ప్రతిరోజూ కొన్ని వింత సంఘటనలు తెరపైకి వస్తూ హెడ్ లైన్స్ గా మారుతున్నాయి. ఇప్పుడు చెప్పబోయేది ఎలోన్ మస్క్ చేసిన ట్వీట్ గురించి కాదు, కానీ కోటి రూపాయల విలువైన తన BMW కారును నదిలో విసిరిన భారతదేశానికి చెందిన వ్యక్తి గురించి...
తల్లి చనిపోవడంతో
తల్లి మృతితో బాధపడుతున్న ఓ వ్యక్తి బిఎమ్‌డబ్ల్యూ కారుని శ్రీరంగపట్నంలోని కావేరీ నదిలోకి తోసేసిన కేసు బెంగళూరుకు చెందినది. ఆ వ్యక్తి కారు నుండి దిగిన తర్వాత దానిని నది లోకి తోసేశాడు. నివేదిక ప్రకారం ఆ వ్యక్తి కావేరీ నదిలోకి తోసేసిన BMW X6 SUB విలువ రూ. 1.3 కోట్లు.
ఆ వ్యక్తి తన ఎస్‌యూవీని కావేరీ నదిలో పడేసినప్పుడు అతను తన తల్లి మరణంతో చాలా బాధపడుతున్నడని అక్కడి మత్స్యకారులు, బాటసారులు తెలిపారు. నదిలో కూరుకుపోతున్న ఈ లగ్జరీ కారును నది చుట్టూ ఉన్న మత్స్యకారులు, బాటసారులు గమనించి పోలీసులకు సమాచారం అందించారు. సమాచారం అందిన వెంటనే పోలీసులు హుటాహుటిన సంఘటనా స్థలానికి చేరుకున్నారు.
ఈ కారు ప్రమాదానికి గురైందని పోలీసులకు తెలిసిన వెంటనే కారు లోపల ఎవరైనా చిక్కుకుపోయారేమోననే భయంతో పోలీసులు బృందం చాలా శ్రమించి కారును నదిలో నుంచి బయటకు తీశారు. చివరకి పోలీసులు రవాణా శాఖ నుంచి సమాచారం సేకరించి బెంగళూరులోని మహాలక్ష్మి లేఅవుట్‌లో నివాసముంటున్న కారు యజమానిని గుర్తించారు.
పోలీసుల విచారణలో
పోలీసుల విచారణలో సదరు వ్యక్తి దీని గురించి పెద్దగా వెల్లడించనప్పటికీ.. తల్లి చనిపోవడంతో డిప్రెషన్‌కు లోనయ్యాడని.. అందుకే బీఎండబ్ల్యూ ఎస్‌యూవీని నదిలో పడేసినట్లు అతని బంధువులు చెప్పారు. అనంతరం కుటుంబ సభ్యులు వాంగ్మూలం ఇవ్వడంతో ఆ వ్యక్తిని పోలీసులు రిలీజ్ చేశారు.