మెగాస్టార్‌ చిరంజీవి నటించిన `వాల్తేర్‌ వీరయ్య` ట్రైలర్ విడుదలైంది. చిరంజీవి, రవితేజ మధ్య వచ్చే సీన్లు హైలైట్‌గా నిలిచాయి. మెగా ఫ్యాన్స్ కిది పూనకాలు తెప్పించేలా ఉండటం విశేషం.
మెగాస్టార్‌ చిరంజీవి హీరోగా నటిస్తున్న మూవీ `వాల్తేర్‌ వీరయ్య`. రవితేజ కీలక పాత్రలో నటిస్తున్న ఈ చిత్రంలో శృతి హాసన్‌, కేథరిన్‌ థ్రెస్సా హీరోయిన్లుగా నటిస్తున్నారు. బాబీ దర్శకత్వం వహించిన ఈ చిత్రం సంక్రాంతికి విడుదల కానుంది. తాజాగా శనివారం ట్రైలర్ విడుదలైంది. ఇందులో మాస్‌,ఫన్‌, యాక్షన్‌ మేళవింపుగా ఉన్న ఈ ట్రైలర్ అదరగొడుతుంది. చిరంజీవిలోనా ఫన్‌ యాంగిల్‌ని బయటకు తీసుకొస్తుంది.
అంతేకాదు ఫవర్‌ ఫుల్‌ డైలాగులు మెగాస్టార్‌ ఫ్యాన్స్ కి ట్రీట్‌లా ఉన్నాయి. `మాస్‌ అనే పదానికి బొడ్డుకోసం పేరెట్టిందే ఆయన్ని చూసి`, `వీడు ఎర అసలు సొర నువ్వే` అని, అలాగే `వైజాగ్‌లో వేటగాడు లేక ఒక పులి పూనకాలతో ఊగుతుందట..` అని రవితేజ చెప్పే డైలాగ్‌, `రికార్డుల్లో నా పేరు ఉండటం కాదు, నా పేరు మీదే రికార్డులున్నాయి` అని చిరంజీవి చెప్పే డైలాగులు, `హలో మాస్టారు ఒక్కసారి ఫేస్‌ టర్నింగ్‌ ఇచ్చుకోండి.. ఒక్కొక్కడికి బాక్సులు బద్దలైపోతాయి` అని చెప్పగా, ఏంట్రా బద్దలయ్యేది నీలాంటి కమిషనర్లు వస్తుంటారు పోతుంటారు, ఇక్కడ వీరయ్య లోకల్‌` అని చిరంజీవి చెప్పే డైలాగ్‌లు అదరహో అనిస్తున్నాయి.
ఇందులో చిరంజీవి, రవితేజ తమ పాత సినిమా డైలాగులను మార్చుకుని చెప్పడం ఇందులో హైలైట్‌ పాయింట్‌. దీనికితోడు చిరంజీవి మార్క్ కామెడీ ఇందులో మరో హైలైట్‌గా ఉండబోతుందని ట్రైలర్‌ని చూస్తుంటే అర్థమవుతుంది. రెగ్యూలర్‌ మాస్‌ కమర్షియల్‌ చిత్రమే కాదు, ఇందులో డ్రగ్స్, మాఫియా వంటి మరో బలమైన పాయింట్‌ని కూడా చూపించబోతున్నారని అర్థమవుతుంది. ట్రైలర్ మెగా ఫ్యాన్స్ కి పూనకాలు తెప్పించేలా ఉండటం విశేషం. మైత్రీ మూవీ మేకర్స్ నిర్మిస్తున్న ఈ చిత్రం సంక్రాంతి కానుకగా ఈనెల 13న విడుదల కానుంది. రేపు వైజాగ్‌లో ప్రీ రిలీజ్‌ ఈవెంట్‌ జరగబోతుంది.