మారుతి సుజుకి స్విఫ్ట్ స్పోర్ట్ హైబ్రిడ్ ఎడిషన్.. దీని టాప్ స్పీడ్, ధర, ఫీచర్స్ మీకోసం..
First Published Feb 17, 2021, 6:17 PM ISTదేశంలో అతిపెద్ద ఆటోమొబైల్ తయారీ సంస్థ మారుతి సుజుకి కార్లు ఎంతో ప్రాచుర్యం పొందాయి. కంపెనీ హ్యాచ్‌బ్యాక్ కారు మారుతి సుజుకి స్విఫ్ట్ 2020 లో భారతదేశంలో అత్యధికంగా అమ్ముడైన కారు. కోవిడ్ -19 ప్రభావం ఉన్నప్పటికీ మారుతి సుజుకి 2020 క్యాలెండర్ సంవత్సరంలో 1,60,700 కి పైగా స్విఫ్ట్ కార్లను విక్రయించింది. మారుతి సుజుకి స్విఫ్ట్ భారతదేశంలో లాంచ్ చేసి 15 సంవత్సరాలు కావొస్తుంది. ఈ కాలంలో కంపెనీ మొత్తం 2.3 మిలియన్ యూనిట్లను విక్రయించింది. ఈ మారుతి సుజుకి స్విఫ్ట్ కార్ కొన్నేళ్లుగా కస్టమర్ కి బెస్ట్ ఎంపికగా ఉంది. జపాన్ ఆటో తయారీ సంస్థ సుజుకి స్విఫ్ట్ కారు ప్రపంచవ్యాప్తంగా అమ్ముడవుతోంది. ఈ హ్యాచ్‌బ్యాక్ కారు ప్రతి మార్కెట్‌లో విజయవంతమైంది. తాజాగా సుజుకి కొత్త స్విఫ్ట్ స్పోర్ట్ హైబ్రిడ్ స్పెషల్ ఎడిషన్‌ను ప్రవేశపెట్టింది. ఈ లిమిటెడ్ ఎడిషన్ మోడల్‌లో కేవలం 7 యూనిట్లను మాత్రమే కంపెనీ విక్రయిస్తుంది.