ఇండియన్ రైల్వేస్ విద్యార్థుల ప్రయాణ ఖర్చులను తగ్గించేందుకు బంపర్ ఆఫర్లు ఇస్తోంది. కానీ ఈ విషయం ఎంతో మంది విద్యార్థులకు తెలియదు. ఈ ఆఫర్ ప్రకారం అర్హులైన విద్యార్థులు తమ ఇల్లు, చదివే కాలేజీ, స్కూలు మధ్య ఉచితంగా ప్రయాణించేందుకు సెకండ్ క్లాస్ మంత్లీ సీజన్ టిక్కెట్ను పొందవచ్చు. రైల్వే అధికారిక రాయితీల జాబితాలో గ్రాడ్యుయేషన్ వరకు చదివే బాలికలకు, 12వ తరగతి వరకు చదివే బాలురకు ఈ ఉచిత ప్రయాణ సదుపాయాన్ని అందిస్తోంది. ఇందుకోసం ముందుగానే ఉచిత మంత్లీ పాస్ తీసుకోవాలి.
ఉచిత మంత్లీ పాస్ కొన్ని షరతులకు లోబడి ఇస్తారు. విద్యార్థుల ఇల్లు, పాఠశాల మధ్య గరిష్టంగా 150 కి.మీ. దూరం వరకు ప్రయాణించవచ్చు. ఈ సదుపాయం సెకండ్ క్లాస్లో మాత్రమే వర్తిస్తుంది. అలాగే, ఈ ఉచిత పాస్ మెయిల్, ఎక్స్ప్రెస్, సూపర్ ఫాస్ట్ రైళ్లలో ప్రయాణించడానికి అనుమతించదు. ప్రతి నెలా ఈ పాస్ ను కొత్తగా తీసుకోవాలి. కాబట్టి, ప్రయాణించే రైలు, స్టేషన్లకు అనుగుణంగా నిబంధనలను తనిఖీ చేయాలి.