Income Tax : ఇకపై సోషల్ మీడియా అకౌంట్స్ తోనూ ఇన్కమ్ ట్యాక్ చిక్కులు

ఆదాయపు పన్ను శాఖకు కొత్త అధికారాలు వచ్చాయి. ఇటీవల కేంద్ర ప్రభుత్వం తీసుకువచ్చిన కొత్త ఆదాయపు పన్ను బిల్లు అధికారులకు ఎలాంటి అధికారాలు కల్పిస్తుందో ఇక్కడ తెలుసుకొండి. 

income tax

ఇటీవల కేంద్ర ప్రభుత్వం కొత్త ఆదాయపు పన్ను బిల్లు తీసుకువచ్చిన విషయం తెలిసిందే... ఇది పన్ను చట్టాలను సులభతరం చేయడానికి ఉద్దేశించబడింది ప్రధాని నరేంద్ర మోదీ, కేంద్ర మంత్రులు చెబుతున్నారు. కానీ ఈ బిల్లులోని ఒక నిబంధన ఆదాయపు పన్ను విచారణ సమయంలో ఇమెయిల్‌లు, సోషల్ మీడియా పేజీలు, వాణిజ్య ఖాతాలతో సహా పన్ను చెల్లింపుదారుల వ్యక్తిగత సమాచారాన్ని సమీక్షించే అధికారం ఇస్తుంది. దీని ద్వారా ఆదాయపు పన్ను అధికారులు పన్ను చెల్లింపుదారుల వ్యక్తిగత సమాచారాన్ని చూడటానికి పూర్తి అధికారం పొందుతారు. 

income tax

కొత్త బిల్లులోని సెక్షన్ 247 ఏం చెబుతోంది?

ఈ నియమం వల్ల కలిగే ప్రధాన ఆందోళన "వర్చువల్ డిజిటల్ స్పేస్‌లు" గురించి. కొత్త బిల్లు ప్రకారం ఐటి అధికారులు డిజిటల్ ఆస్తులను యాక్సెస్ చేయడానికి అనుమతి కోరవచ్చు. పన్ను చెల్లింపుదారులు అనుమతి నిరాకరించినా అధికారులు పాస్‌వర్డ్‌లు లేకుండానే లాగిన్ అవ్వవచ్చు. డిజిటల్ ప్లాట్‌ఫారమ్‌లలో వినియోగదారు భద్రతా వ్యవస్థలను అధిగమించి వారి వ్యక్తిగత సమాచారం చూడవచ్చు. 

income tax

డిజిటల్ రికార్డులు:

 ఆదాయపు పన్ను శాఖ అధికారులు ల్యాప్‌టాప్‌లు, హార్డ్ డ్రైవ్‌లు, ఇమెయిల్‌లను యాక్సెస్ చేయడానికి అనుమతి ఉంటుంది. కానీ ప్రస్తుత ఆదాయపు పన్ను చట్టం డిజిటల్ రికార్డుల గురించి స్పష్టంగా పేర్కొనలేదు. దీని వల్ల ఆదాయపు పన్ను శాఖకు ఎదురుదెబ్బ తగులుతోంది.

కొత్త ఆదాయపు పన్ను బిల్లులోని సెక్షన్ 247 ప్రకారం, పన్ను ఎగవేత లేదా పన్ను చెల్లించని ఆస్తులు ఉన్నాయని అనుమానం ఉంటే వ్యక్తుల ఇమెయిల్‌లు, సోషల్ మీడియా, బ్యాంక్ వివరాలు, పెట్టుబడి ఖాతాలను యాక్సెస్ చేయడానికి ఆదాయపు పన్ను అధికారులకు అధికారం ఉంది.

income tax

ఆదాయపు పన్ను శాఖకు అధికారం:

ఐటి అధికారాలు ఏదైనా తలుపు, పెట్టె, లాకర్, సేఫ్టీ డిపాజిట్ బాక్స్, అల్మారా లేదా ఇతర కంటైనర్ల తాళాన్ని పగలగొట్టి తెరవవచ్చు. అనుమతి లేని ఏదైనా భవనంలోకి ప్రవేశించి వెతకవచ్చు. ఏదైనా కంప్యూటర్ సిస్టమ్ లేదా వర్చువల్ డిజిటల్ స్పేస్‌ను యాక్సెస్ చేయడానికి పాస్‌వర్డ్ అందుబాటులో లేకపోతే, అది లేకుండానే లాగిన్ అవ్వవచ్చు అని బిల్లులోని ఉపవిభాగం పేర్కొంటుంది.

సరళంగా చెప్పాలంటే ఆదాయపు పన్ను అధికారులు పన్ను చెల్లింపుదారుల "వర్చువల్ డిజిటల్ స్పేస్‌"ను యాక్సెస్ చేయడానికి కొత్త నియమం అనుమతిస్తుంది. క్లౌడ్ స్టోరేజ్, ఇమెయిల్, సోషల్ మీడియా, ఆన్‌లైన్ వాణిజ్య వేదికలు వంటి ఇంటర్నెట్ ద్వారా కమ్యూనికేట్ చేసే ఏదైనా వేదిక ఇందులో ఉంటుంది.

income tax

కొత్త ఆదాయపు పన్ను బిల్లు గురించి నిపుణులు ఏమంటున్నారు?

కొత్త నియమం గురించి నిపుణులు హెచ్చరికలు జారీ చేస్తున్నారు.  సరైన రక్షణలు లేకుండా ఆదాయపు పన్ను శాఖ అధికారులు కొత్త అధికారాలను దుర్వినియోగం చేయవచ్చు, ఇది గోప్యత ఉల్లంఘనకు దారితీయవచ్చు అని నిపుణులు ఆందోళన వ్యక్తం చేస్తున్నారు.

ఖైతాన్ & కో సంస్థకు చెందిన సంజయ్ సంఘ్వి మాట్లాడుతూ "ఆదాయపు పన్ను అధికారులు గతంలో డిజిటల్ పరికరాలను యాక్సెస్ చేయమని కోరేవారు. కానీ చట్టం దానిని స్పష్టంగా అనుమతించలేదు. కొత్త బిల్లు దాని కోసం చట్టపరమైన పరిష్కారాన్ని అందించింది" అని తెలిపారు.