మీరు ప్రభుత్వ ఉద్యోగం కోసం ఎదురుచూస్తున్నట్లయితే 2025 సంవత్సరం ప్రారంభంలోనే మీకు ఎన్నో అవకాశాలు సిద్దంగా ఉన్నాయి. ఈ ఏడాదిలో ప్రభుత్వ ఉద్యోగాలకు వరుసగా నోటిఫికేషన్లు విడుదల కానున్నాయి. అనేక రంగాల్లో అర్హతలకు తగ్గ ఉద్యోగాలు భర్తీ చేయనున్నారు. అందులో భాగంగా జనవరి నెలలోనే అనేక నోటిఫికేషన్లు వెలువడ్డాయి. ఏఏ శాఖలు, ఎన్నెన్ని పోస్టులు ఖాళీగా ఉన్నాయో ఇక్కడ వివరాలు తెలుసుకోండి.
కొన్ని సంవత్సరాలుగా ప్రభుత్వ ఉద్యోగాలకు నోటిఫికేషన్లు విడుదల చేయకపోవడంతో లక్షల సంఖ్యలో నిరుద్యోగులు వాటి కోసం ఎదురుచూస్తూ ఉన్నారు. ఇంత కాలానికి వారందరి ఎదురు చూపులు ఫలించాయి. దేశంలోని వివిధ విభాగాలు, శాఖలు, సంస్థల్లో ఖాళీలను నింపేందుకు 2025 సంవత్సరం ప్రారంభ నెల అయిన జనవరిలోనే నోటిఫికేషన్లు విడుదల చేశారు. ముఖ్యంగా కోచిన్ షిప్‌యార్డ్, సెంట్రల్ ఎలక్ట్రానిక్స్ ఇంజనీరింగ్ రీసెర్చ్ ఇన్స్టిట్యూట్, రైల్వే, సెంట్రల్ వేర్‌హౌసింగ్ కార్పొరేషన్, ఎన్ఎల్సీ ఇండియా వంటి సంస్థల్లో ఉద్యోగాలు అందుబాటులో ఉన్నాయి. వీటిల్లో ఎన్నెన్ని ఉద్యోగాలు ఖాళీగా ఉన్నాయో వివరాలు తెలుసుకుందాం.
కోచిన్ షిప్‌యార్డ్ లిమిటెడ్ లో వివిధ విభాగాల్లో శిక్షణ ఉద్యోగాలకు నియామకాలు జరుగుతున్నాయి. వీటికి 27 సంవత్సరాల వయస్సు వరకు వయో పరిమితి ఉంది. మొత్తం 44 ఖాళీలు ఉన్నాయి. ఈ ఉద్యోగాలకు అప్లై చేయాలంటే కనీసం ఇంజనీరింగ్ విద్యార్హత ఉండాలి. ఇదే కాకుండా పోస్ట్ గ్రాడ్యుయేషన్, సీఏ పూర్తి చేసిన వారు కూడా దరఖాస్తు చేసుకోవచ్చు. కేంద్ర ప్రభుత్వ పోర్టులు, షిప్పింగ్ జలమార్గాల మంత్రిత్వ శాఖ ఆధ్వర్యంలో కోచిన్ షిప్‌యార్డ్ లిమిటెడ్ నడుస్తుంది. ఈ సంస్థలో ఉద్యోగాలకు దరఖాస్తు చేసుకునేందుకు 06.01.2024 చివరి తేదీ.
సెంట్రల్ ఎలక్ట్రానిక్స్ ఇంజనీరింగ్ రీసెర్చ్ ఇన్స్టిట్యూట్ లో కూడా పలు విభాగాల్లో ఖాళీలను పూరించేందుకు నోటిఫికేషన్ విడుదల చేసింది. ఇందులో టెక్నికల్ అసిస్టెంట్, సైంటిస్ట్ పోస్టులు ఖాళీలు ఉన్నాయి. ఈ విభాగాల్లో 44 ఖాళీలు ఉన్నాయి. వీటికి అప్లై చేయాలంటే 28 సంవత్సరాల వయస్సు లోపు ఉండాలి. ఈ రెండు కేటగిరీల్లో జాబ్స్ కి దరఖాస్తు చేసేందుకు చివరి తేదీ 07.01.2025, 09.01.2025. మీరు అర్హులైతే వెంటనే అప్లై చేసుకోండి.
భారతీయ రైల్వేల్లోని రైల్ ఇండియా టెక్నికల్ అండ్ ఎకనామిక్ సర్వీసెస్ సంస్థలో 11 ఖాళీలు భర్తీ కానున్నాయి. ప్రత్యక్ష ఇంటర్వ్యూ ద్వారా ఎంపిక జరుగుతుంది. 55 సంవత్సరాల లోపు వారు ప్రయత్నించవచ్చు. ఇంటర్వ్యూ తేదీలు 09.01.2025 మరియు 10.01.2025. పూర్తి వివరాలు తెలియాలంటే ఇండియన్ రైల్వే అఫీషియల్ వెబ్ సైట్ ఓపెన్ చేయండి.
సెంట్రల్ వేర్‌హౌసింగ్ కార్పొరేషన్ లో చాలా కాలంగా 179 ఖాళీలు ఉన్నాయి. వీటిని భర్తీ చేయడానికి నోటిఫికేషన్ విడుదల అయ్యింది. ఈ జాబ్ కి అప్లై చేయాలంటే 30 సంవత్సరాల లోపు వయసు ఉండాలి. దరఖాస్తుకు చివరి తేదీ : 12.01.2025.
ఎన్ఎల్సీ ఇండియాలో 167 ట్రైనింగ్ ఉద్యోగాలను భర్తీ చేయనున్నారు. GATE పరీక్ష స్కోరు ఆధారంగా ఈ ఎంపిక జరుగుతుంది. దీనికి అప్లై చేయాలంటే 30 ఏళ్లు దాటి ఉండకూడదు. ఈ పోస్టుల దరఖాస్తుకు 15.01.2025 చివరి తేదీ.
ఈ ఉద్యోగాల గురించి పూర్తి వివరాల కోసం సంబంధిత వెబ్‌సైట్లలో ప్రకటనలను చూడండి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి