీవ్రమైన పక్షవాతం కారణంగా ముంబైలోని బ్రీచ్ కాండీ ఆసుపత్రిలో చేర్చారు. వారం రోజుల పాటు కోమాలో ఉన్న ధీరూభాయ్ అంబానీని కాపాడటానికి వైద్యుల బృందం నిరంతరం చికిత్స అందించింది. కానీ జూన్ 24, 2002న ఆయన మరణించారు.