Royal Enfield:హంటర్ 350 ఫోటోలు లీక్.. బుల్లెట్ కంటే చౌకగా.. త్వరలోనే లాంచ్..

పర్ఫర్మేన్స్  బైక్‌లను తయారు చేసే చెన్నైకి చెందిన వాహన తయారీ సంస్థ రాయల్ ఎన్‌ఫీల్డ్ కొత్త బుల్లెట్, కొత్త హిమాలయన్ 450 అండ్  650cc బైక్‌లతో సహా కొత్త రేంజ్ బైక్స్ పై పని చేస్తోంది. రాయల్ ఎన్‌ఫీల్డ్ ఈ బైక్‌లను విడుదల చేయడానికి ముందే ఎంతో ఆసక్తిగా ఎదురుచూస్తున్న హంటర్ 350ని విడుదల చేస్తుంది. రాయల్ ఎన్‌ఫీల్డ్ హంటర్ 350  టెస్టింగ్ సమయంలో చాలా సార్లు గుర్తించబడింది. ఈసారి బైక్ కు సంబంధించిన స్పష్టమైన ఫోటోలు, స్పెసిఫికేషన్‌లు, లాంచ్ వివరాలు ఇంటర్నెట్‌లో లీక్ అయ్యాయి.  

హంటర్ 350 లాంచ్ ఎప్పుడంటే 
కొత్త హంటర్ 350 జూన్ 2022లో లాంచ్ అవుతుందని ఊహాగానాలు వస్తున్నాయి. అయితే ఈ బైక్ సేల్ ఈ ఏడాది జూలై నెలలో మొదలవుతుందని ఒక కొత్త మీడియా నివేదిక పేర్కొంది. అయితే బుకింగ్‌లు జూలై మొదట్లో ప్రారంభమయ్యే అవకాశం ఉంది.  కొత్త హంటర్ 350 డెలివరీలు ఆగస్టు 2022 నాటికి ప్రారంభమవుతాయి.

హంటర్ 350 ఇండియన్ మార్కెట్లో అత్యంత చౌకైన రాయల్ ఎన్‌ఫీల్డ్ బైక్ అని కంపెనీ చౌకైన బైక్ రిపోర్ట్ పేర్కొంది. కొత్త బైక్ వచ్చే ఏడాది విడుదల కానున్న నెక్స్ట్ జనరేషన్ బుల్లెట్ 350 కంటే కింద ఉంటుంది. దీని ఎక్స్-షోరూమ్ ధర దాదాపు రూ.1.30 లక్షల నుంచి రూ.1.40 లక్షలుగా ఉంటుందని అంచనా.

లుక్ అండ్ డిజైన్ 
కొత్త RE హంటర్ 350కి J1C1 అనే సంకేతనామం ఉంది. ఈ బైక్ రాయల్ ఎన్‌ఫీల్డ్ పెడిగ్రీతో కూడిన ట్రయంఫ్ స్ట్రీట్ ట్విన్ నుండి డిజైన్ స్ఫూర్తితో కూడిన ఆధునిక రెట్రో రోడ్‌స్టర్. బైక్ లో పొడవైన, సింగిల్-పీస్ సీటు, టియర్‌డ్రాప్-ఆకారపు ఫ్యూయెల్ ట్యాంక్, గుండ్రని ఆకారపు హెడ్‌ల్యాంప్‌లు, టెయిల్-ల్యాంప్‌లు, టర్న్ సిగ్నల్‌లు, మిర్రర్స్ ఉన్నాయి. బైక్  సీటు ఎత్తు తక్కువగా ఉంటుంది, ఇంకా తక్కువ ఎత్తు ఉన్న రైడర్‌లకు మరింత సౌకర్యంగా ఉంటుంది. ఈ బైక్ క్లాసిక్ అండ్ మీటోర్ 350 కంటే తేలికగా ఉంటుంది, దీని బరువు 190-195 కిలోలు.

ఇంజిన్ అండ్ పవర్ 
కొత్త హంటర్ 350 రాయల్ ఎన్‌ఫీల్డ్  J-ప్లాట్‌ఫారమ్‌పై ఆధారపడుతుంది. దీనిని క్లాసిక్ 350 అండ్ మీటోర్ 350లో కూడా ఉపయోగించారు. ఈ బైక్ సరికొత్త RE 350cc బైక్‌తో ఫ్రేమ్, సైకిల్ భాగాలు అండ్ ఇంజిన్‌ తో వస్తుంది. క్లాసిక్ 350లో ఇచ్చిన అదే 3499cc, సింగిల్ సిలిండర్ ఇంజన్‌ని పొందుతుంది. ఈ ఇంజన్ 20.2bhp పవర్ అండ్ 27Nm టార్క్ ఉత్పత్తి చేస్తుంది. ఇంకా దీనికి 5-స్పీడ్ గేర్‌బాక్స్ ఇచ్చారు.

ధర పరంగా, కొత్త హంటర్ 350 బైక్ యమహా ఎఫ్‌జెడ్25, బజాజ్ పల్సర్ 250, సుజుకి జిక్సర్ వంటి బైక్‌లతో పోటీపడుతుంది. హంటర్ బైక్‌లు 125 నుండి 150cc బైక్స్ కి అప్‌గ్రేడ్ చేయాలని చూస్తున్న కొనుగోలుదారులను ఆకర్షించే లక్ష్యంతో ఉన్నాయి. అంతేకాకుండా, బైక్ బడ్జెట్ రెట్రో-రేంజ్ బైక్ కోసం వెతుకుతున్న కొత్త కొనుగోలుదారులను కూడా లక్ష్యంగా చేసుకుంది.