పవన్ బర్త్ డే, వైఎస్సార్ డెత్ డే : ఇద్దరి మధ్య ఎవరికీ తెలియని కామన్ విషయాలు

ఇవాళ (సోమవారం, సెప్టెంబర్ 2, 2024) జనసేనాని పవన్ కల్యాణ్ పుట్టినరోజు... మాజీ ముఖ్యమంత్రి వైఎస్ రాజశేఖర్ రెడ్డి చనిపోయిన రోజు. ఈ సందర్భంగా ఇద్దరిమద్య కామన్ విషయాలేమిటో తెలుసుకుందాం... 

Pawan Kalyan YSR

ఉమ్మడి ఆంధ్ర ప్రదేశ్ కు రెండుసార్లు ముఖ్యమంత్రిగా పనిచేసారు దివంగత వైఎస్ రాజశేఖర్ రెడ్డి... ఇప్పుడు ప్రత్యేక ఆంధ్ర ప్రదేశ్ కు ఉప ముఖ్యమంత్రిగా పనిచేస్తున్నారు పవన్ కల్యాణ్. ఈ ఇద్దరు నాయకులు ప్రజా అభిమానాన్ని చూరగొన్నవారే. వీరిలో ఒకరిది ఇవాళ భర్త్ డే కాగా...ఇంకొకరిది వర్ధంతి. ఈ సందర్భంగా ఇద్దరు నేతల మధ్య ఓ సారుప్యత ... ఎవరికీ తెలియని ఈ విషయం గురించి తెలుసుకుందాం. 

 వైఎస్సార్, పవన్ కల్యాణ్ ఈ ఇద్దరి పాలనా ప్రస్థానం ఒకేలా ప్రారంభమయ్యింది. ఇటీవల పవన్ రాజకీయ నాయకుడి నుండి పాలకుడిగా మారారు... సేమ్ టు సేమ్ ఇలాగే వైఎస్ రాజశేఖర్ రెడ్డి కూడా పాలకుడిగా మారారు. ఇద్దరూ ఎమ్మెల్యేగా గెలిచిన మొదటిసారే మంత్రివర్గంలో చోటు దక్కించుకున్నారు.  

Pawan Kalyan YSR

వైఎస్సార్, పవన్ సేమ్ టు సేమ్ : 

వైఎస్ రాజశేఖర్ రెడ్డి డాక్టర్ గా కెరీర్ ఫీక్ స్టేజ్ లో వుండగానే రాజకీయాల్లో ప్రవేశించారు. పవన్ కల్యాణ్ కూడా ఇలాగే సినిమాల్లో టాప్ ప్లేస్ లో వుండగానే పొలిటికల్ ఎంట్రీ ఇచ్చారు. ఇద్దరూ రాజకీయంగా చాలా ఒడిదుడుకులు ఎదుర్కొని ఎమ్మెల్యేగా మారారు. 

ఎలాంటి పొలిటికల్ బ్యాగ్రౌండ్ లేకుండానే వైఎస్ రాజశేఖర్ రెడ్డి, పవన్ కల్యాణ్ రాజకీయ ప్రస్థానం ప్రారంభమయ్యింది. తండ్రి రాజారెడ్డి ప్రోద్భలంతో వైఎస్సార్, అన్న చిరంజీవి ప్రొద్భలంతో పవన్ కల్యాణ్ రాజకీయ రంగప్రవేశం చేసారు. ఇద్దరూ రాజకీయాల్లో అత్యున్నత పదవులు అధిరోహించారు. 

Pawan Kalyan

ఆసక్తికర విషయం ఏమిటంటే వైఎస్సార్, పవన్ ఎమ్మెల్యేగా గెలిచిన మొదటిసారే మంత్రిగా మారారు.  1978 లో కడప జిల్లా పులివెందుల నుండి మొదటిసారి ఎమ్మెల్యేగా గెలిచారు... 1980లో మంత్రిగా అవకాశం దక్కింది.  

పవన్ కల్యాణ్ కూడా 2024 లో మొదటిసారి ఎమ్మెల్యేగా గెలిచారు. ఇలా గెలిచారో లేదో అలా మంత్రి పదవి పొందారు. వైఎస్సార్ మాదిరిగానే పవన్ కు కూడా ఎమ్మెల్యేగా గెలిచిన మొదటిసారే మంత్రిగా అవకాశం దక్కింది. 

Pawan Kalyan

మరో ఆసక్తికర విషయం ఏంటంటే ఇద్దరికీ మొదటిసారి గ్రామీణాభివృద్ది శాఖలే దక్కాయి. ఈ శాఖను అప్పుడు వైఎస్సార్ లాగే ఇప్పుడు పవన్ సమర్ధవంతంగా నిర్వర్తిస్తున్నారు. 

రాష్ట్రంలోని గ్రామాల అభివృద్దికి కేంద్రం నుండి భారీ నిధులు రాబట్టుకోగలుగుతున్నారు పవన్. 2024-25 ఆర్థిక సంవత్సరం అంటే ప్రస్తుత ఫైనాన్షియల్ ఇయర్ కు సంబంధించిన ఉపాధి హామీ వేతనాల చెల్లింపుకోసం కేంద్ర గ్రామీణాభివృద్ది శాఖ ఏపీకి నిధులు కేటాయించింది. ఇలా 21.5 కోట్ల పనిదినాలకు గాను మొత్తం రూ.5743.90 కోట్లను మంజూరు చేసారని మంత్రి పవన్ కల్యాణ్ ఇటీవల వెల్లడించారు. 

Pawan Kalyan

పవన్ ప్రస్తుతం జనసేన పార్టీ అధ్యక్షుడిగా వున్నారు. వైఎస్సార్ కూడా కాంగ్రెస్ పార్టీ రాష్ట్ర (పిసిసి) అధ్యక్షుడిగా పనిచేసారు. రాజకీయ పార్టీని నడిపే విషయంలో ఇద్దరూ ఒకేలా వ్యవహరించారు. 

రాజకీయాల్లోకి వచ్చాన దశాబ్ద కాలంపాటు రాజకీయంగా అలుపెరగని పోరాటం చేసాకే పవన్ కు డిప్యూటీ సీఎం స్థాయికి చేరుకున్నారు. వైఎస్సార్ రాజకీయ ప్రస్థానం కూడా ఇలాగే సాగింది. ఆయన కూడా దశాబ్దాల రాజకీయ పోరాటం తర్వాతే ముఖ్యమంత్రి స్థాయికి చేరుకున్నారు.