Budget Car : స్టైలిష్ లుక్, ఆధునిక ఫీచర్లతో సూపర్ కారు.. కేవలం రూ.5 లక్షల్లోపే వచ్చేస్తుంది
5 లక్షల రూపాయల బడ్జెట్లో కొత్త కారు కొనాలనుకునే వాళ్లకు ఇది గుడ్ న్యూస్. రెనాల్ట్ కంపెనీ తన పాపులర్ క్విడ్ మోడల్ను సరికొత్త లుక్, అదిరిపోయే ఫీచర్లతో తీసుకురాబోతోంది. ఈ కారు ఫీచర్లు, ధర వివరాలు చూసేయండి.
పేద, మధ్యతరగతి ప్రజలకు కూడా కారులో తిరగాలని, కుటుంబాన్ని తిప్పాలనే కోరిక ఉంటుంది. కానీ ప్రస్తుతం మార్కెట్లో కార్ల ధరలను చూసి వాళ్లు వెనకడుగు వేస్తుంటారు. ఎందుకంటే చాలావరకు కార్ల ధరలు అధికంగానే ఉంటాయి. టాటా ఆల్టొ కె10, సెలెరియో వంటి కొన్నికార్లు మాత్రమే సామాన్యుల బడ్జెట్ లో లభిస్తాయి.
అయితే తక్కువ ధరలో మంచి కారు కొనాలనుకునేవారి కోసం రెనాల్ట్ సరికొత్త రూపంలో మార్కెట్లోకి వచ్చింది. కేవలం రూ.5 లక్షల లోపు ధరలో పాపులర్ క్విడ్ మోడల్ను సరికొత్తగా మార్కెట్లోకి తీసుకురాబోతోంది. జూలై 3, 2026న లాంచ్ కానున్న ఈ కారుపై మార్కెట్లో భారీ అంచనాలున్నాయి.
కొత్త రెనాల్ట్ క్విడ్ ఫేస్లిఫ్ట్ డిజైన్లో కంపెనీ చాలా మార్పులు చేసింది. కొత్త గ్రిల్, ముందు, వెనుక బంపర్లను మార్చారు. Y-ఆకారంలో ఉండే ఎల్ఈడీ డీఆర్ఎల్ హెడ్ల్యాంప్స్ ఈ కారుకు ప్రీమియం లుక్ ఇస్తున్నాయి. ఎస్యూవీ లాంటి డిజైన్తో సిటీ రోడ్లపై కూడా ఈజీగా డ్రైవ్ చేయొచ్చు.