ప్రభుత్వ రంగ పెట్రోలియం మార్కెటింగ్ కంపెనీ ఇండియన్ ఆయిల్ (indian oil) కార్పొరేషన్ జనవరి 1 నుండి అంటే నేడు వాణిజ్య ఎల్పిజి సిలిండర్ల (lpg cylinder)ధరను రూ.100 తగ్గించి ప్రజలకు న్యూ ఇయర్(newyear) గిఫ్ట్ అందించింది. మరోవైపు డొమెస్టిక్ ఎల్‌పీజీ సిలిండర్ల ధరలో ఎలాంటి మార్పు చేయలేదు. అయితే 14.2 కిలోలు, 5 కిలోలు, 10 కిలోల కాంపోజిట్ లేదా 5 కిలోల కాంపోజిట్ సిలిండర్ల ధరల్లో ఎలాంటి తగ్గింపు లేదు.
గత ఏడాది డిసెంబర్‌లో రూ.100 పెంచగా
గతేడాది చివరి నెలలో ఇండియన్ ఆయిల్ కంపెనీ కమర్షియల్ ఎల్‌పీజీ సిలిండర్ ధరను సవరించింది. దీంతో డిసెంబర్‌లో 19 కిలోల కమర్షియల్ ఎల్పిజి సిలిండర్ ధర రూ.100 అధికంగా మారింది. అయితే అప్పట్లో డొమెస్టిక్ ఎల్‌పీజీ సిలిండర్ ధరలో ఎలాంటి పెంపుదల లేకపోవడంతో ఈసారి కూడా ధరను అలాగే ఉంచడం సామాన్యులకు ఊరటనిచ్చే అంశం. వాణిజ్య సిలిండర్ల ధర తగ్గింపు రెస్టారెంట్లు, హోటళ్లు, తినుబండారాలు, టీ స్టాల్స్‌ నడుపుతున్న వ్యాపారులకు ఎంతో ఊరటనిస్తుంది.
ఇండియన్ ఆయిల్ కార్పొరేషన్ వాణిజ్య సిలిండర్ ధరలను తగ్గింపుతో వ్యాపారులకు ఉపశమనం లభిస్తుంది. అలాగే దేశంలోని పెద్ద నగరాలను పరిశీలిస్తే, వాణిజ్య సిలిండర్ ధర రూ.100 తగ్గిన తర్వాత ఢిల్లీలో 19 కిలోల కమర్షియల్ ఎల్పిజి సిలిండర్ ధర రూ. 2001గా ఉంది.
కమర్షియల్ ఎల్పిజి సిలిండర్ ధర కోల్‌కతాలో రూ. 2077కి అందుబాటులో ఉండగా ముంబైలో 19 కిలోల వాణిజ్య ఎల్పిజి సిలిండర్ ధర రూ.1951కు పెరిగింది. గత ఏడాది నవంబర్ 1న 19 కిలోల కమర్షియల్ సిలిండర్ ధర రూ. 266 పెరిగి రూ. 2,000.50కి చేరింది. గతేడాది అక్టోబర్‌ 1న 19 కిలోల కమర్షియల్ సిలిండర్ ధర రూ.43 పెంచగా, అంతకుముందు సెప్టెంబర్ 1న ధర రూ.75 పెరిగింది.