సెన్సేషనల్ హీరో విజయ్ దేవరకొండ వరస విజయాలతో మంచి జోరు మీద ఉన్నారు.
సెన్సేషనల్ హీరో విజయ్ దేవరకొండ వరస విజయాలతో మంచి జోరు మీద ఉన్నారు. తాజాగా మరో కొత్త చిత్రాన్ని ప్రారంభించాడు. తమిళ దర్శకుడు ఆనంద్ అన్నామలై దర్శకత్వంలో విజయ్ నటించనున్నాడు. స్పోర్ట్స్ నేపథ్యంలో సాగనున్న ఈ చిత్రానికి ‘హీరో’ అనే టైటిల్ను ఖరారు చేశారు. దీనికి సంబంధించిన పూజా కార్యక్రమాలు ఈ రోజు హైదరాబాద్లో జరిగాయి.
ఈ కార్యక్రమానికి దర్శకుడు కొరటాల శివ, ఎమ్మెల్యే గొట్టిపాటి రవి ముఖ్య అతిథులుగా హాజరయ్యారు. ఈ సందర్భంగా గొట్టిపాటి రవి కెమెరా స్విచ్ఛాన్ చేయగా.. కొరటాల శివ మొదటి షాట్కు క్లాప్ కొట్టారు. మరోసారి మైత్రీ మూవీ మేకర్స్ బ్యానర్లో బహు భాషా చిత్రంగా ఈ సినిమాను తెరకెక్కిస్తున్నారు.
ఈ మూవీలో విజయ్ బైక్ రేసర్గా కనిపించనున్నాడు. ఈ సినిమాతో మలయాళ నటి మాళవిక మోహనన్ తెలుగు తెరకు పరిచయమవుతున్నారు. విజయ్ మార్కెట్ను దృష్టిలో పెట్టుకొని ఈ సినిమాతో కూడా తెలుగుతో పాటు తమిళ, కన్నడ భాషల్లోనూ రిలీజ్ చేసేందుకు ప్లాన్ చేస్తున్నారు.
ఇక ఇప్పటికే ఇప్పటికే విజయ్ హీరోగా తెరకెక్కిన డియర్ కామ్రేడ్ రిలీజ్కు రెడీ అవుతుండగా కాంత్రికుమార్ దర్శకత్వంలో మరో రొమాంటిక్ ఎంటర్టైనర్ సెట్స్ మీద ఉంది. ఈ రెండు సినిమాలతో పాటు మరో సినిమాను కూడా లైన్లో పెట్టాడు విజయ్.