Best 7 Seater EV : ఫుల్ ఛార్జ్ చేస్తే 679 కి.మీ నాన్ స్టాప్ జర్నీ.. బెస్ట్ 7-సీటర్ ఎలక్ట్రిక్ కార్లు ఇవే

ఒక్కసారి ఛార్జ్ చేస్తే 679 కి.మీ ప్రయాణం, పనోరమిక్ సన్‌రూఫ్, అదిరిపోయే ఫీచర్లు.. 2026 నాటికి భారతీయ కుటుంబాలను ఆకట్టుకుంటున్న బెస్ట్ 7-సీటర్ ఎలక్ట్రిక్ కార్లు ఏవో తెలుసా?  

టాప్ రేంజ్ 7-సీటర్ ఈవి కార్లు

భారత్‌లో ఎలక్ట్రిక్ వాహనాలకు డిమాండ్ పెరుగుతోంది. పెద్ద కుటుంబాలకు సరిపోయే 7-సీటర్ EV కార్లు కూడా ఎక్కువగా అమ్ముడవుతున్నాయి. ఎక్కువ రేంజ్, ప్రీమియం ఫీచర్లు, తక్కువ నిర్వహణ ఖర్చు, పర్యావరణహిత టెక్నాలజీతో 2026 నాటికి కొత్తకొత్త మోడళ్లు మార్కెట్‌ లోకి వస్తున్నాయి. ఇలా సింగిల్ ఛార్జ్‌పై 679 కి.మీ. రేంజ్, పనోరమిక్ సన్‌రూఫ్, ADAS, ఆధునిక ఇన్ఫోటైన్‌మెంట్ సిస్టమ్స్ వంటి ఫీచర్లతో అందుబాటులో ఉన్న బెస్ట్ 7-సీటర్ EV కార్ల వివరాలు ఇక్కడ చూద్దాం.

Kia Carens Clavis EV ( కియా కారెన్స్ క్లావిస్ EV)

పెద్ద కుటుంబాల కోసం డిజైన్ చేసిన కార్లలో కియా కారెన్స్ క్లావిస్ EV ముందువరుసలో ఉంటుంది. భారత మార్కెట్లో ఎంతో ఆసక్తిగా ఎదురుచూస్తున్న 7-సీటర్ ఎలక్ట్రిక్ కారు ఇది.

ప్రధాన ఫీచర్లు : 7 సీట్ల కెపాసిటీ, పనోరమిక్ సన్‌రూఫ్, ADAS లెవల్-2 సేఫ్టీ ,360-డిగ్రీ కెమెరా, డిజిటల్ ఇన్స్ట్రుమెంట్ క్లస్టర్ 

రేంజ్ : సుమారు 490 కి.మీ. 

ధర : రూ. 18 లక్షల నుంచి ప్రారంభం (ఎక్స్-షోరూమ్).

 సిటీ ప్రయాణాలకు, లాంగ్ ఫ్యామిలీ ట్రిప్పులకు ఇది బెస్ట్ ఆప్షన్.

Mahindra XEV 9S (మహింద్రా XEV 9S)

మహీంద్రా కొత్త తరం ఎలక్ట్రిక్ SUV లలో XEV 9S చాలా ప్రత్యేకం. ఇది లేటెస్ట్ టెక్నాలజీతో నిండిపోయింది. 

ప్రధాన ఫీచర్లు : పెద్ద పనోరమిక్ గ్లాస్ రూఫ్, ట్రిపుల్ స్క్రీన్ డాష్‌బోర్డ్, AI ఆధారిత కనెక్టివిటీ, ADAS సేఫ్టీ 

రేంజ్ : 650 నుంచి 679 కి.మీ. వరకు ఉంటుంది. 

ధర : రూ. 22 లక్షలు ఉంటుంది. 

ఈ లిస్టులో అత్యధిక రేంజ్ ఇచ్చే మోడళ్లలో ఇది ఒకటి.

VinFast VF MPV 7 (విన్‌ఫాస్ట్ విఎఫ్ ఎంపివి 7)

వియత్నాంకు చెందిన విన్‌ఫాస్ట్ కంపెనీ భారత మార్కెట్ కోసం ఈ 7-సీటర్ MPV EVని పరిచయం చేయనుంది. 

ప్రధాన ఫీచర్లు : విశాలమైన క్యాబిన్, పెద్ద కుటుంబాలకు సరిపోయే మూడు వరుసల సీట్లు, పెద్ద టచ్‌స్క్రీన్, స్మార్ట్ కనెక్టివిటీ 

రేంజ్ : సుమారు 450–500 కి.మీ. 

అంచనా ధర : రూ. 20 లక్షల నుంచి ఉండే అవకాశాలున్నాయి. 

ఇది కొత్త బ్రాండ్ అయినప్పటికీ ఇండియన్ EV మార్కెట్లో విన్‌ఫాస్ట్‌పై భారీ అంచనాలున్నాయి.

BYD eMax 7

చైనా EV కంపెనీ BYD నుంచి వచ్చిన ఇమ్యాక్స్ 7 ప్రస్తుతం ఇండియాలో అందుబాటులో ఉన్న పాపులర్ 7-సీటర్ ఎలక్ట్రిక్ MPVలలో ఒకటి. 

ప్రధాన ఫీచర్లు : బ్లేడ్ బ్యాటరీ టెక్నాలజీ, పనోరమిక్ సన్‌రూఫ్, వెంటిలేటెడ్ సీట్లు, ADAS సేఫ్టీ 

రేంజ్ : 530 కి.మీ. వరకు 

ధర : రూ. 26.90 లక్షల నుంచి ఉంటుంది. 

ఎక్కువ స్పేస్, బెస్ట్ బ్యాటరీ టెక్నాలజీ దీని బలాలు.

Mercedes-Benz EQB (మెర్సిడెజ్ బెంజ్ EQB)

ప్రీమియం సెగ్మెంట్‌లో 7-సీటర్ EV కొనాలనుకునే వారికి మెర్సిడెజ్ బెంజ్ EQB ఒక అద్భుతమైన ఆప్షన్.

ప్రధాన ఫీచర్లు : లగ్జరీ ఇంటీరియర్, MBUX ఇన్ఫోటైన్‌మెంట్ సిస్టమ్, అడ్వాన్స్‌డ్ సేఫ్టీ ఫీచర్లు, పనోరమిక్ సన్‌రూఫ్ 

రేంజ్ : సుమారు 535 కి.మీ. 

ధర : రూ. 72 లక్షల నుంచి ఉంటుంది.  

ప్రీమియం అనుభూతి, బ్రాండ్ వాల్యూ కోరుకునే వారికి ఇది సరైన ఎంపిక. 

2026 నాటికి భారత EV మార్కెట్ కొత్త శిఖరాలకు చేరింది. ముఖ్యంగా పెద్ద కుటుంబాల కోసం రూపొందించిన 7-సీటర్ ఎలక్ట్రిక్ కార్లు, ఎక్కువ రేంజ్, ప్రీమియం ఫీచర్లు, తక్కువ మెయింటెనెన్స్‌తో కస్టమర్లను ఆకర్షిస్తున్నాయి. 679 కి.మీ. రేంజ్ ఇచ్చే మహీంద్రా XEV 9S నుంచి, బడ్జెట్ ధరలోని కియా కారెన్స్ క్లావిస్ EV వరకు.. ఇప్పుడు వివిధ బడ్జెట్లలో కార్లు అందుబాటులో ఉన్నాయి. కుటుంబంతో కలిసి టూర్లకు వెళ్లాలనుకునే వారికి ఇవి భవిష్యత్ ప్రయాణాలకు బెస్ట్ ఆప్షన్స్‌గా మారాయి.