భారతదేశంలో ఎలక్ట్రిక్ వాహనల అమ్మకాలు పెరుగుతున్నందున వీటి ధర, డ్రైవింగ్ పరిధి లేదా మౌలిక సదుపాయాల గురించి కొన్ని ఆందోళనలు ఉన్నాయి. అయితే క్లీన్ ఎనర్జీ ఎలక్ట్రిక్ వాహనాలు(electric vehicles) శబ్దం లేనివి. అందుకని తరచూ రోడ్డుపై ఉన్న ఇతర వాహనాలకు భద్రతా (vehicles safety)సమస్యలను సృష్టిస్తున్నాయి.
అలాగే ఇతర దేశాలలో కూడా ఈ ఆందోళన మొదలవుతుంది. భారతదేశంలో ఎలక్ట్రిక్ వాహనాలు పెద్ద ఎత్తున పెరుగుతున్నాయి, కాబట్టి భారతదేశం కూడా ఈ సమస్యను తిరస్కరించలేదు.
ప్రభుత్వం ఎలాంటి చర్యలు తీసుకోవచ్చు
నివేదిక ప్రకారం, ఎలక్ట్రిక్ వాహనాలకు సంబంధించిన ఈ ఆందోళనపై కేంద్ర ప్రభుత్వం దృష్టి పెట్టవలసి వచ్చింది. ఎలక్ట్రిక్ కార్లను రోడ్డుపై ఇతరులకు సురక్షితంగా మార్చేందుకు కృత్రిమ ధ్వనిని(artificial sound)జోడించడాన్ని ప్రభుత్వం పరిశీలిస్తోంది. అయితే రోడ్డుపై వెళ్లే పాదచారులకు ఎలక్ట్రిక్ వాహనం వస్తున్న శబ్ధం వినిపించేలా చేస్తున్నట్టు విశ్వసనీయ వర్గాల సమాచారం.
కృత్రిమ ధ్వని
దీనికి సంబంధించి మార్గాలను అన్వేషించాలని భారీ పరిశ్రమల మంత్రిత్వ శాఖ సంబంధిత శాఖలను ఆదేశించినట్లు సంబంధిత వర్గాలు చెబుతున్నాయి. ఈ చర్య ఆమోదించబడితే ఎలక్ట్రిక్ వాహనాలలో కృత్రిమ శబ్దం ప్రభావాలు శబ్ద కాలుష్య స్థాయిలను ఎంతవరకు ప్రభావితం చేస్తాయో అంచనా వేయబడుతుంది. ఆమోదం పొందిన తర్వాత ఎలక్ట్రిక్ వాహనాలను రోడ్లపై సురక్షితంగా చేయడానికి కేంద్రం ఈ విధానాన్ని అనుసరించవచ్చు. కొత్త నిబంధనల ప్రకారం ఎలక్ట్రిక్ వాహనాల తయారీదారులు ధ్వనిని ఉత్పత్తి చేసే యంత్రాలను అమర్చడాన్ని తప్పనిసరి చేసే అవకాశం ఉంది.
ఏ‌వి‌ఏ‌ఎస్ (AVAS)
సౌండ్ మెషీన్‌ల వినియోగాన్ని ఎకౌస్టిక్ వెహికల్ అలర్ట్ సిస్టమ్స్ (AVAS)అని పిలుస్తారు. ICE వాహనాలు వెనక్కి వెళ్తున్నప్పుడు అలాగే వెనుక ఉన్న పాదచారులను ప్రత్యేక సౌండ్‌తో అలర్ట్ చేసేందుకు కూడా ఏ‌వి‌ఏ‌ఎస్ సిస్టం ఉపయోగపడుతుంది.
చాలా దేశాల్లో చట్టం
ఇతర దేశాల కంటే ఎలక్ట్రిక్ వాహనాలను ఎక్కువగా స్వీకరించిన దేశాల్లో ఈ ప్రక్రియ ఇప్పటికే ఉపయోగించబడుతోంది. తయారీదారులు తమ వాహనాలకు కృత్రిమ ధ్వనిని జోడించాలని చాలా దేశాల్లో చట్టాలు ఉన్నాయి. తద్వారా ప్రజలు ఎలక్ట్రిక్ వాహనం రోడ్డుపై ఉన్నప్పుడు గుర్తించడానికి అదనపు మార్గాలను కనుగొంటారు.
వాల్యూమ్ సెట్టింగ్
యూ‌ఎస్ లేదా యూ‌కే వంటి దేశాలలో ఎలక్ట్రిక్ వాహనాలు ఎంత శబ్దాన్ని ఉత్పత్తి చేయాలో ప్రభుత్వాలు ఇప్పటికే ప్రమాణాలను నిర్దేశించాయి. కృత్రిమమైన శబ్దంతో పాటు, ఎలక్ట్రిక్ వాహనాలు సాంప్రదాయ ICE (ఇంటర్నల్ కంబషన్ ఇంజిన్) వాహనాల కంటే ఎక్కువ నిశ్శబ్దంగా పనిచేస్తాయని భావిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి