‘ఖుషి’ ట్రైలర్ పై ఇంట్రెస్టింగ్ అప్డేట్ ఇచ్చిన విజయ్.. రిలీజ్ ఎప్పుడు? వైరల్ గా రొమాంటిక్ పిక్
By Asianet News | First Published Aug 7, 2023, 2:17 PM ISTవచ్చే నెలలో బ్యూటీఫుల్ లవ్ స్టోరీగా ‘ఖుషి’ మూవీ తెరకెక్కబోతోంది. ఇప్పటికే ఈ చిత్రం సాంగ్స్ దుమ్ములేపుతున్నాయి. ఈ క్రమంలో ట్రైలర్ పై విజయ్ దేవరకొండ ఇంట్రెస్టింగ్ అప్డేట్ అందించారు.
డాషింగ్ హీరో విజయ్ దేవరకొండ (Vijay Deverakonda) అభిమానులు ‘ఖుషి’ మూవీ కోసం ఎంతగానో ఎదురుచూస్తున్నారు. రౌడీ హీరో చివరిగా మూడునాలుగు సినిమాలతో వచ్చినా ప్రేక్షకులను ఆకట్టుకోలేకపోయాయి. బాక్పాఫీస్ వద్ద కూడా ఎదురుదెబ్బ తగిలింది. గీత గోవింద తర్వాత వచ్చిన సినిమాలన్నీ డిజాస్టర్ అయ్యాయి. చివరిగా ‘లైగర్’తో భారీ అంచనాలు పెంచినా.. చివరిగా సీన్ రివర్స్ అయ్యింది. ఈ క్రమంలో దేవరకొండ సాలిడ్ హిట్ కొట్టేందుకు Kushi చిత్రంతో వస్తున్నారు.
స్టార్ హీరోయిన్ సమంత (Samantha) - విజయ్ దేవరకొండ జంటగా నటించారు. శివ నిర్వాణ దర్శకత్వం వహిస్తున్నారు. ఇప్పటికే షూటింగ్ పార్ట్ పూర్తైంది. మైత్రీ మూవీ మేకర్స్ బ్యానర్ పై గ్రాండ్ గా రూపుదిద్దుకుంటోంది. వచ్చే నెలలో ఈ చిత్రం థియేటర్లోకి రాబోతోంది. ఇంకో ఇరవై రోజుల వరకు సమయం ఉండటంతో యూనిట్ ప్రమోషన్స్ ను ప్రారంభించింది. వరుసగా అప్డేట్స్ ఇస్తూ వస్తున్నారు.
Latest Videos
undefined
ఇప్పటికే చిత్రం నుంచి వచ్చిన సాంగ్స్, టీజర్ కు అదిరిపోయే రెస్పాన్స్ దక్కింది. విజయ్, సామ్ కెమిస్ట్రీ కూడా ఆసక్తిని పెంచేస్తోంది. ఈ క్రమంలో యూనిట్ ట్రైలర్ పై అప్డేట్ అందించిన విషయం తెలిసిందే. ఆగస్టు 9న ట్రైలర్ ను విడుదల చేయబోతున్నారు. దీనిపై తాజాగా విజయ్ ఇంట్రెస్టింగ్ అప్డేట్ అందించారు. ట్రైలర్ 2 నిమిషాల 41 సెకన్ల నిడివి ఉంటుందని తెలిపారు. ఈ సందర్బంగా విజయ్ ఓ రొమాంటిక్ పిక్ ను అభిమానులతో పంచుకున్నారు. విజయ్ దేవరకొండ వొళ్లో సమంత కూర్చున్న ఫొటోను షేర్ చేసి ట్రైలర్ పై ఆసక్తి పెంచేశారు.
ట్రైలర్ రిలజ్ తర్వాత సినిమాపై మరింత హైప్ క్రియేట్ అవ్వనుంది. ఇక ఈ చిత్రాన్ని తెలుగుతో పాటు తమిళం, మళయాల, కన్నడ, హిందీ భాషల్లో విడుదల చేయబోతోన్నారు. విజయ్ దేవరకొండ, సమంత జంటగా నటిస్తుండగా... జయరాం, సచిన్ ఖేడేకర్, మురళీ శర్మ, లక్ష్మీ, అలీ, శరణ్య పొన్ వణ్నన్, రోహిణి, వెన్నెల కిషోర్, రాహుల్ రామకృష్ణ, శ్రీకాంత్ అయ్యంగార్, శరణ్య ప్రదీప్ తదితరులు కీలక పాత్రలు పోషిస్తున్నారు. సెప్టెంబర్ 1న ప్రపంచ వ్యాప్తంగా విడుదల కానుంది. హేషమ్ అబ్దుల్ సంగీతం అందిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి