వాస్తు ప్రకారం.. బెడ్ దగ్గర వీటిని అసలే పెట్టకూడదు..

వాస్తు ప్రకారం.. కొన్ని వస్తువులను మనం పడుకునే బెడ్ దగ్గర పెట్టకూడదు. వీటిని బెడ్ దగ్గర పెట్టడం వల్ల సరిగ్గా నిద్రపట్టకపోవడమే కాకుండా మీరు జీవితంలో డబ్బుకు సంబంధించిన సమస్యలను ఫేస్ చేసే అవకాశముందని జ్యోతిష్యులు చెబుతున్నారు.   

వాస్తు చిట్కాలు

వస్తువులను ఒకచోట పెట్టేటప్పుడు నియమాలను పాటించాలి. అలాగే దిశలను కూడా చూసుకోవాలి. తప్పుడు దిశలో పెడిగితే ప్రతికూల శక్తుల ప్రభావం పెరుగుతుందని వాస్తుశాస్త్రం చెబుతోంది. మరి  నిద్రపోయేటప్పుడు ఎలాంటి వస్తువులు బెడ్ దగ్గర పెట్టకూడదో ఇప్పుడు తెలుసుకుందాం పదండి. 

Vastu tips of broom

చీపుర్లు 

హిందూ మతంలో.. చీపురును ఎంతో పవిత్రంగా భావిస్తారు. అందుకే రాత్రి పడుకునేటప్పుడు దానిని తప్పుడు ప్రదేశంలో పెట్టకూడదు. అలాగే మంచం కింద చీపురును ఎట్టి పరిస్థితిలో పెట్టకూడదు. ఎందుకంటే వాస్తు ప్రకారం, శాస్త్రాల ప్రకారం.. ఇలా చేయడం అస్సలు మంచిది కాదు. బదులుగా చీపురును ఎవరూ చూడని ప్రదేశంలో పెట్టొచ్చు. అలాగే వాయవ్య మూలన చీపుర్లను ఉంచడానికి మంచిదని భావిస్తారు. అలాగే చీపురును వంటగది, పడకగది లేదా పూజగది దగ్గర ఎప్పుడూ ఉంచకూడదు. ఇలా పెడితే మీరు ఎన్నో సమస్యలను ఫేస్ చేయాల్సి ఉంటుంది. 

బెడ్ రూం

మొబైల్, వాచ్ లు

బెడ్ దగ్గర మొబైల్ లేదా వాచ్ వంటి ఏ రకమైన ఎలక్ట్రానిక్ వస్తువులను కూడా పెట్టకూడదని వాస్తు శాస్త్రంలో నమ్ముతారు. అలాగే వార్తాపత్రిక లేదా పుస్తకం వంటి విద్యకు సంబంధించిన పుస్తకాలను కూడా తల దగ్గర పెట్టుకుని పడుకోకూడదు. ఎందుకంటే ఇలా చేస్తే మీరు జ్ఞానాన్ని అవమానించినట్టు అవుతుంది.

వాస్తు చిట్కాలు

అల్లం

కొద్దిగా అల్లంను గుడ్డలో కట్టి దిండు కింద పెట్టుకుని పడుకోవడం వల్ల పీడకలల పడే సమస్య పోతుందని వాస్తు శాస్త్రం చెబుతోంది. అలాగే రాత్రి నిద్రలో మీరు భయంతో అకస్మాత్తుగా కళ్లు తెరిస్తే 5-6 చిన్న యాలకులను దిండు కింద గుడ్డలో కట్టి పెట్టండి. అలాగే రాత్రి పడుకునే ముందు ఒక బాటిల్ వాటర్ ను  మీ దగ్గర పెట్టుకోవచ్చు.