రూ.10 నాణేలు చెల్లుతాయా లేదా అనే సందేహం చాలా మందిలో ఉంటుంది. ఈ నాణేలు చెల్లవు అని స్పెషల్ గా ప్రకటించలేదు. కానీ, అవి చెల్లడం లేదు అనే భ్రమ ప్రజల్లో పెరిగిపోయింది. వాటిని వాడటం మానేశారు. ఈ క్రమంలో వీటి విషయంలో ఆర్బీఐ క్లారిటీ ఇవ్వడం విశేషం.
రూ.10 నాణెం విషయంలో చాలా అపోహలు ఉన్నాయి. ఈ నాణెలు ఈ మధ్య కాలంలో మార్కెట్లో కనిపించడం లేదు. ఎందుకంటే.. ఇవి చెల్లడం లేదు అనే భావన చాలా మందికి ఉంది. చాలా మంది ఈ నాణెంను తీసుకోవడానికి ఇష్టం చూపించడం లేదు. ఈ నాణేలను తీసుకోకపోవడం నేరం అని అధికారులు చెప్పినా కూడా.. ఇంకా చాలా మంది వినిపించుకోవడం లేదు.
ఇండియన్ బ్యాంక్ ఇటీవల ఒక ముఖ్యమైన ప్రకటన చేసింది. ₹10 నాణేలు ఇచ్చినా తీసుకోవడానికి సంకోచించేవారు చాలా మంది. నాణెం చెల్లదనే ప్రచారం జరుగుతోంది. ఈ నాణెం చెల్లదని రిజర్వ్ బ్యాంక్ ఇప్పటివరకు అధికారికంగా ప్రకటించలేదు. కానీ ప్రజల్లో అపోహ ఉంది.
₹10 నాణేలను తీసుకోకపోవడం నేరంగా పరిగణించబడుతుందని రిజర్వ్ బ్యాంక్ ఇప్పటికే ప్రకటించింది. ఇటీవల, ఇండియన్ బ్యాంక్ ₹10 నాణేల గురించి అవగాహన కార్యక్రమం చేపట్టింది. ఈ నాణేలు చట్టబద్ధమైనవని, రోజువారీ లావాదేవీలకు ఉపయోగించవచ్చని తెలిపింది.
వ్యాపార లావాదేవీలకు ఈ నాణేలను ఉపయోగించాలని రిజర్వ్ బ్యాంక్ ఆదేశించింది. అయినప్పటికీ, చాలా మంది ఇంకా ₹10 నాణేలను తీసుకోవడానికి నిరాకరిస్తున్నారు. ముఖ్యంగా గ్రామీణ ప్రాంతాల్లో వీటి గురించి సరైన అవగాహన లేదు. కాబట్టి, ఈ నాణేలు చెల్లవనే అనుమానంతో తీసుకోవడం లేదు.
దీనివల్ల మార్కెట్లో ఈ నాణేల చలామణి బాగా తగ్గింది. అలాగే మార్కెట్లో ₹10 నోట్లకు కూడా కొరత ఏర్పడినట్లు తెలుస్తోంది. నోట్ల కొరత స్పష్టంగా కనిపిస్తోంది. ఈ నేపథ్యంలో, నాణేల గురించి అవగాహన పెరుగుతోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి