ఫ్రీగా ఆధార్ కార్డు అప్డేట్ చేసుకోండి ఇలా - పూర్తి వివరాలు ఇవిగో
Aadhaar Card Free Update: భారతదేశంలో దాదాపు 140 కోట్ల మంది ఆధార్ కార్డులు కలిగి ఉండగా, 100 కోట్ల మంది మాత్రమే వాటిని అప్డేట్ చేసుకున్నారు. ఈ నేపథ్యంలోనే ప్రభుత్వం సెప్టెంబర్ 14 వరకు ఉచితంగానే ఆధార్ కార్డులను అప్డేట్ చేసుకోవచ్చు. పూర్తి వివరాలు మీకోం
చాలా వరకు ప్రభుత్వ ప్రయోజనాలను పొందడం నుండి అనేక ముఖ్యమైన పత్రాలను పొందేందుకు ఆధార్ నంబర్ ప్రాథమిక అవసరంగా మారింది. అందుకే ఆధార్ కార్డు వివరాలు ఎప్పటికప్పుడు అప్ డేట్ చేసుకోవాలని అధికారులు చెబుతున్నారు. ప్రస్తుతం దేశవ్యాప్తంగా 140 కోట్ల 21 లక్షల 68 వేల 849 మంది ఆధార్ కార్డులు పొందారు. ఇందులో 100 కోట్ల 50 లక్షల మంది మాత్రమే తమ ఆధార్ కార్డును అప్డేట్ చేసుకున్నారు.
ఇంకా దాదాపు 40 కోట్ల మంది ఆధార్ కార్డును అప్ డేట్ చేసుకోలేదు. అందుకే ఆధార్ గుర్తింపు కార్డును అప్డేట్ చేయాలని కేంద్ర ప్రభుత్వం ప్రజలకు సూచించింది. దీని కోసం ఉచితంగానే అప్ డేట్ సేవలను ప్రకటించింది. ఇప్పుడు సెప్టెంబర్ 14 వరకు అధార్ వివరాలను ఫ్రీగా అప్ డేట్ చేసుకోవచ్చు. దీంతో ఆధార్ కేంద్రాల వద్ద, ఆన్లైన్లో ఆధార్ను అప్డేట్ చేసేందుకు పెద్ద సంఖ్యలో ప్రజలు క్యూలో ఉన్నారు. మరో రెండు రోజులు మాత్రమే ఉండడంతో జనం భారీగానే ఆధార్ సెంటర్ల వద్ద కనిపిస్తున్నారు.