Credit Card : బెస్ట్ క్రెడిట్ కార్డ్ కావాలా? తీసుకునే ముందు ఈ 5 విషయాలు చూడాల్సిందే!

Credit Card : క్రెడిట్ కార్డ్ వాడుతున్నారా? కొన్ని తప్పులు చేస్తే అప్పుల పాలు కావాల్సిందే. మరి సరైన క్రెడిట్ కార్డ్‌ను ఎంచుకోవడం ఎలా? కార్డులు ఎన్ని రకాలు? రివార్డులు, వడ్డీ రేట్లు, మీ ఖర్చులకు తగిన బెస్ట్ కార్డ్‌ను ఎంపిక చేసుకునే గైడ్ మీ కోసం.

క్రెడిట్ కార్డ్‌తో లాభాలు.. సీక్రెట్ ఇదే బాసూ

ప్రస్తుతం క్రెడిట్ కార్డ్ అనేది మన అవసరాలకు అండగా నిలిచే ఒక స్మార్ట్ ఫైనాన్షియల్ టూల్. అయితే, మార్కెట్లో వందల రకాల కార్డ్స్ ఉన్నప్పుడు, మనకు ఏది కరెక్ట్ అని తెలుసుకోవడం కొంచెం కష్టమే. సరైన కార్డ్ ఉంటే బోలెడు లాభాలు ఉంటాయి, అదే తప్పుడు కార్డ్ ఎంచుకుంటే అప్పుల ఊబిలో పడే ఛాన్స్ ఉంది. అందుకే, మీ లైఫ్ స్టైల్‌కు తగిన క్రెడిట్ కార్డ్‌ను ఎలా సెలెక్ట్ చేసుకోవాలో ఇప్పుడు తెలుసుకుందాం.

క్రెడిట్ కార్డ్ అంటే ఏమిటి? ఇది ఎలా పనిచేస్తుంది?

చాలామంది క్రెడిట్ కార్డ్‌ను ఉచితంగా వచ్చే డబ్బు అనుకుంటారు, కానీ ఇది నిజానికి ఒక షార్ట్ టర్మ్ లోన్. మీరు కార్డ్‌ని స్వైప్ చేసిన ప్రతిసారీ, కార్డ్ కంపెనీ నుండి మీరు డబ్బు అప్పు తీసుకుంటున్నారని అర్థం. దీనిని నిర్ణీత సమయంలోగా తిరిగి చెల్లిస్తానని మీరు ప్రామిస్ చేసినట్లే.

నిజానికి, ప్రతి నెలా మీ బిల్లును పూర్తిగా చెల్లిస్తే ఒక్క రూపాయి కూడా వడ్డీ కట్టాల్సిన అవసరం ఉండదు. ఒకవేళ ఫుల్ అమౌంట్ కట్టలేకపోతే? మినిమమ్ పేమెంట్ చేసే ఆప్షన్ ఉంటుంది. కానీ గుర్తుంచుకోండి, మిగిలిన బ్యాలెన్స్ మీద ఏపీఆర్ ప్రకారం వడ్డీ పడుతుంది. ఇది మీ అప్పును భారంగా మారుస్తుంది. కాబట్టి, సాధ్యమైనంత వరకు పూర్తి బిల్లు కట్టడమే స్మార్ట్ మూవ్.

రకరకాల క్రెడిట్ కార్డ్స్: మీకు ఏది బెస్ట్?

కాఫీలో ఎలాగైతే రకాలు ఉంటాయో, క్రెడిట్ కార్డ్స్‌లో కూడా రకాలు ఉంటాయి. మీ అవసరానికి తగ్గట్టుగా వీటిని ఎంచుకోవాలి:

1. రివార్డ్స్ క్రెడిట్ కార్డ్స్: మీరు ఖర్చు చేసే ప్రతి రూపాయిపై క్యాష్ బ్యాక్, పాయింట్లు వస్తాయి. రెగ్యులర్ షాపింగ్ చేసేవారికి ఇవి బెస్ట్.

2. ట్రావెల్ క్రెడిట్ కార్డ్స్: మీరు తరచుగా ప్రయాణాలు చేస్తుంటే, విమాన టికెట్లు, హోటల్ బుకింగ్స్‌పై భారీ డిస్కౌంట్లు, ఎయిర్‌పోర్ట్ లాంజ్ యాక్సెస్ వంటి సౌకర్యాలు లభిస్తాయి.

3. బ్యాలెన్స్ ట్రాన్స్‌ఫర్ కార్డ్స్: పాత కార్డ్‌లో అప్పు ఎక్కువైపోయి, వడ్డీ కట్టలేకపోతుంటే.. ఆ అప్పును తక్కువ వడ్డీ ఉన్న కొత్త కార్డ్‌లోకి మార్చుకోవచ్చు.

4. బిజినెస్ క్రెడిట్ కార్డ్స్: వ్యాపారస్తులు, ఫ్రీలాన్సర్ల కోసం ఇవి బెస్ట్. ఆఫీస్ సప్లైస్, బిజినెస్ ట్రావెల్‌పై వీటికి ఎక్కువ రివార్డులు ఉంటాయి.

క్రెడిట్ కార్డ్ రివార్డ్స్, బెనిఫిట్స్ ఎలా చూడాలి?

కార్డ్ తీసుకునే ముందు మీ ఖర్చులు ఎక్కడ ఎక్కువగా ఉన్నాయో చెక్ చేసుకోండి. మీరు గ్రాసరీస్ మీద ఎక్కువ ఖర్చు చేస్తారా? లేక పెట్రోల్ మీదా? దానికి తగిన కార్డ్ తీసుకుంటే ఎక్కువ పాయింట్లు వస్తాయి. అలాగే, కొన్ని కార్డ్స్ ట్రావెల్ ఇన్సూరెన్స్, పర్చేస్ ప్రొటెక్షన్ వంటి ఎక్స్‌ట్రా బెనిఫిట్స్ కూడా ఇస్తాయి. వాటిని కూడా చూడండి.

క్రెడిట్ కార్డ్ వడ్డీ రేట్లు, ఫీజుల విషయంలో జాగ్రత్త

క్రెడిట్ కార్డ్ తీసుకునే ముందు ఏపీఆర్ ఎంత ఉందో కచ్చితంగా చూడాలి. కొన్ని కార్డ్స్ మొదట్లో 0% వడ్డీ ఆఫర్లు ఇస్తాయి, కానీ ఆ పీరియడ్ అయిపోయాక వడ్డీ బాదుడు మొదలవుతుంది. ఈ విషయాలు కూడా చూడండి..

• యాన్యువల్ ఫీజు: ఏటా కట్టే ఫీజుకు తగ్గ లాభం మీకు వస్తుందా? లేదా? అని లెక్క వేసుకోండి.

• ట్రాన్సాక్షన్ ఫీజు: విదేశాల్లో వాడితే ఎంత పడుతుందో చూడండి.

• లేట్ ఫీజు: పేమెంట్ మిస్ అయితే పడే పెనాల్టీల గురించి అవగాహన ఉండాలి.

క్రెడిట్ లిమిట్, స్కోర్ ప్రాముఖ్యత

మీ మంత్లీ ఖర్చులకు తగ్గట్టుగా క్రెడిట్ లిమిట్ ఉండేలా చూసుకోండి. అయితే, లిమిట్ ఎక్కువగా ఉంది కదా అని ఇష్టమొచ్చినట్లు వాడకూడదు. ఇకపోతే, మీ క్రెడిట్ స్కోర్ బాగుంటేనే మంచి ఆఫర్లు ఉన్న కార్డ్స్ వస్తాయి. ఒకవేళ మీ స్కోర్ తక్కువగా ఉంటే, స్కోర్‌ను పెంచుకోవడానికి ఉపయోగపడే బిల్డింగ్ క్రెడిట్ కార్డ్స్ కోసం ట్రై చేయండి. ఫైనల్‌గా, సదరు బ్యాంక్ కస్టమర్ సర్వీస్ ఎలా ఉందో రివ్యూలు చదివి తెలుసుకోవడం చాలా ముఖ్యం.