165 కోట్ల నెక్లెస్, 450 కోట్ల ఇల్లు! అంబానీ కూతురా.. మజాకా..

ఇషా అంబానీ ముఖేష్ అంబానీ, నీతా అంబానీల ఏకైక కుమార్తె. ఆమె కూడా తన తండ్రిలాగే పెద్ద వ్యాపారవేత్త. ఇషా అంబానీ   రిలయన్స్ జియో అండ్  రిలయన్స్ రిటైల్‌లో కీలక ఎగ్జిక్యూటివ్. ముంబైలో 2023లో ప్రారంభించిన  అంబానీ కల్చరల్ సెంటర్ని కూడా  ఆమె  నిర్వహిస్తున్నారు. ఇషా అంబానీ  స్కూలింగ్ ముంబైలోని ధీరూభాయ్ అంబానీ ఇంటర్నేషనల్ స్కూల్లో పూర్తి చేసింది. 

 తరువాత  USకి వెళ్లి యేల్ యూనివర్సిటీ నుండి సైకాలజీ అండ్  సౌత్ ఏషియన్ స్టడీస్‌లో పట్టభద్రురాలైంది, ఆ తర్వాత స్టాన్‌ఫోర్డ్ గ్రాడ్యుయేట్ స్కూల్ ఆఫ్ బిజినెస్ నుండి MBA పట్టా పొందాడు.

 ముఖేష్ అంబానీ వ్యాపారంలోకి చేరడానికి ముందు, ఇషా అంబానీ న్యూయార్క్‌లోని మెకిన్సే & కంపెనీలో బిజినెస్ అనలిస్ట్‌గా పనిచేశారు. 23 సంవత్సరాల వయస్సులోనే ఆమె  తన తండ్రితో కలిసి పనిచేయడం ప్రారంభించింది. అక్టోబర్ 2014లో రిలయన్స్ రిటైల్ అండ్ రిలయన్స్ జియో బోర్డులోకి నియమితులయ్యారు. ఇషా అంబానీ ఇప్పుడు రిలయన్స్ రిటైల్ కార్యకలాపాలను పర్యవేక్షిస్తున్నారు. దీని మరింత లాభదాయకమైన కంపెనీగా మార్చే బాధ్యత అమేదే. 

ఇషా అంబానీ నెట్ విలువ రూ. 835 కోట్లు. ఆమె రిలయన్స్ రిటైల్ డైరెక్టర్ అండ్  సంవత్సరానికి 4.5 కోట్లు సంపాదిస్తున్నారు. ఇషా అంబానీ జీతం దాదాపు ఆమె సోదరులు ఆకాష్ అంబానీ, అనంత్ అంబానీలతో సమానంగా ఉంటుంది. ఇషా అంబానీ డిసెంబర్ 2018లో  పిరమల్ గ్రూప్ ఫైనాన్సియల్  సర్వీసెస్ వ్యాపారానికి అధిపతిగా ఉన్న ఆనంద్ పిరమల్‌ను వివాహం చేసుకున్నారు. ఈ దంపతులకు ఇద్దరు కవల పిల్లలు. ఇషా అంబానీ తన భర్త ఆనంద్ పిరమల్‌తో కలిసి ముంబైలోని వర్లీ ప్రాంతంలోని బంగ్లాలో  ఉంటున్నారు.

50,000 చదరపు అడుగుల విస్తీర్ణంలో ఉన్న ఈ భవనం ఆనంద్ తల్లిదండ్రులు అజయ్ పిరమల్, స్వాతి పిరమల్‌లకు పెళ్లి కానుక. నివేదికల ప్రకారం, ఇషా అంబానీ ముంబైలో ఒక ఇంటిని కొనుగోలు చేసినప్పుడు, దాని ధర 452 కోట్లు. ప్రస్తుతం దీని విలువ 1000 కోట్ల రూపాయలు. లండన్‌కు చెందిన ఆర్కిటెక్చర్ సంస్థ ఎకర్స్లీ ఓ'కల్లాఘన్ ఈ ముంబై ఇంటిని డిజైన్ చేసింది.

అంతే కాదు ఇషా అంబానీకి 31 లక్షల విలువైన హెర్మేస్ మినీ కెల్లీ బ్యాగ్ కూడా ఉంది. ఇషా అంబానీ 2023 MET గాలాకు తీసుకెళ్లిన చానెల్ డాల్ బ్యాగ్ ధర రూ.24 లక్షలు. ఇషా అంబానీకి 10 కోట్ల విలువైన మెర్సిడెస్ బెంజ్ ఎస్-క్లాస్ గార్డ్‌తో సహా ఇతర లగ్జరీ కార్లు   ఉన్నాయి. ఇంకా 4 కోట్ల విలువైన బెంట్లీ కారు కూడా ఆమె సొంతం.

ముకేశ్ అంబానీ, నీతా అంబానీ కుమార్తెకి చెందిన అత్యంత ఖరీదైన నెక్లెస్ ధర రూ.165 కోట్లు. నీతా, ముఖేష్ అంబానీ కల్చరల్ సెంటర్ (NMACC) అధికారిక లాంచ్ కోసం ధరించిన ఇషా అంబానీ కస్టమ్ డైమండ్ నెక్లెస్ విలువ 20 మిలియన్ డాలర్లు అంటే రూ. 165 కోట్లు. ముఖ్యంగా, ఆమె తన మెహందీ వేడుకలో దీనిని మొదటిసారి ధరించింది.