కొత్త హ్యుందాయ్ వెన్యూ ఫేస్లిఫ్ట్ బుకింగ్స్ ఓపెన్.. ఆకట్టుకునే అప్ డేట్ ఫీచర్లుతో వచ్చేస్తుంది..
తాజాగా టీజర్ ఫోటోలను లాంచ్ చేసిన తర్వాత హ్యుందాయ్ మోటార్ ఇండియా చాలా కాలంగా ఎదురుచూస్తున్న వెన్యూ సబ్-కాంపాక్ట్ SUV ఫేస్లిఫ్ట్ వెర్షన్ అఫిషియల్ ఫోటోలను విడుదల చేసింది. అప్ డెటెడ్ 2022 హ్యుందాయ్ వెన్యూ ఫేస్లిఫ్ట్ జూన్ 16న ఇండియాలో లాంచ్ కానుంది. 2022 హ్యుందాయ్ వెన్యూ ఫేస్లిఫ్ట్ కోసం శుక్రవారం నుండి బుకింగ్లను ప్రారంభించనున్నట్లు వాహన తయారీ సంస్థ ప్రకటించింది.
అయితే, కొత్త 2022 హ్యుందాయ్ వెన్యూ ఫేస్లిఫ్ట్ కోసం ఆన్ అఫిషియల్ బుకింగ్లు ఇప్పటికే సెలెక్ట్ చేసిన డీలర్షిప్లలో ప్రారంభమయ్యాయి. సబ్-కాంపాక్ట్ SUV కొన్ని కాస్మెటిక్ మార్పులు అండ్ ఫీచర్ అప్గ్రేడ్లతో వస్తుంది, అయితే ఇంజిన్-గేర్బాక్స్ ఒకేలా ఉంటుంది.
ఈ కొత్త ఫీచర్లు
2022 హ్యుందాయ్ వెన్యూ గొప్ప డిజైన్ మార్పులు అండ్ ఇంటీరియర్ అప్గ్రేడ్లతో పాటు ఎన్నో సెగ్మెంట్-ఫస్ట్ ఫీచర్లతో వస్తుంది. ఇంటీరియర్ అండ్ ఇంజన్ వివరాలు అధికారికంగా వెల్లడి కావాల్సి ఉంది. కొత్త వెన్యూ కస్టమర్లు ఇప్పుడు అలెక్సా అండ్ గూగుల్ వాయిస్ అసిస్టెంట్తో హోమ్ టు కార్ (H2C) ద్వారా మల్టీ కార్ ఫంక్షన్లను కంట్రోల్ చేయవచ్చు. ఈ కొత్త మోడల్లో 60 కంటే ఎక్కువ బ్లూలింక్ కనెక్ట్ చేయబడిన ఫీచర్లు ఉన్నాయి. కొత్త వెన్యూ సెగ్మెంట్-ఫస్ట్ 2-స్టెప్స్ బ్యాక్ రిక్లైనింగ్ సీటుతో వస్తుందని కంపెనీ ధృవీకరించింది.