ప్రైమ్లో విశ్వక్ సేన్ `పాగల్`.. ప్రపంచ వ్యాప్తంగా స్ట్రీమింగ్ అప్పుడే!
సారాంశం
ఇప్పుడు నెల రోజులు తిరక్కుండానే ఓటీటీలో రాబోతుంది. ఈ నెల 3న ఈ సినిమా అమెజాన్ ప్రైమ్లో స్ట్రీమింగ్ కానుంది. దాదాపు ప్రపంచ వ్యాప్తంగా 240దేశాల్లో ఇది స్ట్రీమింగ్ కానుందని అమెజాన్ ప్రైమ్ తెలిపింది.
విశ్వక్ సేన్ హీరోగా నటించిన చిత్రం `పాగల్`. నివేతా పేతురాజ్ కథానాయికగా నటించిన ఈచిత్రానికి నరేష్ దర్శకత్వం వహించారు. దిల్రాజ్, బెక్కం వేణుగోపాల్ నిర్మించారు. ఆగస్ట్ 14న థియేటర్లో విడుదలై బాగా రన్ అయ్యింది. ఇప్పుడు నెల రోజులు తిరక్కుండానే ఓటీటీలో రాబోతుంది. ఈ నెల 3న ఈ సినిమా అమెజాన్ ప్రైమ్లో స్ట్రీమింగ్ కానుంది. దాదాపు ప్రపంచ వ్యాప్తంగా 240దేశాల్లో ఇది స్ట్రీమింగ్ కానుందని అమెజాన్ ప్రైమ్ తెలిపింది.
ఈ నేపథ్యంలో తాజాగా నిర్మాత బెక్కం వేణుగోపాల్ ప్రకటించారు. రొమాంటిక్ లవ్ స్టోరీగా దీన్ని రూపొందించినట్టు నిర్మాతలు తెలిపారు. `డిస్ట్రిబ్యూటర్స్, ఎగ్జిబిటర్స్, నిర్మాతలు సంతోషంగా ఉన్నప్పుడే ఓ సినిమా సూపర్ హిట్ అయినట్లుగా భావిస్తా, `పాగల్`కి వసూళ్లు బాగా వచ్చాయి. సినిమా విడుదలైన మూడు రోజుల్లోనే బ్రేక్ ఈవెన్ సాధించడం సంతోషంగా ఉంది.
కరోనా ఫస్ట్వేవ్ తర్వాత థియేటర్స్లో సినిమాను చూడటానికి ప్రేక్షకులు బాగా వచ్చారు. ఆ సమయంలో వచ్చి, హిట్ టాక్ తెచ్చుకున్న సినిమాలకు మంచి కలెక్షన్స్ వచ్చాయి. ఇప్పుడు సెకండ్ వేవ్ తర్వాత ఆడియన్స్ ఆశించిన స్థాయిలో థియేటర్స్కు రావడం లేదు. థర్డ్ వేవ్ వస్తుందని వినిపిస్తున్న వార్తలు కూడా ఓ కారణం కావొచ్చు. మిడిల్ క్లాస్ ఆడియన్స్ థియేటర్స్కు వచ్చినప్పుడే పెద్ద స్థాయి కలెక్షన్స్ చూడొచ్చు. ఓటీటీ ప్లాట్ఫామ్స్వల్ల మార్కెట్ పెరిగింది. నిజానికి అందరూ థియేటర్స్కు రారు. అలా రానివారు ఓటీటీల్లో సినిమాలు చూస్తున్నారు. ఆ వ్యూయర్స్ అంతా ఎక్స్ట్రా ఆడియన్సే` అని నిర్మాత తెలిపారు.