Royal Enfield:ఇండియన్ క్రికెటర్ సూపర్ పవర్ ఫుల్ బైక్.. లక్షల్లో ధర.. ఫీచర్లు, స్పీడ్ చూస్తే వావ్ అనాల్సిందే

రాయల్ ఎన్‌ఫీల్డ్ ఇండియాలో చాలా ప్రజాదరణ పొందిన బైక్ బ్రాండ్. అయితే ఇండియన్ క్రికెటర్ మహ్మద్ షమీ  తాజాగా ఒక కొత్త  రాయల్ ఎన్‌ఫీల్డ్ బైక్‌ను కొన్నాడు. ఈ రాయల్ ఎన్‌ఫీల్డ్ కాంటినెంటల్ జిటి 650 ఎక్స్-షోరూమ్‌ ధర రూ. 3.31 లక్షలు. భారత ఫాస్ట్ బౌలర్ బైక్  టాప్ వేరియంట్‌ క్రోమ్ ఫినిష్డ్ ఫ్యూయల్ ట్యాంక్‌ బైక్ వెర్షన్‌ను కొనుగోలు చేశాడు. ఈ రేసర్ బైక్ 2018 సంవత్సరంలో ఇండియాలో లాంచ్ అయ్యింది.  

ఈ విషయాన్ని మహ్మద్ షమీ తన ఇన్‌స్టాగ్రామ్ ద్వారా తెలిపాడు. రాయల్ ఎన్ఫీల్డ్  ఫ్లాగ్‌షిప్ మోడల్ ప్రస్తుతం GT 650. GT 650 కంటే ముందు GT 535 రాయల్ ఎన్‌ఫీల్డ్  ఫ్లాగ్‌షిప్ బైక్. GT 535 ఇప్పుడు అందుబాటులో లేదు. రాయల్ ఎన్‌ఫీల్డ్ మరో కొత్త బైక్ అభివృద్ధి చేస్తోంది, ఈ బైక్ కంపెనీ  కొత్త ఫ్లాగ్‌షిప్ మోడల్ కావచ్చు.

లుక్ అండ్ డిజైన్
మహ్మద్ షమీ కొత్త బైక్ లుక్ గురించి మాట్లాడితే   ఈ బైక్ కేఫ్ రేసర్ పర్సోనాను క్లాసిక్ లుక్‌తో దృఢంగా ప్రదర్శిస్తుంది. బైక్‌లో వృత్తాకార హాలోజన్ హెడ్‌ల్యాంప్‌లు, క్లిప్-ఆన్ హ్యాండిల్‌బార్లు, 12.5-లీటర్ పెట్రోల్ ట్యాంక్, సింగిల్-సీట్ రేసింగ్ కౌల్ అండ్ మెరిసే క్రోమ్ బాడీకి భిన్నంగా ఉండే బ్లాక్ అల్లాయ్ వీల్స్ ఉన్నాయి. 

లగ్జరీ అక్సెసోరిస్ 
రాయల్ ఎన్ఫీల్డ్ కాంటినెంటల్ GT 650 కోసం అనేక రకాల అక్సెసోరిస్ అందిస్తుంది.  టూరింగ్ సీట్లు, రేసింగ్ సింగిల్-సీట్ కౌల్స్, ఫ్లై స్క్రీన్‌లు, ఆయిల్ ఫిల్టర్ క్యాప్స్, బార్-ఎండ్ ఫినిషర్స్, హీల్ గార్డ్‌లు, స్వింగ్‌ఆర్మ్ బాబిన్స్, ఇన్‌టేక్ కవర్లు, బార్-ఎండ్ మిర్రర్స్, టూరింగ్ మిర్రర్‌లను పొందుతుంది. మహ్మద్ షమీ  కాంటినెంటల్ GT 650 సాఫ్ట్ పన్నీర్ రెయిల్స్, వాటర్ రెసిస్టెంట్ కవర్, సాఫ్ట్ బ్లాక్ ప్యానియర్‌లను కూడా పొందుతుంది. 

ఇంజిన్ పవర్
రాయల్ ఎన్ఫీల్డ్ కాంటినెంటల్ GT 650 648 cc, పారలెల్-ట్విన్ ఎయిర్-కూల్డ్ ఇంజిన్‌తో శక్తిని పొందింది. ఈ ఇంజన్ గరిష్టంగా 47 హెచ్‌పి పవర్, 52 ఎన్ఎమ్ గరిష్ట టార్క్‌ను ఉత్పత్తి చేస్తుంది. స్లిప్ అండ్ అసిస్ట్ క్లచ్‌తో కూడిన 6-స్పీడ్ గేర్‌బాక్స్‌ని ఉపయోగించి శక్తిని విల్స్ కి బదిలీ చేయబడుతుంది. 

కలర్ ఆప్షన్
మహ్మద్ షమీ క్రోమ్ ఫినిష్డ్ ఆప్షన్‌ని కొనుగోలు చేశారు. అంతే కాకుండా కాంటినెంటల్ GT 650 బ్రిటిష్ రేసింగ్ గ్రీన్, DUX డీలక్స్  అండ్ వెంచురా స్ట్రోమ్, రాకర్ రెడ్ వంటి  కలర్ ఆప్షన్స్ లో కూడా అందుబాటులో ఉంది.