డెబిట్ లేదా క్రెడిట్ కార్డ్ లేకుండా ఏ‌టి‌ఎం నుండి డబ్బును ఎలా విత్‌డ్రా చేయవచ్చో తెలుసా...?

రిజర్వ్ బ్యాంక్ ఆఫ్ ఇండియా (RBI) అన్ని బ్యాంకులు, ఏ‌టి‌ఎం నెట్‌వర్క్‌లు, వైట్ లేబుల్ ఏ‌టి‌ఎం ఆపరేటర్లు దేశంలోని అన్ని ఏ‌టి‌ఎంలలో ఇంటర్‌ఆపరబుల్ కార్డ్-లెస్ క్యాష్ విత్‌డ్రావల్ (ICCW) సౌకర్యాన్ని అందించాలని ఆదేశించింది. ఈ సదుపాయం  అందుబాటులోకి వచ్చిన తర్వాత, ప్రతి ఒక్కరూ డెబిట్ లేదా క్రెడిట్ కార్డులను ఉపయోగించకుండా ఏ‌టి‌ఎంల నుండి నగదును తీసుకోవచ్చు.  

లావాదేవీలను అతేంటికెటింగ్  చేయడానికి అన్ని బ్యాంకులు, ATM నెట్‌వర్క్‌లతో యూనిఫైడ్ పేమెంట్స్ ఇంటర్‌ఫేస్ (UPI) ఇంటిగ్రేషన్‌ను సులభతరం చేయాలని కూడా RBI నేషనల్ పేమెంట్స్ కార్పొరేషన్ ఆఫ్ ఇండియా (NPCI)ని కోరింది. “అన్ని బ్యాంకులు, ATM నెట్‌వర్క్‌లు, WLAOలు  ATMలలో ICCW ఆప్షన్ అందించవచ్చు. అలాగే బ్యాంకులు, ATM నెట్‌వర్క్‌లతో యూనిఫైడ్ పేమెంట్స్ ఇంటర్‌ఫేస్ (UPI) ఇంటిగ్రేషన్‌ను సులభతరం చేయాలని NPCIకి సూచించింది" అని ఆర్‌బి‌ఐ విడుదల చేసిన సర్క్యులర్‌లో పేర్కొంది.

UPI సహాయంతో కస్టమర్ ఆథరైజేషన్ చేయబడుతుంది, అయితే నేషనల్ ఫైనాన్షియల్ స్విచ్ (NFS) లేదా ATM నెట్‌వర్క్‌ల ద్వారా సెటిల్మెంట్ చేయబడుతుంది అని సెంట్రల్ బ్యాంక్ తెలిపింది. "ఇంటర్‌చేంజ్ ఫీజు, కస్టమర్ ఛార్జీలపై సర్క్యులర్ కింద నిర్దేశించినవి కాకుండా ఎలాంటి ఛార్జీలు విధించకుండా ఆన్-అస్ / ఆఫ్-అస్ ICCW లావాదేవీలు ప్రాసెస్ చేయబడతాయి" అని సర్క్యులర్లో పేర్కొంది.

విత్ డ్రా పరిమితులు సాధారణ ఆన్-అస్ అండ్ ఆఫ్-అస్  ATM విత్ డ్రా పరిమితులకు అనుగుణంగా ఉంటాయి అని రిజర్వ్ బ్యాంక్ పేర్కొంది. "టర్న్ ఎరౌండ్ టైమ్ (TAT)  హార్మోనైజేషన్, ఫెయిల్ లావాదేవీలకు కస్టమర్ నష్టపరిహారానికి సంబంధించిన అన్ని ఇతర సూచనలు వర్తిస్తాయి" అని సర్క్యులర్ పేర్కొంది.

ప్రస్తుతం ఐసిఐసిఐ, హెచ్‌డిఎఫ్‌సి వంటి ఆప్షనల్ బ్యాంకులు మాత్రమే  ఎటిఎంలలో కార్డ్‌లెస్ క్యాష్ విత్ డ్రా సౌకర్యాన్ని అందిస్తున్నాయి. రోజులు గడిచేకొద్దీ దేశంలో పనిచేస్తున్న అన్ని ఇతర బ్యాంకులు కస్టమర్‌లు  డెబిట్ లేదా క్రెడిట్ కార్డ్ సహాయం లేకుండా ATM నుండి డబ్బును విత్‌డ్రా చేసుకోవడానికి అనుమతిస్తాయి. డెబిట్ అండ్ క్రెడిట్ కార్డ్ ఉపయోగించకుండా మీరు ATM నుండి డబ్బును ఎలా విత్‌డ్రా చేసుకోవచ్చో చూద్దాం..

ఏ‌టి‌ఎం కార్డును ఉపయోగించకుండా నగదును ఎలా ఉపసంహరించుకోవాలంటే
ఈ సదుపాయాన్ని ఉపయోగించుకోవడానికి ముందుగా  బ్యాంకును అభ్యర్థించాలి. ఎలా అంటే..
ముందుగా ఐసిఐసిఐ బ్యాంక్ మొబైల్ యాప్‌లో సర్వీసెస్ కి వెళ్లండి.
-ఇప్పుడు కార్డ్‌లెస్ క్యాష్ విత్‌డ్రాయల్ ఆప్షన్‌పై క్లిక్ చేయండి.
-4-అంకెల తాత్కాలిక పిన్‌తో పాటు మొత్తాన్ని ఎంటర్ చేయండి అండ్ డబ్బును విత్ డ్రా చేయడానికి మీరు ఖాతా నంబర్‌ను సెలెక్ట్ చేసుకోండీ 

- ఇప్పుడు మీరు ముందు స్క్రీన్‌పై చూపే వివరాలను కన్ఫర్మ్ చేయాలి 

-చివరగా సబ్మిట్  ఆప్షన్ పై క్లిక్ చేయండి.

ఈ సదుపాయం విజయవంతంగా యాక్టివేట్ అయిన తర్వాత, మీరు బ్యాంక్ నుండి రిజిస్టర్డ్ మొబైల్ నంబర్‌కు ప్రత్యేకమైన 6-అంకెల కోడ్‌తో మెసేజ్ వస్తుంది. ఈ కోడ్ ఆరు గంటల వరకు మాత్రమే వాలిడిటీ అవుతుంది. 

అనుసరించాల్సిన తదుపరి దశలు:
-మీ సమీపంలోని బ్యాంక్ ATM (ప్రస్తుతం ICICI బ్యాంక్ ATM) సందర్శించండి తరువాత రిజిస్టర్ మొబైల్ నంబర్, మీరు సెట్ చేసిన తాత్కాలిక 4-అంకెల కోడ్, మీరు SMSలో 6-అంకెల కోడ్, విత్ డ్రా మొత్తం వంటి వివరాలను ఎంటర్ చేయండి.
- ఈ వివరాలు ధృవీకరించిన తర్వాత, ATM నుండి నగదు విత్ డ్రా చేయబడుతుంది.